ມອບຂອງຂວັນໃຫ້ແກ່ປະຊາຊົນຢູ່ສອງຟາກຊາຍແດນ ຫວຽດນາມ-ລາວ

ມອບຂອງຂວັນໃຫ້ຄອບຄົວທີ່ປະສົບກັບຄວາມຫຍຸ້ງຍາກ ຂຶ້ນກັບຕາແສງ ວິງຊວນ ແລະຕາແສງຝູຢຽນ, ເມືອງຝູວາງ. ພາບ:qdnd.vn

ທີ່ລາຍການ, ບັນດາກົມກອງໄດ້ມອບຂອງຂວັນ 80 ພູດ (ແຕ່ລະພູດມີນູນຄ່າ 500.000 ດົ່ງ) ໃຫ້ບັນດາຄອບຄົວທີ່ປະສົບກັບຄວາມຫຍຸ້ງຍາກ, ຄອບຄົວໄດ້ຮັບຜົນສະທ້ອນຈາກໄພທຳມະຊາດ, ພາຍຸນ້ຳຖ້ວມ. ພ້ອມກັນນັ້ນ, ຍັງໄດ້ມອບທຶນການສຶກສາ “ຊ່ວຍນ້ອງໄປຮຽນ” 10 ທຶນ (ແຕ່ລະທຶນມີມູນຄ່າ 1.000.000 ດົ່ງ) ໃຫ້ພວກນ້ອງນັກຮຽນທີ່ປະສົບກັບຄວາມຫຍຸ້ງຍາກ ແລະ ເດັກກຳພ້າ.

* ໃນວັນດຽວກັນ, ຢູ່ປ້ອມຄວບຄຸມຊາຍແດນຮົງຖ໊າຍ, ຄ້າຍທະຫານຊາຍແດນເຍິມ, ຄະນະປະຈຳ ຄະນະກຳມະການແນວໂຮມປະເທດຊາດຫວຽດນາມເມືອງອາເລື໊ອຍໄດ້ສົມທົບຄະນະບໍລິຫານງານສະມາຄົມພຸດທະສາສະຫວຽດນາມເມືອງອາເລື໊ອຍ, ຄະນະກໍາມະການແນວໂຮມປະເທດຊາດຫວຽດນາມຕາແສງ ກວາງເຍິມ ແລະຄ້າຍທະຫານຊາຍແດນເຍິມ ຈັດຕັ້ງລາຍການມອບຂອງຂວັນໃຫ້ແກ່ປະຊາຊົນບ້ານເຊຊາບ, ເມືອງກະລືມ, ແຂວງເຊກອງ, ປະເທດລາວ.

ມອບຂອງຂວັນໃຫ້ແກ່ປະຊາຊົນບ້ານເຊຊາບ, ເມືອງກະລືມ, ແຂວງເຊກອງ. ພາບ:qdnd.vn

ທີ່ລາຍການ, ບັນດາກົມກອງໄດ້ມອບເຄື່ອງໃຊ້ທີ່ຈຳເປັນໃຫ້ແກ່ປະຊາຊົນບ້ານເຊຊາບດ້ວຍມູນຄ່າທັງໝົດແມ່ນກວ່າ 60 ລ້ານດົ່ງ. ນີ້ແມ່ນລາຍການສົມທົບເປັນເອກະພາບເຄື່ອນໄຫວ ປີ 2024 ຂອງຄະນະກໍາມະການແນວໂຮມປະເທດຊາດຫວຽດນາມເມືອງອາເລື໋ອຍ ກ່ຽວກັບການຍູ້ແຮງວຽກງານການທູດປະຊາຊົນ ແລະປັບປຸງສາຍພົວພັນແບບພິເສດລະຫວ່າງແຂວງເທື່ອທຽນເຫວ້ ກັບແຂວງເຊກອງ ເວົ້າລວມ; ລະຫວ່າເມືອງອາເລື໊ອຍ ກັບເມືອງກະລືມ, ແຂວງເຊກອງ, ປະເທດລາວ ເວົ້າສະເພາະ.

ພາຍຫຼັງລາຍການດັ່ງກ່າວ, ບັນດາກົມກອງໄດ້ລົງໄປບ້ານເຊຊາບ ເພື່ອຢ້ຽມຢາມຖາມຂ່າວ ແລະລະດົມກໍາລັງໃຈປະຊາຊົນພັດທະນາເສດຖະກິດຢ່າງຕັ້ງໜ້າ ແລະບືນຕົວຂຶ້ນໃນການດໍາລົງຊີວິດ.

ກ່ອນໜ້ານັ້ນ, ຄະນະປະຈຳຄະນະກໍາມະການແນວໂຮມປະເທດຊາດຫວຽດນາມເມືອງອາເລື໊ອຍ ໄດ້ສົມທົບກັບຄະນະບໍລິຫານງານສະມາຄົມພຸດທະສາສະຫວຽດນາມເມືອງອາເລື໊ອຍ ແລະກໍາລັງທະຫານຊາຍແດນມອບເຄື່ອງໃຊ້ທີ່ຈຳເປັນ, ຂອງຂວັນຫຼາຍພູດໃຫ້ແກ່ປະຊາຊົນບ້ານເຊຊາບ ດ້ວຍມູນຄ່າຫຼາຍສິບລ້ານດົ່ງ.

ໂດຍ: ທູຈາງ