ທະຫານຊາຍແດນແຂວງອານຢາງ ມອບເງິນຮັບໃຊ້ການເຄື່ອນໄຫວໃຫ້ກຳລັງປະກອບອາວຸດແຂວງ Takeo, ກໍາປູເຈຍ

ທ່ານພັນເອກພິເສດ ເຈິ່ນກວ໊ກແຄ໊ງ, ຫົວໜ້າການທະຫານກອງບັນຊາການທະຫານຊາຍແດນແຂວງອານຢາງ; ທ່ານພົນຕີ  Men Ly, ຫົວໜ້າກອງບັນຊາການຕຳຫຼວດແຂວງ Takeo; ທ່ານພັນໂທ  Mean Chan Dea, ຫົວໜ້າກອງພັນທະຫານຊາຍແດນທີ 1 ເຂົ້າຮ່ວມລາຍການ.

ກອງບັນຊາການທະຫານຊາຍແດນແຂວງອານຢາງ ມອບເງິນຮັບໃຊ້ການເຄື່ອນໄຫວໃຫ້ກອງບັນຊາການຕຳຫຼວດແຂວງ Takeo. ພາບ: ຕ໊ວນກຽດ

ທີ່ການພົບປະ, ທ່ານພັນເອກພິເສດ ເຈິ່ນກວ໊ກແຄ໊ງ ໃຫ້ຮູ້ວ່າ ໃນໄລຍະຈະມາເຖິງ, ສະພາບການອາດຊະຍາກໍາຢູ່ເຂດຊາຍແດນ, ດ່ານຊາຍແດນສອງປະເທດຈະເພີ່ມຂຶ້ນ, ເປັນຕົ້ນແມ່ນໃນໂອກາດບຸນປີໃໝ່ປະຈຳຊາດ 2025 ຂອງຫວຽດນາມ. ກອງບັນຊາການທະຫານຊາຍແດນແຂວງອານຢາງ ສະເໜີສອງຝ່າຍສືບຕໍ່ຮ່ວມມືຕາມເນື້ອໃນຈິດໃຈບົດບັນທຶກການພົບປະເຈລະຈາປີ 2023 ລະຫວ່າງກອງບັນຊາການທະຫານຊາຍແດນ, ກະຊວງປ້ອງກັນປະເທດຫວຽດນາມ ແລະກົມໃຫຍ່ຕຳຫຼວດແຫ່ງຊາດ, ກະຊວງພາຍໃນກຳປູເຈຍ; ບົດບັນທຶກຊ່ວຍຈໍາກ່ຽວກັບການຮ່ວມມືດ້ານປ້ອງກັນຊາຍແດນປີ 2021 ລະຫວ່າງກອງບັນຊາການທະຫານຊາຍແດນ, ກະຊວງປ້ອງກັນປະເທດຫວຽດນາມ ແລະກອງບັນຊາການທະຫານບົກ, ກອງບັນຊາການກອງທັບແຫ່ງລາຊະອານາຈັກກໍາປູເຈຍ.

ຜູ້ແທນສອງຝ່າຍຖ່າຍຮູບເປັນທີ່ລະນຶກ. ພາບ: ຕ໊ວນກຽດ

ໃນການພົວພັນຕ່າງປະເທດ, ຄຽງຄູ່ກັບລະບອບເຮັດວຽກປະຈໍາໄລຍະ ແລະໂດຍບັງເອີນແລ້ວ, ໃນຊຸມວັນບຸນ ແລະບຸນປີໃໝ່ຂອງສອງປະເທດ, ສະເໜີໃຫ້ສອງຝ່າຍແລກປ່ຽນສະພາບການທີ່ກ່ຽວຂ້ອງເຖິງວຽກງານຄຸ້ມຄອງ, ປົກປັກຮັກສາຊາຍແດນ, ດ່ານຊາຍແດນ, ສະພາບການເຄື່ອນໄຫວທີ່ມີລັກສະນະສັບສົນເພື່ອພ້ອມກັນຕີລາຄາ,  ແກ້ໄຂຖືກຕາມແຜນນະໂຍບາຍ, ນະໂຍບາຍຂອງສອງຝ່າຍ; ຮັກສາການລາດຕະເວນຊາຍແດນສອງຝ່າຍຕາມຮູບການຜັດປ່ຽນກັນ...

ຕາງໜ້າຄະນະປະຕິບັດງານ, ທ່ານພົນຕີ  Men Ly ແລະທ່ານພັນໂທ  Mean Chan Dea ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ການນໍາອຳນາດການປົກຄອງທຸກຂັ້ນ ແລະກອງບັນຊາການທະຫານຊາຍແດນແຂວງອານຢາງ ທີ່ຍາມໃດກໍ່ຮ່ວມເດີນທາງ, ໜູນຊ່ວຍ, ສ້າງເງື່ອນໄຂສະດວກ ເພື່ອໃຫ້ກໍາລັງຄຸ້ມຄອງ, ປົກປັກຮັກສາຊາຍແດນກຳປູເຈຍ ແກ້ໄຂຄວາມຫຍຸ້ງຍາກ, ພ້ອມກັນກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ຮ່ວມມື ແລະພັດທະນາ.

ທີ່ການພົບປະ, ກອງບັນຊາການທະຫານຊາຍແດນແຂວງອານຢາງ ໄດ້ມອບເງິນຮັບໃຊ້ການເຄື່ອນໄຫວໃຫ້ກອງບັນຊາການຕຳຫຼວດແຂວງ Takeo, ກອງພັນທະຫານຊາຍແດນ ທີ 1 (ກອງບັນຊາການທະຫານແຂວງ Takeo), ກໍາປູເຈຍ ດ້ວຍຍອດຈຳນວນ 1 ຕື້ດົ່ງ.

ໂດຍ: ເຈິ່ນຮວ່ຽນ