ສະຖານທູດຫວຽດນາມ ອວຍພອນວັນຊາດລາວ

ໃນທ່າມກາງບັນຍາກາດທີ່ເຕັມໄປດ້ວຍນໍ້າໃຈອ້າຍນ້ອງ, ທ່ານເອກອັກຄະລັດຖະທູດ ຕ້າວັນທົງ ໄດ້ສົ່ງພອນໄຊອັນປະເສີດມາຍັງພັກ, ລັດ ແລະປະຊາຊົນລາວ ພ້ອມດ້ວຍພະນັກງານ, ພາລະກອນສະຖານທູດລາວ ປະຈຳ ອິນໂດເນເຊຍ ໃນໂອກາດວັນຊາດ. ທ່ານເອກອັກຄະລັດຖະທູດ ສະແດງຄວາມປິຕິຊົມຊື່ນໃນຊຸມປີຜ່ານມາ, ສອງປະເທດສືບຕໍ່ມີການພັດທະນາຢ່າງບໍ່ຢຸດຢັ້ງໃນຫຼາຍຂົງເຂດ, ພ້ອມທັງເພີ່ມທະວີການຮ່ວມມື ແລະສົມທົບກັນຢູ່ພາກພື້ນ ແລະໃນໂລກ. ພ້ອມທັງຢືນຢັນເຖິງສາຍພົວພັນທີ່ສະໜິດສະໜົມລະຫວ່າງສອງສະຖານທູດຫວຽດນາມ ແລະລາວ ປະຈຳ ອິນໂດເນເຊຍ ໃນຫຼາຍປີມານີ້, ຫວັງວ່າ ສາຍພົວພັນລະຫວ່າງສອງປະເທດ ແລະພິເສດແມ່ນສອງສະຖານທູດ ສືບຕໍ່ໄດ້ຮັບການປັບປຸງ ແລະເພີ່ມທະວີໃນໄລຍະຈະມາເຖິງ.

ສະຖານທູດຫວຽດນາມ ປະຈຳ ອິນໂດເນເຊຍ ອວຍພອນວັນຊາດລາວ. ພາບ: vov.vn

ສ່ວນທ່ານ ຄຳເຟື້ອງ ພັນທະໄຊ ເອກອັກຄະລັດຖະທູດ ແຫ່ງ ສປປ ລາວ ປະຈຳ ອິນໂດເນເຊຍ ໄດ້ສະແດງຄວາມປິຕິຊົມຊື່ນຕ້ອນຮັບຄະນະຜູ້ແທນສະຖານທູດ ແລະອົງການຜູ້ຕາງໜ້າຫວຽດນາມ. ທ່ານເອກອັກຄະລັດຖະທູດ ກໍ່ໃຫ້ຮູ້ວ່າ, ການນຳຫວຽດນາມ ໄດ້ສົ່ງພອນໄຊອັນປະເສີດເນື່ອງໃນໂອກາດວັນຊາດລາວ. ທ່ານເລຂາທິການໃຫຍ່ ໂຕເລິມ ໄດ້ໂອ້ລົມສົນທະນາກັບທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ, ສົ່ງພອນໄຊອັນປະເສີດມາຍັງພັກ, ລັດ ແລະປະຊາຊົນລາວ ເນື່ອງໃນໂອກາດສະເຫຼີມສະຫຼອງ 49 ປີແຫ່ງວັນຊາດລາວ ໄດ້ພິສູດໃຫ້ເຫັນຢ່າງຈະແຈ້ງສາຍພົວພັນແບບພິເສດນີ້.

ບັນຍາກາດອັນສະໜິດສະໜົມຂອງຄະນະຜູ້ແທນສະຖານທູດຫວຽດນາມ ແລະລາວ ປະຈຳ ອິນໂດເນເຊຍ ໃນໂອກາດວັນຊາດລາວ ອີກເທື່ອໜຶ່ງໄດ້ຢືນຢັນເຖິງສາຍພົວພັນມິດຕະພາບທີ່ເປັນມູນເຊື້ອແບບພິເສດໃນການພົວພັນຫວຽດນາມ-ລາວ. ທ່ານເອກອັກຄະລັດຖະທູດລາວ ສະແດງຄວາມປາດຖະໜາວ່າ ສອງສະຖານທູດຍາມໃດກໍ່ຮັກສາການພົວພັນທີ່ສະໜິດສະໜົມ, ໜູນຊ່ວຍເຊິ່ງກັນ ແລະກັນໃນບັນດາການເຄື່ອນໄຫວທາງການທູດ, ສະເຫຼີມສະຫຼອງວັນບຸນໃຫຍ່ຂອງກັນຜ່ານການເຄື່ອນໄຫວພົບປະແລກປ່ຽນແຂ່ງຂັນກິລາ, ວັດທະນະທຳ…

ໂດຍ: ເຈິ່ນຮວ່ຽນ