ປະຕິບັດຫຼາຍກິດຈະກຳຢູ່ເສັ້ນຊາຍແດນຫວຽດນາມ-ລາວ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນທ່ົວປວງຊົນປ້ອງກັນຊາດ, ວັນທີ 13 ທັນວາ, ບັນດາກົມກອງກໍາລັງປະກອບອາວຸດ ແຂວງເທື່ອທຽນເຫວ້ ຂອງຫວຽດນາມ ແລະແຂວງສາລະວັນ, ເຊກອງຂອງລາວ ໄດ້ສົມທົບກັນຈັດຕັ້ງຫຼາຍກິດຈະກໍາແທດຈິງເພື່ອໜູນຊ່ວຍປະຊາຊົນທີ່ຢູ່ສອງຟາກຊາຍແດນ.
ຕາມນັ້ນແລ້ວ, ຄະນະເສດຖະກິດ-ປ້ອງກັນຊາດ 92, ໂຮງໝໍທະຫານ 286 (ທະຫານເຂດ 4) ໄດ້ຈັດຕັ້ງການກວດພະຍາດ, ແຈກຢາຍຢຸກຢາໂດຍບໍ່ເສຍຄ່າ ແລະມອບຂອງຂວັນໃຫ້ປະຊາຊົນບ້ານກະໂລ, ແຂວງເຊກອງກວ່າ 100 ຄົນ; ເຜີຍແຜ່ຄວາມຮູ້ກ່ຽວກັບການເບິ່ງແຍງດູແລ, ຮັກສາສຸຂະພາບ, ປ້ອງກັນ, ຕ້ານພະຍາດໃຫ້ປະຊາຊົນຢູ່ເຂດຊາຍແດນ.
ເນື່ອງໃນໂອກາດນີ້, ກອງບັນຊາການທະຫານ ແລະກອງບັນຊາການທະຫານຊາຍແດນແຂວງເທື່ອທຽນເຫວ້, ທະນາຄານການຄ້າຫຸ້ນສ່ວນກອງທັບສາຂາເຫວ້ ແລະ Viettel ສາຂາເທື່ອທຽນ ເຫວ້ ໄດ້ມອບຂອງຂວັນ 40 ພູດໃຫ້ຄອບຄົວປະສົບກັບຄວາມຫຍຸ້ງຍາກຂອງສອງ ແຂວງສາລະວັນ, ເຊກອງ ແລະເມືອງອາເລື້ອຍແຂວງເທື່ອທຽນ ເຫວ້ ລວມມູນຄ່າທັງໝົດກວ່າ 40 ລ້ານດົ່ງ.
    |
 |
|
ການນໍາບັນດາກົມກອງມອບຂອງຂວັນໃຫ້ຄອບຄົວເປົ້າໝາຍນະໂຍບາຍ. ພາບ: qdnd.vn |
|
|
 |
|
ກວດພະຍາດ, ແຈກຢາຍຢຸກຢາໂດຍບໍ່ເສຍຄ່າໃຫ້ປະຊາຊົນບ້ານກະໂລ. ພາບ: qdnd.vn |
ຜ່ານບັນດາການເຄື່ອນໄຫວເພື່ອປັບປຸງ, ເພີ່ມທະວີ ແລະຮັດແໜ້ນການພົວພັນມິດຕະພາບ, ນໍ້າໃຈສາມັກຄີແບບພິເສດຫວຽດນາມ-ລາວ, ສ້າງເງື່ອນໄຂເພື່ອໃຫ້ບັນດາກົມກອງກໍາລັງປະກອບອາວຸດແຂວງເທື່ອທຽນເຫວ້ ແລະແຂວງສາລະວັນ, ແຂວງເຊກອງ ສົມທົບກັນປະຕິບັດສໍາເລັດທຸກໜ້າທີ່ເປັນຢ່າງດີ; ປະກອບສ່ວນສ້າງເສັ້ນຊາຍແດນຫວຽດນາມ-ລາວ ເວົ້າລວມ ແລະສ້າງເສັ້ນຊາຍແດນລະຫວ່າງແຂວງເທື່ອທຽນເຫວ້ ກັບສອງແຂວງສາລະວັນ ແລະເຊກອງ ເວົ້າສະເພາະໃຫ້ມີສັນຕິພາບ, ມິດຕະພາບ, ມີສະຖຽນລະພາບ, ການຮ່ວມມື ແລະພັດທະນາຮອບດ້ານ.
ໂດຍ: ດັ້ງເກື່ອງ