ນັກຂ່າວ: ສະຫາຍຈົ່ງໃຫ້ຮູ້ບັນດາການປະກອບສ່ວນອັນພົ້ນເດັ່ນ ຂອງກຳລັງປະກອບອາວຸດນະຄອນຫຼວງ ໃນຜົນງານລວມຂອງນະຄອນຫຼວງຮ່າໂນ້ຍ ປີ 2024?

ທ່ານພົນຕີ ຫງວຽນກວກຢວຽດ: ດ້ວຍພາລະບົດບາດ, ໜ້າທີ່ທີ່ໄດ້ມອບໝາຍ, ກອງບັນຊາການທະຫານນະຄອນຫຼວງຮ່າໂນ້ຍ ໄດ້ເປັນເຈົ້າການເຮັດວຽກງານເປັນເສນາທິການໃຫ້ຄະນະພັັກນະຄອນຫຼວງ ປະກາດໃຊ້ບັນດາເອກະສານຊີ້ນຳ, ນຳພາກ່ຽວກັບໜ້າທີ່ການທະຫານ, ການປ້ອງກັນຊາດ. ໃນນັ້ນ, ພົ້ນເດັ່ນທີ່ສຸດແມ່ນເປັນເສນາທິການໃຫ້ແກ່ນະຄອນຫຼວງ ເພື່ອກະກຽມໃຫ້ເປັນຢ່າງດີ ແລະຈັດຕັ້ງການຝຶກຊ້ອມເຂດປ້ອງກັນຕົວນະຄອນຫຼວງຮ່າໂນ້ຍ ໃຫ້ປະສົບຜົນສຳເລັດ. ພວກຂ້າພະເຈົ້າ ກໍ່ເປັນເສນາທິການໃຫ້ນະຄອນຫຼວງ ຈັດຕັ້ງປະຕິບັດວຽກງານຄັດເລືອກ ແລະຮຽກເອີ້ນເອົາພົນລະເມືຶອງເຂົ້າເປັນທະຫານ ປີ 2024; ປະສານສົມທົບກັບບັນດາພະແນກ, ຄະນະ, ຂະແໜງການເປັນເສນາທິການຈັດຕັ້ງບັນດາກິດຈະກຳສະເຫຼີມສະຫຼອງ 70 ປີແຫ່ງວັນປົດປ່ອຍນະຄອນຫຼວງ; ເຂົ້າຮ່ວມກວດກາຄືນຮ່າງແຜນຜັງນະຄອນຫຼວງຮ່າໂນ້ຍ ໄລຍະ 2021-2030, ວິໄສທັດເຖິງປີ 2050 ເປັນຢ່າງດີ; ປະຕິບັດບັນດາເປົ້າໝາຍລາຍການ 09 ຂອງຄະນະພັກນະຄອນຫຼວງຮ່າໂນ້ຍ ກ່ຽວກັບ “ການເພີ່ມທະວີກຳລັງແຮງບົ່ມຊ້ອນການປ້ອງກັນຊາດ, ປ້ອງກັນຄວາມສະຫງົບ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ ແລະຄວາມປອດໄພທາງສັງຄົມຢູ່ບໍລິເວນນະຄອນຫຼວງ ໄລຍະ 2021-2025”.

leftcenterrightdel
 
leftcenterrightdel
ກຳລັງປະກອບອາວຸດນະຄອນຫຼວງ ເຂົ້າຮ່ວມການຝຶກຊ້ອມເຂດປ້ອງກັນນະຄອນຫຼວງຮ່າໂນ້ຍ ປິ 2024. ພາບ: ຫວຽດຈູງ.

ປີ 2024, ກອງບັນຊາການທະຫານນະຄອນຫຼວງຮ່າໂນ້ຍ ໄດ້ຈັດຕັ້ງປະຕິບັດແຜນການເວນຍາມກຽມພ້ອມສູ້ຮົບຢ່າງເຂັ້ມງວດ; ລະດົມພະນັກງານ, ນັກຮົບເກືອບ 4.200 ເທື່ອຄົນ ແລະພາຫະນະເກືອບ 300 ເທື່ອຄັນ ເຂົ້າຮ່ວມແກ້ໄຂເຫດໄຟໄໝ້ ແລະກູ້ຊີບ, ກູ້ໄພ...

