ລັດຖະມົນຕີກະຊວງປ້ອງກັນປະເທດລາວ ຢ້ຽມຢາມ ແລະໂອ້ລົມທີ່ວິທະຍາຄານປ້ອງກັນຊາດຫວຽດນາມ

ທ່ານພົນໂທ ເຈິ່ນຫວຽດຄວາ, ຜູ້ອໍານວຍການວິທະຍາຄານປ້ອງກັນຊາດຫວຽດນາມ ກ່າວຄຳເຫັນທີ່ການພົບປະ. ພາບ: qdnd.vn

ກ່າວຄຳເຫັນທີ່ການເຮັດວຽກ, ທ່ານ ພົນໂທ, ຮສຈ, ປອ ເຈິ່ນຫວຽດຄວາ, ຜູ້ອໍານວຍການວິທະຍາຄານປ້ອງກັນຊາດ ເນັ້ນໜັກວ່າ ໃນໄລຍະຜ່ານມາ, ວິທະຍາຄານ ຈັດຕັ້ງການບຳລຸງກໍ່ສ້າງ, ຝຶກອົບຮົມດ້ວຍຫຼາຍຮູບການໃຫ້ແກ່ພະນັກງານ, ນາຍທະຫານຂອງກອງທັບປະຊາຊົນລາວ ໄດ້ຫຼາຍຊຸດ; ພ້ອມທັງສົ່ງພະນັກງານ, ຄູອາຈານ, ນັກຊ່ຽວຊານໄປເຮັດວຽກຢູ່ລາວ ເປັນປະຈຳ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາກອງທັບປະຊາຊົນລາວ. ທ່ານພົນໂທ ເຈິ່ນຫວຽດຄວາ ຫວັງວ່າ ໃນໄລຍະຈະມາເຖິງ, ກອງທັບສອງປະເທດ ຈະມີຫຼາຍການເຄື່ອນໄຫວຮ່ວມມືຢ່າງເລິກເຊິ່ງ, ຮອບດ້ານ, ໃນນັ້ນ, ວິທະຍາຄານປ້ອງກັນຊາດ ຈະມີການປະກອບສ່ວນສໍາຄັນ, ແທດຈິງ, ປະກອບສ່ວນເພີ່ມພູນຄູນສ້າງສາຍພົວພັນສາມັກຄີແບບພິເສດລະຫວ່າງສອງພັກ, ສອງລັດ, ປະຊາຊົນ ແລະກອງທັບຂອງສອງປະເທດ.

ທ່ານພົນໂທ ຄຳລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດລາວ ກ່າວຄຳເຫັນທີ່ການພົບປະ. ພາບ: qdnd.vn

ຂອບໃຈຕໍ່ການຊ່ວຍເຫຼືອອັນເລິກເຊິ່ງ, ມີປະສິດທິຜົນຂອງກະຊວງປ້ອງກັນປະເທດຫວຽດນາມ ເວົ້າລວມ,  ວິທະຍາຄານປ້ອງກັນຊາດ ເວົ້າສະເພາະ, ທ່ານພົນໂທ ຄຳລຽງ ອຸທະໄກສອນ ເນັ້ນໜັກວ່າ ວິທະຍາຄານປ້ອງກັນຊາດ ແມ່ນສູນບຳລຸງກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ ບໍ່ພຽງແຕ່ໃຫ້ກອງທັບປະຊາຊົນຫວຽດນາມ ເທົ່ານັ້ນ ຫາກຍັງໃຫ້ກອງທັບປະຊາຊົນລາວ ອີກດ້ວຍ.

ທ່ານພົນໂທ ຄຳລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດລາວ ຂຽນໃສ່ປຶ້ມອະນຸສອນຢູ່ວິທະຍາຄານປ້ອງກັນຊາດຫວຽດນາມ. ພາບ: qdnd.vn

ບັນດາຜູ້ແທນຖ່າຍຮູບເປັນທີ່ລະນຶກ. ພາບ: qdnd.vn

ທ່ານລັດຖະມົນຕີກະຊວງປ້ອງກັນປະເທດລາວ ເຊື່ອໝັ້ນວ່າ ການພົວພັນຮ່ວມມືລະຫວ່າງກອງທັບສອງປະເທດຈະນັບມື້ນັບແໜ້ນແຟ້ນກວ່າອີກ, ໃນນັ້ນ ຫວັງວ່າ ວິທະຍາຄານປ້ອງກັນຊາດຫວຽດນາມ ຈະສືບຕໍ່ເອົາໃຈໃສ່ບັນດາໂຄງການຮ່ວມມື, ສົມທົບກັນຢ່າງແໜ້ນແຟ້ນກັບອົງການທີ່ກ່ຽວຂ້ອງຂອງກອງທັບປະຊາຊົນລາວ, ຜັນຂະຫຍາຍບັນດາການເຄື່ອນໄຫວຮ່ວມມື, ແລກປ່ຽນບົດຮຽນໃນຂົງເຂດການທະຫານ, ການປ້ອງກັນຊາດ, ບຳລຸງກໍ່ສ້າງ, ຄົ້ນຄວ້າວິທະຍາສາດຢ່າງມີປະສິດທິຜົນ, ປະກອບສ່ວນເຮັດໃຫ້ສາຍພົວພັນແບບພິເສດ, ມິດຕະພາບ, ສາມັກຄີລະຫວ່າງພັກ, ລັດ, ກອງທັບ ແລະປະຊາຊົນ ຫວຽດນາມ - ລາວ, ລາວ - ຫວຽດນາມ ເລິກເຊິ່ງຂຶ້ນຕື່ມ.

ໂດຍ: ຈາງຫງວຽນ