ຮັດແໜ້ນການພົວພັນສາມັກຄີແບບພິເສດ ຫວຽດນາມ-ລາວ ຢູ່ ສປຊ
ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ສະແດງຄວາມຊົມເຊີຍຕໍ່ບັນດາຜົນງານສຳຄັນເຊິ່ງພັກ, ລັດ ແລະປະຊາຊົນລາວ ບັນລຸໄດ້ໃນພາລະກິດແຫ່ງການພັດທະນາເສດຖະກິດ-ສັງຄົມ ແລະເຊື່ອມໂຍງເຂົ້າກັບສາກົນ.
    |
 |
|
ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ແລະ ທ່ານ ອະນຸພາບ ວົງໜໍ່ແກ້ວ ຫົວໜ້າຄະນະຜູ້ຕາງໜ້າລາວ ປະຈຳ ສປຊ. ພາບ: ສໍານັກຂ່າວສານຫວຽດນາມ |
ທ້າຍອາທິດຜ່ານມາ, ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ນຳໜ້າຄະນະຜູ້ແທນອົງການຜູ້ຕາງໜ້າຫວຽດນາມ ປະຈຳ ນິວຢອກ (ອາເມລິກາ) ໄປອວຍພອນຄະນະຜູ້ຕາງໜ້າລາວ ປະຈຳ ສປຊ ເນື່ອງໃນໂອກາດສະເຫຼີມສະຫຼອງ 79 ປີແຫ່ງວັນຊາດປະເທດ ສປປ ລາວ (02–12–1975 / 02–12–2024).
ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ສະແດງຄວາມຊົມເຊີຍຕໍ່ບັນດາຜົນງານສຳຄັນເຊິ່ງພັກ, ລັດ ແລະປະຊາຊົນລາວ ບັນລຸໄດ້ໃນພາລະກິດແຫ່ງການພັດທະນາເສດຖະກິດ-ສັງຄົມ ແລະເຊື່ອມໂຍງເຂົ້າກັບສາກົນ, ພິເສດແມ່ນຕີລາຄາສູງຜົນສຳເລັດຂອງລາວ ໃນຖານະຕຳແໜ່ງເປັນປະທານອາຊຽນ ປີ 2024 ໃນສະພາບການສາກົນ ແລະພາກພື້ນມີການຜັນແປຫຼາຍຢ່າງ, ປະກອບສ່ວນສືບຕໍ່ປັບປຸງຄວາມສາມັກຄີ ແລະບົດບາດເປັນໃຈກາງຂອງອາຊຽນ, ກໍ່ຄືຍົກສູງທີ່ຕັ້ງບົດບາດ, ອິດທິພົນຊື່ສຽງຂອງລາວບົນເວທີສາກົນ.
ສ່ວນທ່ານ ອະນຸພາບ ວົງໜໍ່ແກ້ວ ຫົວໜ້າຄະນະຜູ້ຕາງໜ້າລາວ ປະຈຳ ສປຊ ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ການຮ່ວມມືຢ່າງແໜ້ນແຟ້ນ, ການໜູນຊ່ວຍຢ່າງມີປະສິດທິຜົນຂອງຄະນະຜູ້ຕາງໜ້າຫວຽດນາມ ໃນໄລຍະຜ່ານມາ, ພິເສດແມ່ນໃນໄລຍະລາວ ຮັບດຳລົງຕຳແໜ່ງປະທານຄະນະກຳມະການອາຊຽນ ປະຈຳ ນິວຢອກ.
ໂດຍ: ວິທະຍຸກະຈາຍສຽງຫວຽດນາມ