ນັກຂ່າວ: ຈາກໝາກຜົນຂອງການຝຶກຊ້ອມການປ້ອງກັນເຂດນະຄອນຫຼວງຮ່າໂນ້ຍ ສາມາດຖອດຖອນໄດ້ບົດຮຽນໃດແດ່ໃນວຽກງານຫັດແອບ, ປະສານສົມທົບສູ້ຮົບ, ປັບປຸງທ່າສະໜາມຮົບໃນເຂດປ້ອງກັນຕົວຂອງນະຄອນຫຼວງ, ຂໍຮຽນທ່ານ?

ທ່ານພົນຕີ ຫງວຽນກວກຢວຽດ: ຜົນສຳເລັດຂອງການຝຶກຊ້ອມໄດ້ຊ່ວຍໃຫ້ກອງບັນຊາການທະຫານນະຄອນຫຼວງ ຖອດຖອດມາໄດ້ຫຼາຍບົດຮຽນເລິກເຊິ່ງ. ກ່ອນອື່ນໝົດແມ່ນຕ້ອງຊາບຊຶມ, ກຳແໜ້ນ ແລະປະຕິບັດຕາມແນວທາງ, ທັດສະນະ, ແຜນນະໂຍບາຍຂອງພັກ, ເອກະສານຊີ້ນຳຂອງທຸກຂັ້ນກ່ຽວກັບການສ້າງ ແລະການເຄື່ອນໄຫວຂອງເຂດປ້ອງກັນ, ຫັນແຕ່ລະໜ້າທີ່, ແຕ່ລະຂົງເຂດໃຫ້ປະກົດຜົນເປັນຈິງ. ເສີມຂະຫຍາຍຄວາມສາມາດບົ່ມຊ້ອນ, ທ່າແຮງ, ທ່າໄດ້ປຽບຂອງນະຄອນຫຼວງ ເພື່ອສ້າງຄວາມບຸກທະລຸຢ່າງແຂງແຮງກ່ຽວກັບຄຸນນະພາບການກໍ່ສ້າງ, ການເຄື່ອນໄຫວຂອງເຂດປ້ອງກັນ, ມີກຳລັງແຮງຢ່າງພຽງພໍເພື່ອປົກປັກຮັກສານະຄອນຫຼວງໃນທຸກກໍລະນີ.

ຕໍ່ຈາກນັ້ນ, ຕ້ອງຖືເປັນສຳຄັນ ແລະຍົກສູງຄຸນນະພາບວຽກງານບຳລຸງຄວາມຮູ້ດ້ານປ້ອງກັນຊາດ-ປ້ອງກັນຄວາມສະຫງົບໃຫ້ພະນັກງານ, ສະມາຊິກພັກ, ໂດຍສະເພາະແມ່ນພະນັກງານຫຼັກແຫຼ່ງຢູ່ທຸກຂັ້ນ, ທຸກຂະແໜງການ; ຕັ້ງໜ້າບຳລຸງດ້ານວິຊາການໃຫ້ພະນັກງານກອງບັນຊາການທະຫານບັນດາພະແນກ, ຄະນະ, ຂະແໜງການ, ອົງການຈັດຕັ້ງມະຫາຊົນ ເພື່ອຍົກສູງກຳລັງຄວາມສາມາດໃນການເປັນເສນາທິການ, ຈັດຕັ້ງປະຕິບັດວຽກງານການທະຫານ, ການປ້ອງກັນຊາດທ້ອງຖິ່ນ. ຍົກສູງຄຸນນະພາບສັງລວມ, ກຳລັງແຮງສູ້ຮົບຂອງກຳລັງປະກອບອາວຸດຢ່າງບໍ່ຢຸດຢັ້ງ, ຖືຄຸນນະພາບການເມືອງເປັນພື້ນຖານ, ຕັ້ງໜ້າປ່ຽນແປງໃໝ່ເນື້ອໃນ, ວິທີການຫັດແອບທີ່ເໝາະສົມ, ໃກ້ຊິດກັບລັກສະນະສະພາບການ ແລະເປົ້າໝາຍສູ້ຮົບ.

