ທ່ານພົນໂທ ຮວ່າງຊວນຈ໊ຽນ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຫົວໜ້າຄະນະຊີ້ນໍາງານວາງສະແດງ ເປັນປະທານກອງປະຊຸມ. ເຂົ້າຮ່ວມກອງປະຊຸມມີທ່ານພົນໂທ ຟຸ່ງສີເຕິ໊ນ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ຫົວໜ້າຄະນະຈັດຕັ້ງງານວາງສະແດງ. ທ່ານພົນໂທ ເລກວາງມິງ, ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ, ຮອງຫົວໜ້າຄະນະຊີ້ນໍາງານວາງສະແດງ ແລະຫົວໜ້າບັນດາອົງການ, ກົມກອງກະຊວງປ້ອງກັນປະເທດ.
    |
 |
|
ທ່ານພົນໂທ ຮວ່າງຊວນຈ໊ຽນ ກ່າວຄໍາເຫັນທີ່ກອງປະຊຸມ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ໃຫ້ຮູ້ວ່າ ງານວາງສະແດງປ້ອງກັນຊາດສາກົນຫວຽດນາມ 2024 ໄດ້ດໍາເນີນຢ່າງເປັນທາງການໃນລະຫວ່າງວັນທີ 19-22 ທັນວາ, ດ້ວຍເນື້ອທີ່ວາງສະແດງກວ່າ 100.000 ຕາແມັດ. ເຂົ້າຮ່ວມງານວາງສະແດງມີວິສາຫະກິດອຸດສາຫະກຳປ້ອງກັນຊາດ, ວິສາຫະກິດທີ່ກ່ຽວຂ້ອງທັງພາຍໃນ ແລະສາກົນ 242 ແຫ່ງ; ດ້ວຍ 440 ກວ່າຮ້ານວາງສະແດງອຸດສາຫະກໍາປ້ອງກັນຊາດທີ່ມີຜະລິດຕະພັນອຸດສາຫະກໍາປ້ອງກັນຊາດຫຼາຍປະເພດ. ພິທີເປີດງານວາງສະແດງໄດ້ຮັບການຈັດຕັ້ງຢ່າງສົມກຽດ, ຮັບປະກັນຄວາມປອດໄພຢ່າງເດັດຂາດໃນທຸກດ້ານໂດຍມີການເຂົ້າຮ່ວມຂອງທ່ານນາຍົກລັດຖະມົນຕີ; ມີຜູ້ແທນການນໍາພັກ, ລັດ, ລັດຖະບານ, ສະພາແຫ່ງຊາດ, ບັນດາກະຊວງ, ຄະນະ, ຂະແໜງການຂັ້ນສູນກາງ, ທ້ອງຖິ່ນ, ບັນດາອົງການຈັດຕັ້ງການເມືອງ, ສັງຄົມ 1.000 ກວ່າຄົນ; 242 ວິສາຫະກິດພາຍໃນ ແລະຕ່າງປະເທດ, 66 ຄະນະຜູ້ແທນສາກົນທີ່ມາຈາກ 39 ປະເທດໃນຈຳນວນ 49 ປະເທດ ເຂົ້າຮ່ວມງານວາງສະແດງ; ພ້ອມກັບພະນັກງານ, ນັກຮົບຈາກບັນດາອົງການ, ກົມກອງ... ເກືອບ 12.000 ຄົນເຂົ້າຮ່ວມຮັບໃຊ້. ການເປີດງານວາງສະແດງແມ່ນຈຸດພົ້ນເດັ່ນທີ່ສຳຄັນ, ສ້າງຄວາມປະທັບໃຈຢ່າງແຮງຕໍ່ສາກົນ ແລະປະຊາຊົນ, ແຜ່ຂະຫຍາຍສານ “ສັນຕິພາບ, ມິດຕະພາບ, ຮ່ວມມືພ້ອມກັນພັດທະນາ”.
