ຕາມກົດລະບຽບການແຮກສ່ຽວກຸ່ມຊຸມຊົນສອງຟາກຊາຍແດນ, ຕາແສງເທື້ອງແຈກ ແລະກຸ່ມບ້ານໜອງມ້າ ເຫັນດີເປັນເອກະພາບເຮັດວຽກງານໂຄສະນາ, ສຶກສາ, ຂົນຂວາຍປະຊາຊົນປະຕິບັດ “ອະນຸສັນຍາກ່ຽວກັບເສັ້ນຊາຍແດນ ແລະຫຼັກໝາຍຊາຍແດນແຫ່ງຊາດລະຫວ່າງສອງປະເທດຫວຽດນາມ ແລະລາວ” ແລະສັນຍາກ່ຽວກັບກົດລະບຽບຄຸ້ມຄອງຊາຍແດນ ແລະດ່ານຊາຍແດນທາງບົກລະຫວ່າງລັດຖະບານສອງປະເທດຢ່າງເຂັ້ມງວດ. ພ້ອມກັນຂົນຂວາຍປະຊາຊົນຕັ້ງໜ້າເຂົ້າຮ່ວມກັບກໍາລັງທີ່ກ່ຽວຂ້ອງລາດຕະເວນປົກປັກຮັກສາຊາຍແດນ, ລະບົບຫຼັກໝາຍຊາຍແດນແຫ່ງຊາດ ແລະສັນຍານເສັ້ນຊາຍແດນ.
    |
 |
|
ຄະນະຜູ້ແທນການນໍາແຂວງກວາງບິ່ງ ແລະແຂວງຄໍາມ່ວນ ເຂົ້າຮ່ວມພິທີແຮກສ່ຽວກຸ່ມຊຸມຊົນສອງຟາກຊາຍແດນ. ພາບ: qdnd.vn |
|
|
 |
|
ພິທີແຮກສ່ຽວກຸ່ມຊຸມຊົນສອງຟາກຊາຍແດນ. ພາບ: qdnd.vn |
ປະຊາຊົນກຸ່ມຊຸມຊົນສອງຟາກຊາຍແດນພ້ອມກັນໜູນຊ່ວຍ, ຊ່ວຍເຫຼືອກັນພັດທະນາເສດຖະກິດ-ສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ເອົາໃຈໃສ່ເປັນພິເສດເຖິງການໜູນຊ່ວຍຫັນປ່ຽນປຸກຕົ້ນໄມ້, ສັດລ້ຽງ, ກິດຈະການຮັບໃຊ້ຊີວິດການເປັນຢູ່ທາງດ້ານ ວັດຖຸ ແລະຈິດໃຈຂອງປະຊາຊົນ, ປະກອບສ່ວນເຮັດໃຫ້ຊີວິດການເປັນຢູ່ຂອງປະຊາຊົນມີຄວາມສະຖຽນລະພາບ, ພ້ອມທັງສ້າງເງື່ອນໄຂສະດວກ ແລະສົ່ງເສີມປະຊາຊົນສອງຟາກໄປມາຫາສູ່ກັນແລກປ່ຽນສິນຄ້າ, ພັດທະນາເສດຖະກິດ.
ກໍາລັງປົກປັກຮັກສາຊາຍແດນສອງຝ່າຍໄດ້ແລກປ່ຽນຂໍ້ມູນຂ່າວສານ, ສະພາບເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບເປັນປະຈໍາ; ໜູນຊ່ວນກໍາລັງທີ່ກ່ຽວຂ້ອງໃນການຕໍ່ສູ້ປ້ອງກັນ, ຕ້ານອາດຊະຍາກໍາຂ້າມຊາດ, ໂດຍສະເພາະແມ່ນອາດຊະຍາກໍາກ່ຽວກັບຢາເສບຕິດ, ອາວຸດ, ວັດຖຸລະເບີດ, ການຄ້າມະນຸດ; ຂ້າເຖື່ອນ, ການສໍ້ໂກງການຄ້າ; ການເຂົ້າ-ອອກເມືອງຜິດກົດໝາຍ; ຂຸດຄົ້ນຊັບພະຍາກອນ, ແຮ່ທາດ; ເຜີຍແຜ່ສາສະໜາຜິດກົດໝາຍ; ການອົບພະຍົກຢ່າງເສລີ, ການແຕ່ງງານຜິດກົດໝາຍຢູ່ສອງຟາກຊາຍແດນ.
