    |
 |
|
ທ່ານພົນໂທ ຮວ່າງຊວນຈ໊ຽນ ມອບຂອງຂວັນບຸນເຕັດໃຫ້ກອງບັນຊາການທະ ຫານແຂວງລ້າງເຊີນ. ພາບ: qdnd.vn |
ລາຍງານກັບຄະນະ ບາງໝາກຜົນພົ້ນເດັ່ນໃນປີ 2024, ທິດທາງໜ້າທີ່ປີ 2025, ຄະນະບັນຊາບັນດາກົມກອງ ໃຫ້ຮູ້ວ່າບັນດາກົມກອງ ໄດ້ເປັນເຈົ້າການກໍາແໜ້ນ, ຕີລາຄາ, ຄາດຄະເນສະພາບການຖືກຕ້ອງ; ເປັນເສນາທິການຢ່າງທັນການ, ສະເໜີແກ້ໄຂບັນດາບັນຫາເກີດຂຶ້ນໃໝ່; ປະຕິບັດລະບອບປະຈໍາການກຽມພ້ອມສູ້ຮົບ, ວຽກງານກະກຽມຕ້ອນຮັບບຸນປີໃໝ່ປະຈໍາຊາດ ປີມະເສັງ 2025.
|
|
 |
|
ພະນັກງານກອງບັນຊາການທະຫານເມືອງວັນລ້າງ ຕ້ອນຮັບທ່ານພົນໂທ ຮວ່າງຊວນຈ໊ຽນ ແລະຄະນະປະຕິບັດງານ. ພາບ: qdnd.vn |
|
|
 |
|
ທ່ານພົນໂທ ຮວ່າງຊວນຈ໊ຽນ ກ່າວຄໍາເຫັນຊີ້ນໍາພາຍຫຼັງກວດກາຄ້າຍທະຫານຊາຍແດນ ດ່ານສາກົນມິດຕະພາບ. ພາບ: qdnd.vn |
ກ່າວຄໍາເຫັນຊີ້ນໍາທີ່ບັນດາກົມກອງກອງທັບ, ທ່ານພົນໂທ ຮວ່າງຊວນຈ໊ຽນ ຮຽກຮ້ອງໃຫ້ຄະນະພັກ, ຄະນະບັນຊາບັນດາກົມກອງ ເສີມຂະຫຍາຍນໍ້າໃຈ ສາມັກຄີໃຫ້ເປັນຢ່າງດີ, ສຸມໃສ່ນໍາພາ, ຊີ້ນໍາປະຕິບັດສໍາເລັດບັນດາໜ້າທີ່ ນັບແຕ່ຕົ້ນປີ 2025 ໃຫ້ເປັນຢ່າງດີ ດ້ວຍຄຸນນະພາບສູງກວ່າປີກ່ອນ, ປະກອບສ່ວນຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມຢູ່ເຂດຊາຍແດນ, ກໍ່ສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ຮ່ວມມືພ້ອມກັນພັດທະນາ. ພ້ອມກັນນັ້ນ, ບັນດາກົມກອງ ຕ້ອງຍູ້ແຮງການຜັນຂະຫຍາຍປະຕິບັດການປະຕິຮູບບໍລິຫານ, ຫັນເປັນດີຈີຕອນ, ນໍາໃຊ້ເຕັກໂນໂລຊີຂໍ້ມູນຂ່າວສານ, ດ່ານຊາຍແດນອັດສະລິຍະ, ດ່ານຊາຍແດນດີຈີຕອນ; ພ້ອມທັງເອົາໃຈໃສ່ເບິ່ງແຍງດູແລບຸນເຕັດໃຫ້ພະນັກງານ, ນັກຮົບ ແລະປະຊາຊົນທ້ອງຖິ່ນ.
|
|
 |
|
ທ່ານພົນໂທ ຮວ່າງຊວນຈ໊ຽນ ຢ້ຽມຢາມຖາມຂ່າວ, ມອບຂອງຂວັນບຸນເຕັດໃຫ້ຄອບຄົວນະໂຍບາຍໃນບໍລິເວນ. ພາບ: qdnd.vn |
ເນື່ອງໃນໂອກາດບຸນປີໃໝ່ປະຈໍາຊາດ ປີມະເສັງ 2025, ທ່ານພົນໂທ ຮວ່າງຊວນຈ໊ຽນ ສົ່ງຄໍາອວຍພອນປີໃໝ່ ແລະມອບຂອງຂວັນຂອງຄະນະພັກການທະຫານສູນກາງ, ກະຊວງປ້ອງກັນປະເທດ ໃຫ້ພະນັກງານ, ນັກຮົບບັນດາກົມກອງ; ມອບຂອງຂວັນບຸນເຕັດ 60 ພູດໃຫ້ຄອບຄົວນະໂຍບາຍຢູ່ເມືອງວັນລ້າງ.
