ນັ້ນແມ່ນພະຍານຫຼັກຖານສະແດງໃຫ້ເຫັນໝາກຜົນການປະຕິບັດແຜນນະໂຍບາຍ “ກໍ່ສ້າງພື້ນຖານອຸດສາຫະກຳປ້ອງກັນຊາດເປັນເຈົ້າການ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ໃຊ້ໄດ້ສອງໜ້າທີ່ ແລະທັນສະໄໝ” ຂອງພັກ ແລະລັດເຮົາ, ປະກອບສ່ວນຫຼຸດຜ່ອນການນຳໃຊ້ຜະລິດຕະພັນຂອງຕ່າງປະເທດ.
    |
 |
|
ບັນດາປະເພດ ຣາດາ ທັນສະໄໝຢູ່ງານວາງສະແດງ. ພາບ: ມິງຫງວນ |
ຢູ່ງານວາງສະແດງ, ມີບັນດາອຸປະກອນບໍ່ມີຄົນຂັບ (UAV) ໂດຍຫວຽດນາມ ຜະລິດໄດ້ສ້າງຄວາມປະທັບໃຈໃຫ້ຜູ້ຊົມດ້ວຍຄວາມອຸດົມສົມບູນດ້ານປະເພດ (UAV ສູ້ຮົບ, ສອດແນມ, ກູ້ຊີບກູ້ໄພ) ດ້ວຍລັກສະນະທັນສະໄໝ. ພົ້ນເດັ່ນແມ່ນເຮືອບິນບໍ່ມີຄົນຂັບ M400-CT2 ໂດຍສະຖາບັນເຕັກນິກປ້ອງກັນອາກາດ-ທະຫານອາກາດ, ກົມໃຫຍ່ອຸດສາຫະກຳປ້ອງກັນຊາດຜະລິດນຳໃຊ້ເປັນເປົ້າໝາຍບິນໃຫ້ລູກສອນໄຟປ້ອງກັນອາກາດໄລຍະກາງ ແລະໄລຍະສັ້ນ, ໄດ້ອອກແບບຮັບໃຊ້ວຽກງານຫັດແອບ, ຍິງລູກປືນແທ້ ແລະບັນດາການເຄື່ອນໄຫວການທະຫານອື່ນໆ. ເວລາເຄື່ອນໄຫວຂອງເຮືອບິນປະເພດນີ້ຂຶ້ນເຖິງ 120 ນາທີ, ໄລຍະທາງເຄື່ອນໄຫວຂຶ້ນເຖິງ 60km.
ໜຶ່ງໃນບັນດາຄວາມບຸກທະລຸດ້ານເຕັກໂນໂລຢີແມ່ນຜະລິດຕະພັນ UAV ໂດຍ Viettel ຜະລິດດ້ວຍຄວາມສາມາດເຄື່ອນໄຫວຢູ່ໄລຍະໄກໃນທຸກເງື່ອນໄຂອາກາດ ແລະປະກອບອາວຸດບຸກໂຈມຕີ ແລະສອດແນມໄລຍະໄກໄດ້ຫຼາຍປະເພດ. ສ່ວນເຮືອບິນບໍ່ມີຄົນຂັບ RAV-80 ສາມາດບິນຂຶ້ນ ແລະຈອດລົງຕາມແນວຕັ້ງໄດ້ໝູນໃຊ້ໃນຫຼາຍຂົງເຂດແຕກຕ່າງກັນ, ຄື: ການປ້ອງກັນຊາດ-ປ້ອງກັນຄວາມສະຫງົບ (ສອດແນມ, ໜູນຊ່ວຍສູ້ຮົບ, ເປົ້າໝາຍບິນ), ພົນລະເຮືອນ ແລະອຸດສາຫະກຳ (ສຳຫຼວດສ້າງແຜນທີ່, ຕິດຕາມພື້ນຖານໂຄງລ່າງ) ແລະຊອກຫາກູ້ຊີບກູ້ໄພ. ເຮືອບິນປະເພດນີ້ມີເວລາເຄື່ອນໄຫວຂຶ້ນເຖິງ 150 ນາທີ, ໄລຍະເຄື່ອນໄຫວ 80km. ຜະລິດຕະພັນໜຶ່ງອີກແມ່ນ UAV ສູ້ຮົບຂັ້ນຍຸດທະວິທີ VU-C2 ນໍາໃຊ້ເພື່ອບຸກໂຈມຕີເປົ້າໝາຍທາງບົກຄື: ກຳລັງທະຫານບົກດ້ວຍຍານພາຫະນະນ້ຳໜັກເບົາໃນເງື່ອນໄຂກາງເວັນ. ເວລາບິນຕໍ່ເນື່ອງຂອງ VU-C2 ແມ່ນ 40 ນາທີດດ້ວຍຄວາມໄວ 120km/ຊົ່ວໂມງ.
