ຮ່າ​ໂນ້ຍ ສ້າງ​ເງື່ອນ​ໄຂ​ໃຫ້​ແກ່​ບັນ​ດາ​ນັກ​ລົງ​ທຶນ​ຕ່າງ​ປະ​ເທດ​ມາ​ດຳ​ເນີນ​ທຸ​ລະ​ກິດ

ທ່ານ ເລກວາງລອງ ຫົວໜ້າຄະນະຄຸ້ມຄອງເຂດອຸດສາຫະກຳ ແລະປຸງແຕ່ງ ຮ່າໂນ້ຍ ກ່າວຄຳເຫັນທີ່ກອງປະຊຸມ. ພາບ: nguoihanoi.vn

ທີ່ກອງປະຊຸມ, ຜູ້ຕາງໜ້າບັນດາວິສາຫະກິດໄດ້ແປ່ງບັນກ່ຽວກັບສະພາບແວດລ້ອມແຫ່ງການດຳເນີນທຸລະກິດຂອງຫວຽດນາມ ເວົ້າລວມ, ນະຄອນຫຼວງເວົ້າສະເພາະໄດ້ຮັບການປັບປຸງຫຼາຍຢ່າງເພື່ອແນໃສ່ໜູນຊ່ວຍການເຄື່ອນໄຫວຜະລິດດຳເນີນທຸລະກິດໃນບັນດາເຂດອຸດສາຫະກຳ.

ປັດຈຸບັນໃນບໍລິເວນຮ່າໂນ້ຍ ມີ 10 ເຂດອຸດສາຫະກຳພວມເຄື່ອນໄຫວ. ບັນດາເຂດອຸດສາຫະກຳດຶງດູດໄດ້ 733 ໂຄງການລົງທຶນ, ດ້ວຍຍອດເງິນລົງທຶນຈົດທະບຽນເກືອບ 9,3 ຕື້ ໂດລາສະຫະລັດ, ໃນນັ້ນ ມີ 310 ໂຄງການເງິນລົງທຶນຈາກຕ່າງປະເທດ (FDI) ດ້ວຍຍອດເງິນລົງທຶນ 7,4 ຕື້ໂດລາສະຫະລັດ. ເຂດອຸດສາຫະກຳຂອງ ຮ່າໂນ້ຍໄດ້ດຶງດູດນັກລົງທຶນມາຈາກ 27 ປະເທດ ແລະເຂດແຄ້ວນ. ນີ້ແມ່ນສິ່ງພິສູດໃຫ້ເຫັນຢ່າງຈະແຈ້ງທີ່ສຸດໃຫ້ແກ່ຄວາມສາມາດບົ່ມຊ້ອນ ແລະກຳລັງດຶງດູດຂອງບັນດາເຂດອຸດສາຫະກຳ ຮ່າໂນ້ຍ ໃນສາຍຕາຂອງນັກລົງທຶນທັງຢູ່ພາຍໃນ ແລະຕ່າງປະເທດ.

ຂ່າວ: ວິທະຍຸ​ກະຈາ​ຍສຽງ​ຫວຽດນາມ