ພ້ອມທັງເອົາໃຈໃສ່ກໍ່ສ້າງຮາກຖານຕາແສງ, ເທດສະບານເມືອງໃຫ້ມີຄວາມໝັ້ນຄົງເຂັ້ມແຂງຮອບດ້ານ, ປະສານສົມທົບຢ່າງແໜ້ນແຟ້ນລະຫວ່າງການພັດທະນາເສດຖະກິດ-ສັງຄົມ ກັບການເພີ່ມທະວີການປັບປຸງການປ້ອງກັນຊາດ-ປ້ອງກັນຄວາມສະຫງົບ, ສ້າງພື້ນຖານທົ່ວປວງຊົນປ້ອງກັນຊາດ, ທ່າສະໜາມຮົບທົ່ວປວງຊົນປ້ອງກັນຊາດຕິດພັນກັບທ່າສະໜາມຮົບທົ່ວປວງຊົນປ້ອງກັນຄວາມສະຫງົບໃຫ້ມີຄວາມໝັ້ນຄົງເຂັ້ມແຂງຈາກຮາກຖານ.

ນັກຂ່າວ: ຮ່າໂນ້ຍ ໄດ້ຮັບການຕີລາຄາວ່າແມ່ນໜຶ່ງໃນບັນດາທ້ອງຖິ່ນນຳໜ້າໃນທົ່ວປະເທດກ່ຽວກັບການສ້າງກຳລັງທະຫານລາດປ້ອງກັນຕົວ. ສະຫາຍສາມາດແບ່ງປັນບັນດາໝາກຜົນພົ້ນເດັ່ນ ແລະບົດຮຽນຜັນຂະຫຍາຍຂອງຮ່າໂນ້ຍ ໃນວຽກງານນີ້?

ທ່ານພົນຕີ ຫງວຽນກວກຢວຽດ: ໃນໄລຍະຜ່ານມາ, ກອງບັນຊາການທະຫານນະຄອນຫຼວງ ຮ່າໂນ້ຍ ໄດ້ສຸມໃສ່ຍົກສູງກຳລັງຄວາມສາມາດຮອບດ້ານ, ຕັ້ງໜ້າ, ເປັນເຈົ້າການສະເໜີ, ເປັນເສນາທິການຊີ້ນຳປະຕິບັດວຽກງານສ້າງກຳລັງທະຫານລາດປ້ອງກັນຕົວ ໃຫ້ມີຄວາມໝັ້ນຄົງເຂັ້ມແຂງຮອບດ້ານ, ທົ່ວເຖິງ. ໄລ່ຮອດເດືອນພະຈິກ, ຮ່າໂນ້ຍ ສ້າງຕັ້ງໄດ້ 9 ໝວດ ແລະ 139 ໝູ່ທະຫານລາດ; ສ້າງສຳນັກງານເຮັດວຽກ, ກອງບັນຊາການທະຫານຂັ້ນຕາແສງ ໄດ້ຈຳນວນ 183 ແຫ່ງ; ສ້າງ 100% ໜ່ວຍພັກການທະຫານຂັ້ນຕາແສງ, ອັດຕາສະມາຊິກພັກໃນທະຫານລາດປ້ອງກັນຕົວແມ່ນ 23,1%.

ເພື່ອບັນລຸໄດ້ໝາກຜົນນີ້, ກອງບັນຊາການທະຫານນະຄອນຫຼວງຮ່າໂນ້ຍ ໄດ້ເປັນເສນາທິການໃຫ້ນະຄອນຫຼວງ ຊາບຊຶມ, ຈັດຕັ້ງປະຕິບັດກົດໝາຍວ່າດ້ວຍທະຫານລາດປ້ອງກັນຕົວ ແລະເອກະສານແນະນຳ, ຊີ້ນຳຂອງທຸກຂັ້ນກ່ຽວກັບວຽກງານທະຫານລາດປ້ອງກັນຕົວຢ່າງເຂັ້ມງວດ; ຊີ້ນຳອົງການທະຫານທຸກຂັ້ນໃນການເປັນເຈົ້າການສ້າງແຜນການສ້າງກຳລັງທະຫານລາດປ້ອງກັນຕົວ, ເປັນເສນາທິການໃຫ້ຄະນະພັກ, ອຳນາດການປົກຄອງທ້ອງຖິ່ນ, ອົງການ, ວິສາຫະກິດປະຕິບັດກົດໝາຍວ່າດ້ວຍທະຫານລາດປ້ອງກັນຕົວຢ່າງເຂັ້ມງວດ.

