ການຮ່ວມມືດ້ານປ້ອງກັນຊາດແມ່ນເສົາຄໍ້າສຳຄັນໃນການພົວພັນ ຫວຽດນາມ-ຈີນ

ທີ່ການຕ້ອນຮັບ, ທ່ານພົນໂທ ຮວ່າງຊວນຈ໊ຽນ ຢືນຢັນວ່າ ໃນໄລຍະຜ່ານມາ, ການຮ່ວມມືດ້ານປ້ອງກັນຊາດສອງຝ່າຍລະຫວ່າງສອງປະເທດ ສືບຕໍ່ໄດ້ຮັບການຊຸກຍູ້ນັບມື້ນັບແທດຈິງ, ກາຍເປັນເສົາຄໍ້າສຳຄັນໃນການພົວພັນ ຫວຽດນາມ-ຈີນ, ສອດຄ່ອງກັບຄວາມຮັບຮູ້ລວມທີ່ບັນລຸໄດ້ລະຫວ່າງການນໍາຂັ້ນສູງສອງພັກ, ສອງລັດ.

ທ່ານພົນໂທ ຮວ່າງຊວນຈ໊ຽນ ກ່າວຄໍາເຫັນທີ່ການຕ້ອນຮັບ. ພາບ: ວັນຮ໊ຽວ

ໃນໄລຍະຈະມາເຖິງ, ທ່ານພົນໂທ ຮວ່າງຊວນຈ໊ຽນ ສະເໜີສອງຝ່າຍສືບຕໍ່ຊຸກຍູ້ການພົວພັນຮ່ວມມືດ້ານປ້ອງກັນຊາດສອງຝ່າຍໃຫ້ນັບມື້ນັບເຂົ້າສູ່ລວງເລິກ, ແທດຈິງ, ມີປະສິດທິຜົນ, ໃນນັ້ນສຸມໃສ່ເຂົ້າໃນບັນດາຂົງເຂດ, ຄື: ແລກປ່ຽນຄະນະຜູ້ແທນ, ການພົບປະທຸກຂັ້ນ, ເປັນຕົ້ນແມ່ນຂັ້ນສູງ; ຮັກສາກົນໄກເຈລະຈາຍຸດທະສາດປ້ອງກັນຊາດຂັ້ນຮອງລັດຖະມົນຕີ ຢ່າງມີປະສິດທິຜົນ; ສະແດງຄວາມຮູ້ບຸນຄຸນຕໍ່ນັກຮົບເກົ່າ, ນັກຊ່ຽວຊານຈີນ ທີ່ໄດ້ຊ່ວຍການປະຕິວັດຫວຽດນາມ. ທ່ານພົນໂທ ຮວ່າງຊວນຈ໊ຽນ ໃຫ້ຮູ້ວ່າ ກະຊວງປ້ອງກັນປະເທດຫວຽດນາມ ຈະດຳເນີນການບູລະນະ, ປະຕິສັງຂອນສຸສານຂອງພົນທະຫານ, ນັກຊ່ຽວຊານຈີນ ທີ່ມີຄຸນງາມຄວາມດີຕໍ່ການປະຕິວັດຫວຽດນາມ.

ທ່ານ He Wei ເອກອັກຄະລັດຖະທູດຈີນ ປະຈຳ ຫວຽດນາມ ທີ່ການຕ້ອນຮັບ. ພາບ: ວັນຮ໊ຽວ

ສ່ວນທ່ານເອກອັກຄະລັດຖະທູດ He Wei ໄດ້ສະແດງຄວາມຂອບອົກຂອບໃຈຕໍ່ການນຳກະຊວງປ້ອງກັນປະເທດຫວຽດນາມ ທີ່ໄດ້ສະຫຼະເວລາຕ້ອນຮັບ. ເນັ້ນໜັກເຖິງບົດບາດສຳຄັນຂອງການຮ່ວມມືດ້ານປ້ອງກັນຊາດໃນການພົວພັນ ຈີນ-ຫວຽດນາມ, ທ່ານເອກອັກຄະລັດຖະທູດ He Wei ໄດ້ສະແດງຄວາມປິຕິຊົມຊື່ນຕໍ່ການພັດທະນາການຮ່ວມມືດ້ານປ້ອງກັນຊາດສອງຝ່າຍໃນໄລຍະຜ່ານມາບັນລຸໄດ້ບັນດາໝາກຜົນທີ່ດີງາມ.

ບັນຍາກາດທີ່ການຕ້ອນຮັບ. ພາບ: ວັນຮ໊ຽວ

ພ້ອມກັນນັ້ນ, ທ່ານເອກອັກຄະລັດຖະທູດ He Wei ກໍ່ໄດ້ຕີລາຄາສູງບັນດາຂໍ້ສະເໜີ, ແຜນການບູລະນະ, ປະຕິສັງຂອນສຸສານບັນດາພົນທະຫານ, ນັກຊ່ຽວຊານຈີນ ແລະສະແດງຄວາມຮູ້ບຸນຄຸນຕໍ່ບັນດານັກຮົບເກົ່າ, ນັກຊ່ຽວຊານຈີນ ທີ່ໄດ້ຊ່ວຍການປະຕິວັດຫວຽດນາມ, ສະແດງໃຫ້ເຫັນວ່າ ຝ່າຍຫວຽດນາມ ຖືເປັນສໍາຄັນການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ.

ໂດຍ: ເຈິ່ນຮວ່ຽນ