ກໍ່ທີ່ງານວາງສະແດງ, ເປັນຄັ້ງທຳອິດ, ຫວຽດນາມ ໄດ້ສະເໜີຕົວເຄື່ອງປ້ອງກັນຝັ່ງທະເລທີ່ມີຊື່ເອີ້ນວ່າ ເຈື່ອງເຊີນ (VCS-01) ດ້ວຍ 2 ພາກສ່ວນຫຼັກແມ່ນລູກສອນໄຟດັບ ສູນກຳປັ່ນ ຊົງຮົ່ງ (VSM-01A) ແລະລົດຍິງລູກສອນໄຟຂັບເຄື່ອນດ້ວຍຕົນເອງ VLV-01. ລະບົບລູກສອນໄຟເຈື່ອງເຊີນ ຊ່ວຍເພີ່ມທະວີຄວາມສາມາດກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງໃນພື້ນຖານປ້ອງກັນຊາດຂອງຫວຽດນາມ.
ນອກຈາກນັ້ນ, ລູກສອນໄຟປ້ອງກັນອາກາດ S-125-VT ໂດຍຫວຽດນາມ ຄົ້ນຄວ້າ, ດັດປັບກໍ່ສ້າງຄວາມປະທັບໃຈຕໍ່ແຂກມາຊົມງານວາງສະແດງ. ລູກສອນໄຟ S-125-VT ໄດ້ອອກແບບເພື່ອດັບສູນບັນດາພາຫະນະບຸກໂຈມຕີທາງອາກາດ, ດັບສູນບັນດາເປົ້າໝາຍບິນຕ່ຳ, ເປົ້າໝາຍທີ່ມີຂະໜາດນ້ອຍຢ່າງມີປະສິດທິຜົນ. ຄຽງຂ້າງນັ້ນ, ລູກສອນໄຟປະເພດນີ້ຍັງມີຄວາມສາມາດດັບສູນບັນດາເປົ້າໝາຍເທິງໜ້າດິນ ແລະໜ້ານ້ຳ.
ລູກສອນໄຟທັງສອງປະເພດດັ່ງກ່າວລ້ວນແຕ່ໂດຍກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ຄົ້ນຄວ້າ, ຜະລິດປະສົບຜົນສໍາເລັດ. ຕາມທ່ານພົນຈັດຕະວາ ຕ່າວດຶກຖັ໊ງ, ຜູ້ອຳນວຍການກຸ່ມບໍລິສັດ Viettel ແລ້ວ, ມີຜະລິດຕະພັນ 50 ປະເພດ ຂຶ້ນກັບ 10 ຂະແໜງອາວຸດຍຸດໂທປະກອນເຕັກນິກອຸດສາຫະກຳສູງ, ໃນນັ້ນ, ຫຼາຍປະເພດໄດ້ຄົ້ນຄວ້າ, ທົດລອງປະສົບຜົນສຳເລັດ, ກຽມພ້ອມຜະລິດເພື່ອປະກອບໃຫ້ກອງທັບ. ບັນດາປະເພດນີ້ລ້ວນແຕ່ໄດ້ຮັບການຕີລາຄາວ່າມີລະດັບທຽບເທົ່າ ຫຼືສູງກວ່າຜະລິດຕະພັນຄ້າຍຄືກັນຂອງບັນດາປະເທດກ້າວໜ້າໃນໂລກ, ສອດຄ່ອງກັບເງື່ອນໄຂສູ້ຮົບຂອງກອງທັບຫວຽດນາມ, ມີລັກສະນະຮັກສາຄວາມລັບສູງ, ເປັນເຈົ້າຕົນເອງໃນການຜະລິດ, ວຽກງານໜູນຊ່ວຍເຕັກນິກ, ບຳລຸງຮັກສາ, ຫຼຸດຜ່ອນການຂຶ້ນກັບຄູ່ຮ່ວມມືຕ່າງປະເທດ, ປະກອບສ່ວນຍົກສູງກຳລັງຄວາມສາມາດດ້ານການທະຫານ-ການປ້ອງກັນຊາດ. ພ້ອມກັນນັ້ນ, Viettel ຍັງເປັນເຈົ້າຂອງບັນດາວັດຖຸອຸປະກອນພື້ນຖານໂຄງລ່າງໂທລະຄົມມະນາຄົມ, ຄຽງຂ້າງນັ້ນໄດ້ຄົ້ນຄວ້າ chip 5G ປະສົບຜົນສໍາເລັດ, ເປັນຂີດໝາຍບາດກ້າວບຸກທະລຸໃນຂະແໜງອຸດສາຫະກໍາ ເຊມິຄອນດັກເຕີຂອງຫວຽດນາມ; ປະກອບສ່ວນສຳຄັນເຂົ້າໃນກິດຈະການສ້າງສາ ແລະປົກປັກຮັກສາປະເທດຊາດ.
