ເອກອັກຄະລັດຖະທູດຫວຽດນາມ ປະຈຳ ກຳປູເຈຍ ອວຍພອນວັນຊາດລາວ
ກປ.ອອນໄລ - ຕອນເຊົ້າວັນທີ 27 ພະຈິກ, ຢູ່ນະຄອນຫຼວງພະນົມເປັນ, ທ່ານ ຫງວຽນຮຸຍຕັງ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ລາຊະອານາຈັກກຳປູເຈຍ ໄດ້ມາສະຖານທູດລາວ ເພື່ອອວຍພອນວັນຊາດ ສປປ ລາວ ຄົບຮອບ 49 ປີ (2-12-1975 / 2-12-2024). ທ່ານ ບົວແກ້ວ ພູມວົງໄຊ ເອກອັກຄະລັດຖະທູດລາວ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ຫງວຽນຮຸຍຕັງ ພ້ອມດ້ວຍຄະນະ.
ໃນບັນຍາກາດອັນສະໜິດສະໜົມ, ທ່ານເອກອັກຄະລັດຖະທູດ ຫງວຽນຮຸຍຕັງ ໄດ້ສະແດງຄວາມປິຕິຊົມຊື່ນຕໍ່ບັນດາຜົນງານທີ່ປະເທດລາວ ອ້າຍນ້ອງບັນລຸໄດ້ໃນ 49 ປີຜ່ານມາ, ກໍຄືການພັດທະນາຢ່າງແຮງໃນທຸກຂົງເຂດຂອງການພົວພັນລະຫວ່າງສອງປະເທດຫວຽດນາມ ແລະລາວ ໃນຫຼາຍທົດສະວັດຜ່ານມາ.
    |
 |
|
ຄະນະພະນັກງານ, ພາລະກອນສະຖານທູດຫວຽດນາມ ມາອວຍພອນວັນຊາດປະເທດເພື່ອນລາວ. ພາບ: ຫງວຽນຮຽບ. |
ຕາມທ່ານເອກອັກຄະລັດຖະທູດ ແລ້ວ, ພັກ ແລະປະຊາຊົນສອງປະເທດ ຍາມໃດກໍຊາບຊຶມທິດນໍາຂອງການນຳສອງປະເທດແມ່ນເພີ່ມພູນຄູນສ້າງ, ເພີ່ມທະວີສາຍພົວພັນມິດຕະພາບອັນຍິ່ງໃຫຍ່ລະຫວ່າງຫວຽດນາມ-ລາວ ຢ່າງບໍ່ຢຸດຢັ້ງ. ຜົນງານຂອງສອງປະເທດແມ່ນການລະດົມກໍາລັງໃຈເຊິ່ງກັນ ແລະກັນ. ຄວາມຫຍຸ້ງຍາກຂອງລາວ ກໍ່ແມ່ນຄວາມຫຍຸ້ງຍາກຂອງຫວຽດນາມ ແລະຜົນສຳເລັດຂອງລາວ ກໍ່ແມ່ນຄວາມສຳເລັດຂອງຫວຽດນາມ.
ບົນຈິດໃຈນັ້ນ, ທ່ານເອກອັກຄະລັດຖະທູດ ຫງວຽນຮຸຍຕັງ ແລະຄະນະພະນັກງານ, ພາລະກອນສະຖານທູດຫວຽດນາມ ປາດຖະໜາຢາກວ່າ ລາວ ສືບຕໍ່ຍາດໄດ້ຜົນສຳເລັດຫຼາຍກວ່າອີກໃນພາລະກິດສ້າງສາ ແລະພັດທະນາປະເທດຊາດ; ອວຍພອນໃຫ້ສາຍພົວພັນຫວຽດນາມ ແລະລາວ ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ສ່ວນທ່ານເອກອັກຄະລັດຖະທູດ ບົວແກ້ວ ພູມວົງໄຊ ສະແດງຄວາມປິຕິຊົມຊື່ນຕໍ່ບັນດາຜົນງານອັນໃຫຍ່ຫຼວງຂອງປະຊາຊົນຫວຽດນາມ ພາຍໃຕ້ການນຳພາຂອງພັກ ໃນໄລຍະຜ່ານມາ. ພ້ອມທັງສະແດງຄວາມເຊື່ອໝັ້ນວ່າ ການພົວພັນມິດຕະພາບ ແລະການຮ່ວມມືອັນຍິ່ງໃຫຍ່ລະຫວ່າງສອງປະເທດບ້ານໃກ້ເຮືອນຄຽງຈະນັບມື້ນັບສືບຕໍ່ໄດ້ຮັບການປັບປຸງ ແລະພັດທະນາຂຶ້ນສູ່ລະດັບສູງໃໝ່.
ໂດຍ: ຈາງຫງວຽນ