ຕອນບ່າຍວັນດຽວກັນ, ຄະນະປະຕິບັດງານຂອງກະຊວງປ້ອງກັນປະເທດ ນໍາໂດຍທ່ານພົນໂທ ຮວ່າງຊວນຈ໊ຽນ ຮອງລັດຖະມົນຕີກະຊວງປ້ອງກັນປະເທດ ໄດ້ລົງກວດກາວຽກງານກະກຽມຈັດຕັ້ງງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 9 ຢູ່ແຂວງລ້າງເຊີນ.
|
|
 |
|
ທ່ານພົນໂທ ຮວ່າງຊວນຈ໊ຽນ ແລະຄະນະປະຕິບັດງານ ກວດກາບາງສະຖານທີ່ຢູ່ເຂດດ່ານສາກົນມິດຕະພາບ. ພາບ: qdnd.vn |
|
|
 |
|
ທ່ານພົນໂທ ຮວ່າງຊວນຈ໊ຽນ ແລະຄະນະປະຕິບັດງານ ກວດກາໂຄງການກໍ່ສ້າງໂຮງຮຽນປະຖົມສົມບູນ ດົ່ງດັງ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ໄດ້ກວດກາວຽກງານກະກຽມຢູ່ສະຖານທີ່ຕ່າງໆທີ່ຈະດໍາເນີນບັນດາການເຄື່ອນໄຫວໃນຂອບເຂດງານພົບປະແລກປ່ຽນ; ລະດົມກໍາລັງໃຈ, ມອບຂອງຂວັນໃຫ້ບັນດາກໍາລັງເຂົ້າຮ່ວມການປະຕິບັດໜ້າທີ່.
|
|
 |
|
ທ່ານພົນໂທ ຮວ່າງຊວນຈ໊ຽນ ມອບຂອງຂວັນໃຫ້ອາຈານ ແລະນັກຮຽນໂຮງຮຽນປະຖົມສົມບູນ ດົ່ງດັງ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ເນັ້ນໜັກວ່າ, ປີ 2025 ແມ່ນປີທີ່ ຫວຽດນາມ ແລະຈີນ ພ້ອມກັນສະເຫຼີມສະຫຼອງວັນສ້າງຕັ້ງການພົວພັນທາງການທູດ ຄົບຮອບ 75 ປີ (18-1-1950 / 18-1-2025). ເພາະສະນັ້ນ, ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 9 ຍິ່ງມີຄວາມໝາຍສໍາຄັນຕໍ່ການຊຸກຍູ້ການພົວພັນມິດຕະພາບ, ການຮ່ວມມືລະ ຫວ່າງກອງທັບ ກໍຄື ກໍາລັງປ້ອງກັນຊາຍແດນ, ອໍານາດການປົກຄອງທ້ອງຖິ່ນ ແລະປະຊາຊົນຢູ່ເຂດຊາຍແດນທີ່ຕິດຈອດກັນ ຫວຽດນາມ-ຈີນ.
|
|
 |
|
ທ່ານພົນໂທ ຮວ່າງຊວນຈ໊ຽນ ແລກປ່ຽນກັບຜູ້ແທນ, ມອບໜ້າທີ່ໃຫ້ບັນດາອົງການ, ກົມກອງທີ່ກ່ຽວຂ້ອງ ຢູ່ສວນສາທາລະນະ logistics Viettel ລ້າງເຊີນ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ຮຽກຮ້ອງໃຫ້ບັນດາອົງການ, ກົມກອງທີ່ກ່ຽວຂ້ອງ ຕ້ອງສືບຕໍ່ເສີມຂະຫຍາຍນໍ້າໃຈຮັບຜິດຊອບ, ການປະສານສົມທົບກັນຢ່າງແໜ້ນແຟ້ນ, ຍູ້ໄວຄວາມຄືບໜ້າໃນວຽກງານກະກຽມ, ໃນນັ້ນເອົາໃຈໃສ່ກ່ຽວກັບທັດສະນີຍະພາບ, ການຕົບແຕ່ງປະດັບປະດາ; ພ້ອມທັງສົມທົບຢ່າງແໜ້ນແຟ້ນກັບປະເທດເພື່ອນບ້ານ ສືບຕໍ່ຫັນແຜນງານ, ແຜນການນັບທັງເນື້ອໃນ, ວາລະ ໃຫ້ເປັນລະອຽດ. ຄຽງຂ້າງນັ້ນ, ທ່ານພົນໂທ ຮວ່າງຊວນຈ໊ຽນ ກໍເນັ້ນໜັກເຖິງວຽກງານຮັບປະກັນດ້ານສາທາລະນະສຸກ, ຄວາມໝັ້ນຄົງ, ຄວາມປອດໄພຢ່າງເດັດຂາດໃຫ້ແກ່ຄົນ ແລະພາຫະນະເຂົ້າຮ່ວມງານພົບປະແລກປ່ຽນ.
ໂດຍ: ໄຊຊະນະ