ບັນດາວິລະກຳແຫ່ງຄວາມສາມັກຄີ
ໃນກາງເດືອນກໍລະກົດ ປີ 2024, ຢູ່ດ່ານສາກົນ ເກົາແຈ່ວ (ເມືອງເຮຶອງເຊີນ, ແຂວງຮ່າຕິ້ງ), ຕຳຫຼວດນະຄອນຫຼວງວຽງຈັນ (ລາວ) ໄດ້ສົ່ງຜູ້ຖືກເຄາະຮ້າຍຊາວຫວຽດນາມ 7 ຄົນ ໃນເຄືອຂ່າຍການຄ້າມະນຸດຈາກຫວຽດນາມ ໄປລາວ. ໃນນັ້ນຜູ້ຊາຍທີ 5 ຄົນ, ຢູ່ເມືອງກອນກວງ, ແຂວງເງະອານ ແລະຜູ້ຍິງ 2 ຄົນຈາກເມືອງເຕືອງເຢືອງ, ແຂວງເງະອານ.
    |
 |
|
ຕຳຫຼວດລາວ ແລະຫວຽດນາມ ຈັດພິທີມອບ-ຮັບ ແລະສົ່ງຜູ້ຖືກເຄາະຮ້າຍຈາກການຄ້າມະນຸດກັບຄືນຫວຽດນາມ. ພາບ: ແອງເດື່ອງ |
ຜ່ານການສືບສວນ-ສອບສວນ, ຕົ້ນເດືອນ ມີນາ ປີ 2024, ບັນດາຜູ້ເຄາະຮ້າຍໄດ້ຮູ້ຈັກກັບຜູ້ຍິງຄົນໜຶ່ງຜ່ານເຄືອຂ່າຍສັງຄົມຢູ່ ລາວ. ຜູ້ນີ້ຈອບອອຍຜູ້ເຄາະຮ້າຍ 7 ຄົນເຮັດໜັງສືຜ່ານແດນ ເພື່ອອອກເມືອງໄປຂາຍປີ້ຫວຍຢູ່ ໄທ, ດ້ວຍເງິນເດືອນ 17 ຫາ 20 ລ້ານດົ່ງ. ແຕ່ເມື່ອໄປຮອດ ລາວ ແລ້ວ, ພວກມັນໄດ້ພາບັນດາຜູ້ເຄາະຮ້າຍໄປເຂດເສດຖະກິດພິເສດບໍ່ແກ້ວ ເພື່ອເຮັດວຽກດ້ວຍການສ້າງບັນຊີ Zalo, App Walmark ແລະFacebook ເພື່ອຫຼອກລວງທາງອິນເຕີເນັດແນໃສ່ຢຶດເອົາຊັບສິນ. ແຕ່ລະວັນຕ້ອງເຮັດວຽກແຕ່ 13 ຫາ 18 ຊົ່ວໂມງ. ໂດຍຮັບຮູ້ວ່ານີ້ແມ່ນການກະທຳຜິດ ແລະລະເມີດກົດໝາຍ, ຜູ້ເຄາະຮ້າຍໄດ້ຊອກຫາວິທີຕິດຕໍ່ກັບຄອບຄົວ ແລະເຮັດໜັງສືຂໍຄວາມຊ່ວຍເຫຼືອຈາກທະຫານຊາຍແດນເພື່ອໄດ້ຮັບການກອບກູ້.
ນີ້ແມ່ນໜຶ່ງໃນບັນດາກໍລະນີກອບກູ້ຜູ້ຖືກເຄາະຮ້າຍຈາກການຄ້າມະນຸດໂດຍອົງການທີ່ກ່ຽວຂ້ອງຂອງສອງປະເທດ ຫວຽດນາມ-ລາວ ສົມທົບກັນປະຕິບັດ. ໃນເດືອນ ມິຖຸນາ ແລະເດືອນ ສິງຫາ ປີ 2024, ຫ້ອງການຕຳຫຼວດອາຍາແຂວງຮ່າຕິ້ງ, ທະຫານຊາຍແດນແຂວງຮ່າຕິ້ງ ສົມທົບກັບກົມຕຳຫຼວດສະກັດກັ້ນ, ຕ້ານອາດຊະຍາກຳການຄ້າມະນຸດ-ກະຊວງປ້ອງກັນຄວາມສະຫງົບລາວ ໄດ້ຕໍ່ສູ້ ແລະທຳລາຍລ້າງອົງການອາດຊະຍາກຳການຄ້າມະນຸດ ແລະຫຼອກລວງທາງອອນໄລຂະໜາດໃຫຍ່ໃນເຂດເສດຖະກິດພິເສດສາມຫຼ່ຽມທອງຄຳ (ລາວ).