|
|
 |
|
ທ່ານພົນໂທ ຮວ່າງຊວນຈ໊ຽນ ມອບໃບຍ້ອງຍໍຂອງລັດຖະມົນຕີກະຊວງປ້ອງກັນປະເທດໃຫ້ແກ່ໝູ່ຄະນະບັນລຸໄດ້ຜົນງານດີເດັ່ນທີ່ງານວາງສະແດງ. ພາບ: qdnd.vn |
ທ່ານພົນຈັດຕະວາ ເລກວາງຕວ໊ຽນ ຮອງຫົວໜ້າກົມໃຫຍ່ອຸດສາຫະກໍາປ້ອງກັນຊາດ ໃຫ້ຮູ້ວ່າ ໃນຂອບເຂດງານວາງສະແດງ, ວິສາຫະກິດໃນທົ່ວກອງທັບໄດ້ແລກປ່ຽນ ແລະເຮັດວຽກກັບບັນດາບໍລິສັດ, ວິສາຫະກິດຕ່າງປະເທດ. ຄະນະຈັດຕັ້ງໄດ້ຈັດຕັ້ງການພົບປະ, ເຮັດວຽກສອງຝ່າຍ 1.872 ຄັ້ງໃຫ້ບັນດາອົງການ, ກົມກອງ, ວິສາຫະກິດ ເພື່ອຮັບຟັງແນະນຳຜະລິດຕະພັນ, ແລກປ່ຽນຂົງເຂດທີ່ຕ່າງຝ່າຍຕ່າງມີຄວາມສົນໃຈ. ອຸດສາຫະກຳປ້ອງກັນຊາດຫວຽດນາມ ໄດ້ຮັບໃບສັ່ງຊື້ຜະລິດຕະພັນອຸດສາຫະກຳປ້ອງກັນຊາດຫຼາຍສະບັບຈາກບັນດາຄູ່ຮ່ວມມືຕ່າງປະເທດ.
|
|
 |
|
ທ່ານພົນໂທ ຟຸ່ງສີເຕິ໊ນ ມອບໃບຍ້ອງຍໍຂອງກົມໃຫຍ່ເສນາທິການກອງທັບປະຊາຊົນຫວຽດນາມ ໃຫ້ແກ່ໝູ່ຄະນະບັນລຸໄດ້ຜົນງານດີເດັ່ນທີ່ງານວາງສະແດງ. ພາບ: qdnd.vn |
|
|
 |
|
ທ່ານພົນໂທ ເລກວາງມິງ ມອບໃບຍ້ອງຍໍຂອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໃຫ້ແກ່ໝູ່ຄະນະບັນລຸໄດ້ຜົນງານດີເດັ່ນທີ່ງານວາງສະແດງ. ພາບ: qdnd.vn |
ບັນດາກົມກອງຂອງກົມໃຫຍ່ອຸດສາຫະກໍາປ້ອງກັນຊາດ, ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ໄດ້ລົງນາມໃນສັນຍາ 16 ສະບັບ ດ້ວຍມູນຄ່າທັງໝົດປະມານ 286,3 ລ້ານໂດລາສະຫະລັດ; ໄດ້ລົງນາມໃນຂໍ້ຕົກລົງຮ່ວມມືຍຸດທະສາດ 17 ສະບັບລະຫວ່າງອຸດສາຫະກຳປ້ອງກັນຊາດຫວຽດນາມ ແລະວິສາຫະກິດຂອງບັນດາປະເທດທີ່ມີພື້ນຖານອຸດສາຫະກຳພັດທະນາ (ຄື: ອາເມລິກາ, ອິນເດຍ, ແບນຊິກ...).
ກໍ່ຕາມຄະນະຊີ້ນຳງານວາງສະແດງ, ກະຊວງປ້ອງກັນປະເທດ ໄດ້ຕົກລົງຕໍ່ກຳນົດເວລາວາງສະແດງຕື່ມອີກ 1 ວັນໃຫ້ຮ້ານວາງສະແດງຈໍານວນໜຶ່ງເພື່ອຮັບໃຊ້ປະຊາຊົນ. ຜົນສຳເລັດຂອງງານວາງສະແດງປ້ອງກັນຊາດສາກົນຫວຽດນາມ 2024 ໄດ້ປະກອບສ່ວນບໍ່ໜ້ອຍສ້າງຂີດໝາຍພິເສດຂອງກອງທັບປະຊາຊົນຫວຽດນາມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນທົ່ວປວງຊົນປ້ອງກັນຊາດ.
ໂດຍ: ເຈິ່ນຮວ່ຽນ