|
|
 |
|
ລະບົບລູກສອນໄຟ S-125-VT ໂດຍກຸ່ມບໍລິສັດ Viettel ຜະລິດດຶງດູດແຂກມາຢ້ຽມຊົມເປັນຈຳນວນຫຼວງຫຼາຍ. ພາບ: ອານຍຽນ |
ຕາມທ່ານພົນຕີ ໂຮ່ກວາງຕ໊ວນ, ຫົວໜ້າກົມໃຫຍ່ອຸດສາຫະກຳປ້ອງກັນຊາດແລ້ວ, ປະຈຸບັນພື້ນຖານອຸດສາຫະກຳປ້ອງກັນຊາດສາມາດຜະລິດ, ສ້ອມແປງອາວຸດຍຸດໂທປະກອນ, ລູກບືນໄດ້ຫຼາຍປະເພດເພື່ອປະກອບໃຫ້ບັນດາເຫຼົ່າທັບ, ເຫຼົ່າຮົບ. ພິເສດຂະແໜງໄດ້ເປັນເຈົ້າຂອງເຕັກໂນໂລຢີຜະລິດອາວຸດເຕັກໂນໂລຢີສູງ, ອາວຸດທະຫານບົກຫຸ້ນໃໝ່ເຊິ່ງບັນດາປະເທດໃນໂລກຜະລິດໄດ້ບໍ່ມີຫຼາຍ; ຕໍ່ກຳປັ່ນການທະຫານທັນສະໄໝ, ຄື: ກຳປັ່ນລູກສອນໄຟ, ກຳປັ່ນລາດຕະເວັນ, ກຳປັ່ນກູ້ຊີບກູ້ໄພ, ກຳປັ່ນດຳນ້ຳ...; ສ້ອມແປງ, ດັດປັບ, ຫັນບັນດາອາວຸດຍຸດໂທປະກອນເຕັກນິກທີ່ປະກອບແລ້ວ, ນັບທັງອາວຸດທັນສະໄໝເກືອບທຸກປະເພດເປັນທັນສະໄໝ.
ອາດສາມາດເຫັນໄດ້ວ່າ ປະຈຸບັນ, ຄວາມສາມາດຂອງບັນດາຮາກຖານອຸດສາຫະກຳປ້ອງກັນຊາດຫຼັກແຫຼ່ງຂອງຫວຽດນາມ ໄດ້ພັດທະນາຢ່າງແຮງ, ເປັນເຈົ້າຂອງບັນດາເຕັກໂນໂລຢີທັນສະໄໝໃນບັນດາຂົງເຂດ, ຂະແໜງອາຊີບ. ບັນດາຜົນງານຂອງຂະແໜງອຸດສາຫະກຳປ້ອງກັນຊາດໄດ້ ແລະພວມມີການປະກອບສ່ວນສຳຄັນ, ມີປະສິດທິຜົນໃນການຕໍ່ສູ້ປົດປ່ອຍຊາດກໍ່ຄືໃນກິດຈະການສ້າງສາ ແລະປົກປັກຮັກສາປະເທດຊາດ.
ໂດຍ: ແສງເດືອນ