ສ້າງຊາຍແດນແຫ່ງຄວາມສຸກ
ເຂດຊາຍແດນ ຫວຽດນາມ-ລາວ ມີພູມີປະເທດທຸລະກັນດານ. ສວຍໃຊ້ສິ່ງດັ່ງກ່າວ, ບັນດາອາດຊະຍາກຳການຄ້າມະນຸດໄດ້ໃຊ້ຫຼາຍເລ່ລ່ຽມເພື່ອເຄື່ອນໄຫວ. ເພາະສະນັ້ນ, ນັບແຕ່ປີ 2010 ເປັນຕົ້ນມາ, ກະຊວງຕຳຫຼວດຫວຽດນາມ ແລະກະຊວງປ້ອງກັນຄວາມສະຫງົບລາວ ໄດ້ຈັດພິທີເຊັນສັນຍາຮ່ວມມືສອງຝ່າຍ ຫວຽດນາມ-ລາວ ກ່ຽວກັບການສະກັດກັ້ນ, ຕ້ານການຄ້າມະນຸດ ແລະປົກປ້ອງຜູ້ຖືກເຄາະຮ້າຍຈາກການຄ້າມະນຸດ. ສັນຍາດັ່ງກ່າວແມ່ນມາດຕະການທີ່ມີປະສິດທິຜົນໃນການຕ້ານອາດຊະຍາກຳການຄ້າມະນຸດ, ປະກອບສ່ວນເພີ່ມທະວີການຮ່ວມມືບົນພື້ນຖານເຄົາລົບເອກະລາດ, ອະທິປະໄຕ, ຄວາມສະເໝີພາບ ແລະຜົນປະໂຫຍດຂອງສອງປະເທດ ຫວຽດນາມ-ລາວ.
ໂດຍລະອຽດ, ອົງການເຈົ້າໜ້າທີ່ 2 ປະເທດໄດ້ຮັກສາການຕິດຕໍ່ສື່ສານເພື່ອອັບເດດ, ແລກປ່ຽນສະພາບການທີ່ກ່ຽວຂ້ອງເປັນປະຈຳ, ຮັກສາການປະຊຸມປະຈຳປີ, ການພົບປະແລກປ່ຽນຄະນະຜູ້ແທນທຸກຂັ້ນ. ຕັ້ງໜ້າຍູ້ແຮງການເຄື່ອນໄຫວໂຄສະນາເຜີຍແຜ່ຮ່ວມ, ໂດຍສະເພາະແມ່ນຢູ່ເຂດຊາຍແດນຂອງແຕ່ລະປະເທດເພື່ອຍົກສູງຄວາມຮັບຮູ້ໃຫ້ປະຊາຊົນກ່ຽວກັບການສະກັດກັ້ນ ແລະຕ້ານການຄ້າມະນຸດ, ການເຂົ້າ-ອອກເມືອງຜິດກົດໝາຍ, ແຮງງານ ແລະການອົບພະຍົບແບບເສລີຢ່າງຜິດກົດໝາຍ. ສືບຕໍ່ສົມທົບກັນຢ່າງແໜ້ນແຟ້ນໃນການຊອກຄົ້ນ, ກວດຢັ້ງຢືນ, ເປີດການສືບສວນສອບສວນບັນດາກໍລະນີທີ່ມີສັນຍານອາດຊະຍາກຳການຄ້າມະນຸດທີ່ເຄື່ອນໄຫວຢູ່ເຂດດິນແດນຂອງ 2 ປະເທດ.
|
|
 |
|
ກົມສະກັດກັ້ນ, ຕ້ານຢາເສບຕິດ ແລະອາດຊະຍາກຳທະຫານຊາຍແດນ ຫວຽດນາມ ແລະກົມຕຳຫຼວດສະກັດກັ້ນ, ຕ້ານການຄ້າມະນຸດ, ກົມໃຫຍ່ຕຳຫຼວດ, ກະຊວງປ້ອງກັນຄວາມສະຫງົບລາວ ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືສະກັດກັ້ນ ແລະຕ້ານການຄ້າມະນຸດ. ພາບ: ຢຸຍຄຽມ |
ຫວ່າງມໍ່ໆມານີ້, ກົມສະກັດກັ້ນ, ຕ້ານຢາເສບຕິດ ແລະອາດຊະຍາກຳທະຫານຊາຍແດນຫວຽດນາມ ແລະກົມຕຳຫຼວດສະກັດກັ້ນ, ຕ້ານການຄ້າມະນຸດ, ກົມໃຫຍ່ຕຳຫຼວດ, ກະຊວງປ້ອງກັນຄວາມສະຫງົບລາວ ໄດ້ຈັດຕັ້ງກອງປະຊຸມລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືສະກັດກັ້ນ, ຕ້ານການຄ້າມະນຸດ.
ບົດບັນທຶກຊ່ວຍຈຳທີ່ໄດ້ຮັບການລົງນາມຈະແມ່ນເອກະສານນິຕິກຳສຳຄັນ ເພື່ອໃຫ້ບັນດາພາກສ່ວນທີ່ກ່ຽວຂ້ອງ ຫວຽດນາມ-ລາວ ຜັນຂະຫຍາຍການເຄື່ອນໄຫວລະອຽດ ເພື່ອແນໃສ່ຍົກສູງປະສິດທິຜົນການປ້ອງກັນ, ຕ້ານອາດຊະຍາກຳການຄ້າມະນຸດ; ກອບກູ້, ໜູນຊ່ວຍ, ປົກປ້ອງຜູ້ຖືກເຄາະຮ້າຍຈາກການຄ້າມະນຸດ; ປະກອບສ່ວນຢືນຢັນຄວາມມານະພະຍາຍາມ ແລະຄວາມຕັດສິນໃຈທາງການເມືອງຂອງສອງລັດຖະບານໃນການສະກັດກັ້ນ ແລະຕ້ານການຄ້າມະນຸດກັບປະຊາຄົມສາກົນ.
ໂດຍ: ທະນາພອນ