|
|
 |
|
ເປີດນໍາໃຊ້ກິດຈະການ "ໂທລະໂຂ່ງບ້ານໄກ”. ພາບ: qdnd.vn |
|
|
 |
|
ຄະນະກໍາມະການປະຊາຊົນແຂວງກວາງບິ່ງ, ທະຫານຊາຍແດນແຂວງກວາງບິ່ງ, ບັນດາພະແນກ, ຂະແໜງການ, ກົມກອງມອບຂອງຂວັນໃຫ້ຄະນະພັກ, ອໍານາດການປົກຄອງ ແລະປະຊາຊົນກຸ່ມບ້ານໜອງມ້າ ແລະກອງຮ້ອຍ 317, ກອງບັນຊາການທະຫານແຂວງຄໍາມ່ວນ. ພາບ: qdnd.vn |
ພິທີແຮກສ່ຽວກຸ່ມຊຸມຊົນສອງຟາກຊາຍແດນແມ່ນການເຄື່ອນໄຫວແທດຈິງ ເພື່ອສືບຕໍ່ຍູ້ແຮງການເຄື່ອນໄຫວແຮກສ່ຽວລະຫວ່າງກໍາລັງປັກປັກຮັກສາຊາຍແດນສອງຝ່າຍ, ພ້ອມກັນປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຢູ່ເຂດຊາຍແດນແຫ່ງຊາດ, ປົກປັກຮັກສາຊັບພະຍາກອນສິ່ງແວດລ້ອມ. ພ້ອມທັງຕອບສະໜອງແນວຄິດຈິດໃຈ, ຄວາມປາດຖະໜາອັນຊອບທຳຂອງປະຊາຊົນສອງຟາກຊາຍແດນ, ປະກອບສ່ວນກໍ່ສ້າງຊາຍແດນສັນຕິພາບ, ມິດຕະພາບ, ການຮ່ວມມື, ພັດທະນາ.
|
|
 |
|
ຄະນະຜູ້ແທນການນໍາແຂວງກວາງບິ່ງ ແລະແຂວງຄໍາມ່ວນ ປຸກຕົ້ນໄມ້. ພາບ: qdnd.vn |
|
|
 |
|
ແພດທະຫານຊາຍແດນແຂວງກວາງບິ່ງ ກວດພະຍາດໃຫ້ປະຊາຊົນກຸ່ມບ້ານໜອງມ້າ. ພາບ: qdnd.vn |
|
|
 |
|
ເຂົ້າຮ່ວມ “ຮ້ານຄ້າ 0 ດົ່ງ”. ພາບ: qdnd.vn |
ເນື່ອງໃນໂອກາດນີ້, ຄະນະກໍາມະການປະຊາຊົນແຂວງກວາງບິ່ງ, ທະຫານຊາຍແດນແຂວງກວາງບິ່ງ, ບັນດາພະແນກ, ຂະແໜງການ, ກົມກອງ, ວິສາຫະກິດແຂວງກວາງບິ່ງ ໄດ້ມອບກິດຈະການ “ໂທລະໂຂ່ງບ້ານໄກ”, “ແສງໄຟຟ້າເຂດຊາຍແດນ”; ຂອງຂວັນ 2.299 ພູດ (ເຄື່ອງມືແຮງງານ, ເຄື່ອງໃຊ້ທີ່ຈໍາເປັນ); 3.000 ເບ້ຍໄມ້ໄຜ່ດ່ຽນຈຸກ; 864 ເບ້ຍສົ້ມໂອຝຸກແຈກ; 19 ທຶນການສຶກສາໃຫ້ພວກນ້ອງນັກຮຽນໃນລາຍການ “ຊ່ວຍນ້ອງນັກຮຽນລາວ ໄປໂຮງຮຽນ”; ມອບວັດຖຸອຸປະກອນການແພດໃຫ້ຄະນະພັກ, ອໍານາດການປົກຄອງ ແລະປະຊາຊົນກຸ່ມບ້ານໜອງມ້າ; ຈັດຕັ້ງການກວດພະຍາດ, ແຈກຢາຍຢຸກຢາໂດຍບໍ່ເສຍຄ່າໃຫ້ປະຊາຊົນສອງຟາກຊາຍແດນກວ່າ 600 ຄົນ. ລວມຍອດມຸນຄ່າ 1,7 ຕື້ດົ່ງ; ຄ່າໃຊ້ຈ່າຍທັງໝົດໃຫ້ການຈັດຕັ້ງການເຄື່ອນໄຫວແມ່ນກວ່າ 2,4 ຕື້ດົ່ງ.
ໂດຍ: ໄຊນີດາ