ກອງປະຊຸມພົບປະແລກປ່ຽນວຽກງານຄຸ້ມຄອງ, ປົກປັກຮັກສາຊາຍແດນ

ພັນເອກພິເສດ ຟ້າມຮົ່ງຢາງ ຮອງຫົວໜ້າການທະຫານ, ຫົວໜ້າຫ້ອງເສນາທິການກອງບັນຊາການທະຫານຊາຍແດນແຂວງດ້ຽນບຽນ; ພັນເອກພິເສດ ບານວັນແຈງ, ຮອງຫົວໜ້າການທະຫານກອງບັນຊາການທະຫານຊາຍແດນແຂວງເຊີນລາ (ຫວຽດນາມ), ພັນເອກ ຄໍາພອນ ແສນສີວົງສາ ຫົວໜ້າການທະຫານກອງບັນຊາການທະຫານແຂວງຜົ້ງສາລີ; ພັນເອກ ຄໍາຮອນ ທອງແຊວກໍວິວັນ ຮອງຫົວໜ້າຫ້ອງເສນາທິການກອງບັນຊາການທະຫານແຂວງຫຼວງພະບາງ (ລາວ) ເປັນປະທານຮ່ວມກອງປະຊຸມ. 

ສອງຝ່າຍລົງນາມບົດບັນທຶກກອງປະຊຸມ. ພາບ: ແອງຢຸ້ງ.

ທີ່ກອງປະຊຸມ, ບັນດາກົມກອງ ໄດ້ແລກປ່ຽນຂໍ້ມູນຂ່າວສານ, ສະພາບການຂອງແຕ່ລະແຂວງ ແລະໝາກຜົນໃນວຽກງານຄຸ້ມຄອງ, ປົກປັກຮັກສາຊາຍແດນ ກໍຄືການເຄື່ອນໄຫວສົມທົບກັນໂຄສະນາເຜີຍແຜ່, ສຶກສາອົບຮົມກົດໝາຍ ແລະຕໍ່ສູ້ຕ້ານ ແລະສະກັດກັ້ນອາດຊະຍາກໍາປະເພດຕ່າງໆ... ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບສືບຕໍ່ຈັດຕັ້ງປະຕິບັດທັດສະນະ, ແນວທາງ, ນະໂຍບາຍການຕ່າງປະເທດຂອງສອງພັກ, ສອງລັດຖະບານ ແລະກອງທັບສອງປະເທດ ຢ່າງເຂັ້ມງວດ; ສືບຕໍ່ເພີ່ມທະວີການປັບປຸງການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານ ໃຫ້ແທດຈິງ ແລະມີປະສິດທິຜົນ. ພ້ອມກັນນັ້ນ, ເພີ່ມທະວີການແລກປ່ຽນຂໍ້ມູນຂ່າວສານ, ສະພາບການພັດທະນາເສດຖະກິດ-ສັງຄົມ; ການເຄື່ອນໄຫວສວຍໃຊ້ຊົນຊາດ, ສາສະໜາເພື່ອໂຄສະນາ, ຍຸແຫຍ່ແບ່ງແຍກຊົນຊາດ; ຊື້ຂາຍຂົນສົ່ງຢາເສບຕິດປະເພດຕ່າງໆ, ອາວຸດວັດຖຸລະເບີດຜິດກົດໝາຍ; ລ້ຽງປ່ອຍສັດລ້ຽງຂ້າມຊາຍແດນ, ເຂົ້າອອກເມືອງຜິດກົດໝາຍ, ຍ້າຍຖິ່ນຖານຜິດກົດໝາຍ. ຄຽງຂ້າງນັ້ນ, ເພີ່ມທະວີການສົມທົບກັນແລກປ່ຽນບົດຮຽນ, ບໍາລຸງສ້າງ, ຝຶກອົບຮົມໃຫ້ພະນັກງານກ່ຽວກັບວຽກງານປົກປັກຮັກສາຊາຍແດນ, ຕໍ່ສູ້ ສະກັດກັ້ນ ແລະຕ້ານອາດຊະຍາກໍາປະເພດຕ່າງໆ; ວຽກງານເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນ ໃນການກໍ່ສ້າງເຂດປ້ອງກັນແຂວງ, ເມືອງ ແລະກໍ່ສ້າງກໍາລັງປະກອບອາວຸດທ້ອງຖິ່ນໃຫ້ໝັ້ນຄົງເຂັ້ມແຂງ. ເພີ່ມທະວີການເຄື່ອນໄຫວສົມທົບກັນແລກປ່ຽນຂໍ້ມູນຂ່າວສານ, ລາດຕະເວນສອງຝ່າຍ, ເປັນເສນາທິການໃຫ້ອໍານາດການປົກຄອງຕາແສງ, ເມືອງຊາຍແດນ ຈັດຕັ້ງການແຮກສ່ຽວ...

ໂດຍ: ໄຊຊະນະ