ວັນທີ 4 ທັນວາ, ພັກປະຊາທິປະໄຕ (DP) ຝ່າຍຄ້ານຢູ່ສ.ເກົາຫຼີ ໄດ້ຮຽກຮ້ອງໃຫ້ທ່ານປະທານາທິບໍດີ Yoon Suk Yeol ລາອອກຈາກຕຳແໜ່ງ, ພ້ອມທັງຖະແຫຼງວ່າ ຈະຕິດຕາມການພິຈາລະນາໂທດຖ້າຫາກວ່າການນຳຜູ້ນີ້ປະຕິເສດ. ໃນມະຕິທີ່ໄດ້ຮັບຮອງເອົາໃນວາລະປະຊຸມຮີບດ່ວນຢູ່ສະພາແຫ່ງຊາດໃນຕອນເຊົ້າວັນດຽວກັນ, ພັກ DP ຊີ້ແຈ້ງວ່າ: “ການປະກາດກົດໄອຍະການເສິກຂອງທ່ານປະທານາທິບໍດີ Yoon Suk Yeol ໄດ້ລະເມີດລັດຖະທຳມະນູນ” ແລະ “ທຸກຄວາມຮຽກຮ້ອງທີ່ຈຳເປັນໃຫ້ແກ່ເລື່ອງປະກາດກົດໄອຍະການເສິກລ້ວນແຕ່ບໍ່ໄດ້ປະຕິບັດ”.

ໃນວັນດຽວກັນ, ບັນດາສຳນັກຂ່າວສານ Newsis ແລະ Yonhap ໄດ້ໃຫ້ຂ່າວວ່າ, ທ່ານຫົວໜ້າຫ້ອງວ່າການປະທານາທິບໍດີ ສ.ເກົາຫຼີ ແລະບັນດາເລຂາຂັ້ນສູງໄດ້ຂໍລາອອກຈາກຕຳແໜ່ງ.

ກ່ອນໜ້ານັ້ນ, ຕອນຄ່ຳວັນທີ 3 ທັນວາ, ທ່ານປະທານາທິບໍດີ ສ.ເກົາຫຼີ Yoon Suk Yeol ໄດ້ປະກາດກົດໄອຍະການເສິກໂດຍບັງເອີ້ນ, ກ່າວຫາຝ່າຍຄ້ານເຮັດໃຫ້ການເຄື່ອນໄຫວຂອງລັດຖືກຢຸດສະຫງັກ.

ແຫຼ່ງຄັດຈາກ: vovworld.vn