ນັກຂ່າວ: ປີ 2025 ສືບຕໍ່ມີຫຼາຍເຫດການສຳຄັນ, ພິເສດແມ່ນປີຈັດຕັ້ງກອງປະຊຸມໃຫຍ່ພັກທຸກຂັ້ນ. ສະນັ້ນໜ້າທີ່ຈຸດສຸມຂອງກຳລັງປະກອບອາວຸດນະຄອນຫຼວງ ໄດ້ກຳນົດລວມມີເນື້ອໃນໃດແດ່, ຂໍຮຽນສະຫາຍ?

ທ່ານພົນຕີ ຫງວຽນກວກຢວຽດ: ກອງບັນຊາການທະຫານນະຄອນຫຼວງຮ່າໂນ້ຍ ໄດ້ກຳນົດໂດຍສຸມໃສ່ຊີ້ນຳປະຕິບັດພາລະບົດບາດເປັນເສນາທິການໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ, ຄະນະພັກນະຄອນ, ຄະນະກຳມະການປະຊາຊົນນະຄອນຫຼວງຮ່າໂນ້ຍ ກ່ຽວກັບໜ້າທີ່ການທະຫານ, ການປ້ອງກັນຊາດເປັນຢ່າງດີ. ຈັດຕັ້ງປະຕິບັດໂຄງການດຳເນີນງານຂອງຄະນະພັກການທະຫານສູນກາງ, ຄະນະພັກນະຄອນຫຼວງຮ່າໂນ້ຍ, ແຜນການຂອງຄະນະພັກກອງບັນຊາການທະຫານນະຄອນຫຼວງຮ່າໂນ້ຍ ກ່ຽວກັບການປະຕິບັດມະຕິສູນກາງພັກ 8 (ຊຸດທີ XIII) ກ່ຽວກັບຍຸດທະສາດປົກປັກຮັກສາປະເທດຊາດໃນສະພາບການໃໝ່; ບັນດາລາຍການ, ແຜນການ, ແຜນຮ່າງ, ໂຄງການ, ກົດໝາຍກ່ຽວກັບຂົງເຂດການທະຫານ, ການປ້ອງກັນຊາດຢູ່ບໍລິເວນນະຄອນຫຼວງ. ສືບຕໍ່ສ້າງກຳລັງປະກອບອາວຸດນະຄອນຫຼວງ ໃຫ້ມີຄຸນນະພາບສັງລວມ, ກຳລັງແຮງສູ້ຮົບສູງ, ໃນນັ້ນ, ສຸມໃສ່ສ້າງກຳລັງປະຈຳການປະຕິວັດ, ກຳລັງຫຼວງ, ຍອດຢ້ຽມ, ທັນສະໄໝ, ກຳລັງທະຫານລາດປ້ອງກັນຕົວໝັ້ນຄົງເຂັ້ມແຂງ, ທົ່ວເຖິງ, ກຳລັງສຳຮອງເປັນກຳລັງຫຼັກແຫຼ່ງໃນການສ້າງພື້ນຖານທົ່ວປວງຊົນປ້ອງກັນຊາດໃຫ້ມີຄວາມໝັ້ນຄົງເຂັ້ມແຂງ, ເຂດປ້ອງກັນນະຄອນຫຼວງເຂັ້ມແຂງ.

ຊາບຊຶມ ແລະປະຕິບັດບັນດາມະຕິ, ຄຳສັ່ງກ່ຽວກັບການກໍ່ສ້າງພັກຢ່າງເຂັ້ມງວດ; ສົມທົບກັບບັນດາທ້ອງຖິ່ນຊີ້ນຳກອງປະຊຸມໃຫຍ່ອົງຄະນະພັກການທະຫານບັນດາເມືອງ, ເທດສະບານເມືອງ; ເຮັດວຽກງານກະກຽມ ແລະຈັດຕັ້ງກອງປະຊຸມໃຫຍ່ອົງຄະນະພັກກອງບັນຊາການທະຫານນະຄອນຫຼວງຮ່າໂນ້ຍ ຄັ້ງທີ IV, ອາຍຸການ 2025-2030 ເປັນຢ່າງດີ.

ນັກຂ່າວ: ຂໍຂອບໃຈ!

ໂດຍ: ແສງເດືອນ