ນີ້ແມ່ນປີທີ 19 ທີ່ການເຄື່ອນໄຫວດັ່ງກ່າວໄດ້ຮັບການຈັດຕັ້ງຂຶ້ນໂດຍສະໂມສອນນັກຂ່າວວິທະຍາສາດ ແລະເຕັກໂນໂລຢີຫວຽດນາມ ໂດຍມີການເຂົ້າຮ່ວມຂອງນັກຂ່າວ, ນັກບັນນາທິການທີ່ຮັບຜິດຊອບຂົງເຂດວິທະຍາສາດ ແລະເຕັກໂນໂລຢີຂອງບັນດາອົງການສື່ມວນຊົນຂັ້ນສູນກາງ ແລະທ້ອງຖິ່ນ. ຂົງເຂດທີ່ໄດ້ຮັບການຄັດເລືອກລວມມີ: ກົນໄກນະໂຍບາຍ; ວິທະຍາສາດ, ເຕັກໂນໂລຢີໝູນໃຊ້; ວິທະຍາສາດສັງຄົມ ແລະມະນຸດສາດ; ເຊີດຊູນັກວິທະຍາສາດ.
10 ເຫດການດັ່ງກ່າວ, ຄື: ເປັນເອກະພາບຕໍ່ແຜນນະໂຍບາຍເລີ່ມດຳເນີນງານໂຄງການໄຟຟ້ານິວເຄຼຍ ນິງຖ້ວນ ຄືນໃໝ່; ປະກາດໃຊ້ຍຸດທະສາດພັດທະນາອຸດສາຫະກຳເຄິ່ງຊັກນໍາໄຟຟ້າຫວຽດນາມ ຮອດປີ 2030 ແລະວິໄສທັດຮອດປີ 2050; ປະຕິບັດແຜນນະໂຍບາຍກະຊວງວິທະຍາສາດ-ເຕັກໂນໂລຢີ ແລະກະຊວງຖະແຫຼງຂ່າວ-ສື່ສານໂຮມເຂົ້າກັນເປັນອັນໜຶ່ງອັນດຽວ; ປະກາດຊຸດດັດສະນີນະວັດຕະກໍາຂັ້ນທ້ອງຖິ່ນ; ສະຖາບັນຟີຊິກ ໜ່ວຍພິພົບເປັນເຈົ້າຂອງເຕັກໂນໂລຢີເລັ່ງ ແລະວັດແທກ, ໃຫ້ຂ່າວແຜ່ນດິນໄຫວ; ກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ເປີດນໍາໃຊ້ສູນດາຕາໃຫຍ່ທີ່ສຸດຢູ່ຫວຽດນາມ; ວັນບຸນສະຕາດອັບນະວັດຕະກໍາແຫ່ງຊາດ 2024 (Techfest 2024) ແລະ 10 ປີແຫ່ງການພັດທະນາລະບົບນິເວດສະຕາດອັບນະວັດຕະກໍາຢູ່ຫວຽດນາມ; ກຸ່ມບໍລິສັດ FPT ກໍ່ສ້າງສູນປັນຍາທຽມທີ່ມີມູນຄ່າກວ່າ 4.300 ຕື້ດົ່ງ; ຄົ້ນພົບການຕັ້ງຖິ່ນຖານຂອງມະນຸດກ່ອນປະຫວັດສາດ 8.000 ປີ ຢູ່ແຂວງບັກກ້ານ; ຮອງສາດສະດາຈານ, ປະລິນຍາເອກ ຮ່ວາງຈີ໊ທຽມ ແມ່ນຊາວຫວຽດນາມ ຄົນທຳອິດທີ່ໄດ້ຮັບລາງວັນດາລາສາດສາກົນໄຕ້ຫວັນ (ຈີນ).
ໂດຍ: ທູຈາງ
Type the code from the image