    |
 |
|
ທ່ານໝໍໄດ້ກວດພົບພະຍາດຢູ່ນຳປະຊາຊົນຫຼາຍຄົນ. ພາບ: qdnd.vn |
|
|
 |
|
ປະຊາຊົນກວ່າ 200 ຄົນໄດ້ກວດພະຍາດ, ຮັບຢາໂດຍບໍ່ເສຍຄ່າ. ພາບ: qdnd.vn |
ເຂົ້າຮ່ວມການກວດ, ປິ່ນປົວພະຍາດ, ແຈກຢາຍຢຸກຢາໂດຍບໍ່ເສຍຄ່າໃນຄັ້ງນີ້ມີທ່ານໝໍ, ພະຍາບານກວ່າ 30 ຄົນທີ່ມີລະດັບວິຊາສະເພາະ, ມີບົດຮຽນຫຼາຍຢ່າງທີ່ມາຈາກບັນດາຫົວໜ່ວຍ: ພະແນກສາທາລະນະສຸກ, ກອງບັນຊາການທະຫານແຂວງແທງຮວ໊າ, ກອງບັນຊາການທະຫານຊາຍແດນແຂວງແທງຮວ໊າ, ໂຮງໝໍສູນກາງ 71, ກໍາລັງແພດທະຫານກອງທັບປະຊາຊົນລາວ ພ້ອມກັບພະນັກງານການແພດຂອງສອງທ້ອງຖິ່ນເຂດຊາຍແດນ, ພ້ອມກັນນັ້ນແມ່ນອຸປະກອນການແພດທັນສະໄໝໄດ້ນໍາມາໃຊ້ເຂົ້າໃນການກວດພະຍາດໃຫ້ປະຊາຊົນ.
|
|
 |
|
ເຖິງວ່າບ້ານຢູ່ໄກກໍ່ຕາມ ແຕ່ປະຊາຊົນກໍ່ໄດ້ມາກວດພະຍາດ, ຮັບຄໍາປຶກສາດ້ານສຸຂະພາບ. ພາບ: qdnd.vn |
ທີ່ໂຮງຮຽນປະຖົມບ້ານເດີຍ, ເມືອງວຽງໄຊ, ແຂວງຫົວພັນແພດທະຫານສອງແຂວງໄດ້ຜັນຂະຫຍາຍຫ້ອງກວດພະຍາດຕາມແບບມິດຊິດໃຫ້ປະຊາຊົນກວ່າ 200 ຄົນ.
|
|
 |
|
ຢາບໍາລຸງ, ຢາສາມັນປະຈຳເຮືອນໄດ້ແຈກຢາຍໃຫ້ປະຊາຊົນໂດຍບໍ່ເສຍຄ່າ. ພາບ: qdnd.vn |
ດ້ວຍທິດນໍາທີ່ວ່າ “ເຮັດຈົນສຸດຄວາມສາມາດຂອງຕົນເພື່ອຮັບໃຊ້ປະຊາຊົນ”, ທ່ານໝໍຂອງສອງແຂວງແທງຮວ໊າ-ຫົວພັນ ຍັງຈັດຕັ້ງໂຄສະນາກ່ຽວກັບຄວາມຮູ້ເບິ່ງແຍງດູແລ, ຮັກສາສຸຂະພາບ, ປ້ອງກັນ, ຕ້ານພະຍາດໃຫ້ປະຊາຊົນ. ພ້ອມກັບການເຄື່ອນໄຫວກວດ, ປິ່ນປົວພະຍາດ, ແຈກຢາຍຢຸກຢາໂດຍບໍ່ເສຍຄ່າ, ກໍາລັງປະກອບອາວຸດແຂວງແທງຮວ໊າ ຍັງມອບຂອງຂວັນ 30 ພູດໃຫ້ພວກຫຼານນັກຮຽນທີ່ປະສົບກັບຄວາມຫຍຸ້ງຍາກ, ຮຽນເກັ່ງ (ແຕ່ລະພູດມີມູນຄ່າ 1,5 ລ້ານດ່ົງ).
|
|
 |
|
ຂອງຂວັນ 30 ພູດ ໄດ້ມອບໃຫ້ພວກຫຼານນັກຮຽນທຸກຍາກແຕ່ຮຽນເກັ່ງ. ພາບ: qdnd.vn |
|
|
 |
|
ແຕ່ລະພູດມີມູນຄ່າ 1,5 ລ້ານດົ່ງ. ພາບ: qdnd.vn |
ຕາມທ່ານພັນເອກພິເສດ ເລວັງຈູງ ຫົວໜ້າການເມືອງ ກອງບັນຊາການທະຫານແຂວງແທງຮວ໊າ ແລ້ວ, ການເຄື່ອນໄຫວກວດພະຍາດ, ໃຫ້ຄໍາປຶກສາດ້ານສຸຂະພາບ ແລະແຈກຢາຍຢຸກຢາໂດຍບໍ່ເສຍຄ່າ, ມອບຂອງຂວັນໃຫ້ພວກນ້ອງນັກຮຽນທຸກຍາກແຕ່ຮຽນເກັ່ງຢູ່ເຂດຊາຍແດນ ຫວຽດນາມ-ລາວ ຂອງກໍາລັງປະກອບອາວຸດແຂວງແທງຮວ໊າ ໄດ້ປະກອບສ່ວນປັບປຸງການພົວພັນສະໜິດຕິດແໜ້ນລະຫວ່າງສອງປະເທດ, ໂດຍສະເພາະແມ່ນລະຫວ່າງຄະນະພັກ, ອໍານາດການປົກຄອງທ້ອງຖິ່ນ, ປະຊາຊົນຢູ່ເຂດຊາຍແດນ, ພ້ອມທັງຍົກສູງຈິດໃຈຄວາມຮັບຜິດຊອບຂອງກໍາລັງປົກປັກຮັກສາຊາຍແດນສອງປະເທດຮ່ວມແຮງຮ່ວມໃຈສົມທົບກັນຢ່າງແໜ້ນແຟ້ນ, ມີປະສິດທິຜົນກວ່າໃນການຄຸ້ມຄອງ, ປົກປັກຮັກສາຊາຍແດນ, ຫຼັກໝາຍ, ຕໍ່ສູ້ປ້ອງກັນ, ຕ້ານອາດຊະຍາກໍາ, ຊ່ວຍປະຊາຊົນລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ກໍ່ສ້າງເສັ້ນຊາຍແດນແທງຮວ໊າ-ຫົວພັນ ສັນຕິພາບ, ມິດຕະພາບ, ສະຖຽນລະພາບ, ການຮ່ວມມື, ພ້ອມກັນພັດທະນາ...
ລາຍການພົບປະແລກປ່ຽນປ້ອງກັນຊາດກໍາລັງປະກອບອາວຸດສອງແຂວງແທງຮວ໊າ-ຫົວພັນ ຢ່າງເປັນທາງການດ້ວຍຫຼາຍການເຄື່ອນໄຫວທີ່ມີຄວາມໝາຍຂໍ່ານັບຮັບຕ້ອນ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນບຸນທົ່ວປວງຊົນປ້ອງກັນຊາດ ຈະດໍາເນີນໃນວັນທີ 16 ທັນວາ, ທີ່ດ່ານສາກົນນາແມ່ວ, ເມືອງກວານເຊີນ, ແຂວງແທງຮວ໊າ.
ໂດຍ: ໄຊນີດາ