ຄ້າຍທະຫານຊາຍແດນດ່ານອາເດີດ ຢ້ຽມຢາມ, ມອບຂອງຂວັນໃຫ້ກອງຮ້ອຍປົກປັກຮັກສາຊາຍແດນ 531

ບັນດາກົມກອງແລກປ່ຽນຂໍ້ມູນຢູ່ຫຼັກໝາຍທີ 666 (ດ່ານຊາຍແດນ ອາເດີດ-ຕາວ່າງ). ພາບ: ຫວໍຕ໊ຽນ

ທີ່ດ່ານຊາຍແດນອາເດີດ-ຕາວ່າງ, ຜູ້ຕາງໜ້າຄ້າຍທະຫານຊາຍແດນ ອາເດີດ ແລະອຳນາດການປົກຄອງທ້ອງຖິ່ນຂອງຕາແສງ ເລິມເດີດໄດ້ສົ່ງຄຳຢື້ຢາມຖ່າວຂ່າວ ແລະອວຍພອນບັນດາພະນັກງານ, ນັກຮົບກຳລັງປະກອບອາວຸດ ແລະປະຊາຊົນບ້ານກະໂລ; ບັນດາກົມກອງ ແລະອຳນາດການປົກຄອງທ້ອງຖິ່ນທີ່ຢູ່ສອງຟາກຊາຍແດນໄດ້ແລກປ່ຽນຂໍ້ມູນຂ່າວສານ ແລະສະພາບການຢູ່ເຂດຊາຍແດນຫວ່າງມໍ່ໆມານີ້. ພ້ອມກັນນັ້ນ, ໄດ້ເຫັນດີສືບຕໍ່ເພີ່ມທະວີການສົມທົບກັນ, ຄຸ້ມຄອງ ແລະປົກປັກຮັກສາຄວາມສະຫງົບຢູ່ເສັ້ນຊາຍແດນຮ່ວມ; ໜູນຊ່ວຍ ແລະຊ່ວຍເຫຼືອປະຊາຊົນຢູ່ສອງຟາກຊາຍແດນພັດທະນາເສດຖະກິດ - ສັງຄົມ, ກໍ່ສ້າງເຂດຊາຍແດນສັນຕິພາບ, ມິດຕະພາບ, ການຮ່ວມມື ແລະພັດທະນາ.

ຄ້າຍທະຫານຊາຍແດນດ່ານອາເດີດ ມອບຂອງຂວັນໃຫ້ກອງຮ້ອຍປົກປັກຮັກສາຊາຍແດນ 531, ປ້ອມຕຳຫຼວດຕາວ່າງ, ບ້ານກະໂລ (ແຂວງເຊກອງ) ເນື່ອງໃນໂອກາດວັນຊາດ ສປປ ລາວ. ພາບ: ຫວໍຕ໊ຽນ

ໃນຂອບເຂດຂອງລາຍການ, ຄ້າຍທະຫານຊາຍແດນດ່ານຊາຍແດນອາເດີດ ແລະຕາແສງເມືອງ ເລິມເດີດ ໄດ້ມອບຂອງຂວັນ 6 ພູດໃຫ້ບັນດາກຳລັງປະກອບອາວຸດ ແລະປະຊາຊົນບ້ານກະໂລ. ນີ້ແມ່ນຂອງຂວັນທີ່ມີຄວາມໝາຍ, ໄດ້ສະແດງໃຫ້ເຫັນນ້ຳໃຈສາມັກຄີແບບພິເສດຫວຽດນາມ - ລາວ, ປະກອບສ່ວນຮັດແໜ້ນສາຍພົວພັນມິດຕະພາບລະຫວ່າງກຳລັງປະກອບອາວຸດ ແລະປະຊາຊົນສອງປະເທດເຂດຊາຍແດນ.

ຕາງໜ້າບັນດາກໍາລັງປະກອບອາວຸດ ແລະປະຊາຊົນບ້ານກະໂລ ສະແດງຄວາມຂອບອົກຂອບໃຈຕໍ່ອາລົມຈິດທີ່ດີງາມຂອງພະນັກງານ, ນັກຮົບຄ້າຍທະຫານຊາຍແດນອາເດີດ ແລະອຳນາດການປົກຄອງຕາແສງເລິມເດີດ ທີ່ສະຫງວນໃຫ້ກົມກອງທີ່ປະຕິບັດໜ້າທີ່ຢູ່ຊາຍແດນ ແລະປະຊາຊົນທີ່ຢູ່ຊາຍແດນລາວ; ຮັບຮູ້ ແລະຕີລາຄາສູງຕໍ່ອາລົມຈິດ, ການສະໜັບສະໜູນ ແລະຊ່ວຍເຫຼືອເຊິ່ງກັນ ແລະກັນ ຢ່າງແທດຈິງ ແລະມີປະສິດທິຜົນໃນໄລຍະທີ່ຜ່ານມາ.

ໂດຍ: ໄຊນີດາ