ສໍາຫຼວດ, ພົບປະສອງຝ່າຍລະຫວ່າງແຂວງດ້ຽນບຽນ ແລະແຂວງຜົ້ງສາລີ

ຄະນະປະຕິບັດງານລະຫວ່າງຂະແໜງສອງແຂວງໄດ້ສໍາຫຼວດຢູ່ຈຸດຕັດກັນເສັ້ນທາງຊາຍແດນສາມປະເທດຫວຽດນາມ-ລາວ-ຈີນ. ພາບ: ແອງຢູງ

ຄະນະປະຕິບັດງານລະຫວ່າງຂະແໜງສອງແຂວງໄດ້ສໍາຫຼວດບັນດາສະຖານທີ່ຈະກໍ່ສ້າງຕົວຈິງ. ພາບ: ແອງຢູງ

ສອງຝ່າຍໄດ້ເຫັນດີເປັນເອກະພາບຕໍ່ເລື່ອງສ້າງເຮືອນກຸ່ມປະຕິບັດງານຊາຍແດນ ແລະເປີດກວ້າງທາງລາດຕະເວນຊາຍແດນຢູ່ເຂດຈຸດຕັດກັນເບື້ອງຝ່າຍຫວຽດນາມ ວ່າແມ່ນຈໍາເປັນເພື່ອຮັບປະກັນເງື່ອນໄຂກ່ຽວກັບພື້ນຖານໂຄງລ່າງເພື່ອຮັບໃຊ້ການພົບປະແລກປ່ຽນມິດຕະພາບປ້ອງກັນຊາຍແດນຫວຽດນາມ-ລາວ-ຈີນ ປີ 2025; ສ້າງເງື່ອນໄຂສະດວກໃຫ້ແຂກທ່ອງທ່ຽວມາຢ້ຽມຊົມຈຸດຕັດກັນ ແລະການເຄື່ອນທີ່, ຄຸ້ມຄອງ, ປົກປັກຮັກສາຊາຍແດນຂອງກໍາລັງທີ່ກ່ຽວຂ້ອງຝ່າຍຫວຽດນາມ.

ສອງຝ່າຍລົງນາມ ແລະມອບບົດບັນທຶກຊ່ວຍຈໍາການພົບປະສອງຝ່າຍ. ພາບ: ແອງຢູງ

ກ່າວຄໍາເຫັນທີ່ການເຮັດວຽກ, ທ່ານພັນເອກພິເສດ ຟ້າມຮົ່ງຢາງ ຮອງຜູ້ບັນຊາການທະຫານຊາຍແດນແຂວງດ້ຽນບຽນ ຢັ້ງຢືນວ່າ ໃນວິວັດການຜັນຂະຫຍາຍກໍ່ສ້າງເຮືອນກຸ່ມປະຕິບັດງານຊາຍແດນ ແລະເປີດກວ້າງທາງລາດຕະເວນຊາຍແດນຢູ່ເຂດຈຸດຕັດກັນເບື້ອງຝ່າຍ ຫວຽດນາມ ບໍ່ເຮັດໃຫ້ປ່ຽນແປງສະພາບເດີມຂອງທິດເດີນຊາຍແດນ; ເຄົາລົບບັນດາຂໍ້ກໍານົດຂອງສັນຍາກ່ຽວກັບລະບຽບການຄຸ້ມຄອງຊາຍແດນ ແລະດ່ານຊາຍແດນທາງບົກຫວຽດນາມ-ລາວ, ບັນດາຂໍ້ຕົກລົງສອງຝ່າຍໄດ້ລົງນາມ ແລະຮັບການຄວບຄຸມຂອງອົງການທີ່ກ່ຽວຂ້ອງສອງຝ່າຍຢ່າງເຂັ້ມງວດ.

ໂດຍ: ໄຊນີດາ