ທູດທະຫານບັນດາປະເທດ ຢ້ຽມຊົມຫໍພິພິທະພັນປະຫວັດສາດການທະຫານຫວຽດນາມ
ກປ.ອອນໄລ - ຕອນບ່າຍວັນທີ 27 ພະຈິກ, ຄະນະທູດທະຫານບັນດາປະເທດ ປະຈໍາ ຫວຽດນາມ ນໍາໂດຍທ່ານພັນເອກ Prin Yongpiyanon ທີ່ປຶກສາທູດກອງທັບອາກາດ ໄທ ປະຈໍາ ຫວຽດນາມ ໄດ້ມາຢ້ຽມຢາມຫໍພິພິທະພັນປະຫວັດສາດການທະຫານຫວຽດນາມ ຢູ່ເມືອງນາມຕືລຽມ, ນະຄອນຮ່າໂນ້ຍ.
    |
 |
|
ທ່ານພັນເອກ ຫງວຽນຕ໊ຽນຢຸ້ງ ຮອງຫົວໜ້າອໍານວຍການຫໍພິພິທະພັນປະຫວັດສາດການທະຫານຫວຽດນາມ ຕ້ອນຮັບຄະນະທູດທະຫານບັນດາປະເທດ ມາຢ້ຽມຊົມ. ພາບ: qdnd.vn |
|
|
 |
|
ການນໍາຫໍພິພິທະພັນປະຫວັດສາດການທະຫານຫວຽດນາມ ຖ່າຍຮູບເປັນທີ່ລະນຶກກັບຄະນະທູດທະຫານບັນດາປະເທດ. ພາບ: qdnd.vn |
ຕາງໜ້າການນໍາ, ພະນັກງານ, ພາລະກອນ, ນັກຮົບຂອງຫໍພິພິທະພັນປະຫວັດສາດການທະຫານຫວຽດນາມ, ທ່ານພັນເອກ ຫງວຽນຕ໊ຽນຢຸ້ງ ຮອງຫົວໜ້າອໍານວຍການຫໍພິພິທະພັນປະຫວັດສາດການທະຫານຫວຽດນາມ ໄດ້ຕ້ອນຮັບ ແລະຊົມເຊີຍຄະນະທູດທະຫານບັນດາປະເທດ ມາຢ້ຽມຊົມຫໍພິພິທະພັນ. ຈາກນັ້ນ, ທູດທະຫານບັນດາປະເທດໄດ້ຢ້ຽມຊົມ, ຮັບຟັງ ແນະນໍາກ່ຽວກັບເຂດວາງສະແດງວັດຖຸພັນໃນຮົ່ມ ແລະກາງແຈ້ງຂອງຫໍພິພິທະພັນ ເຊິ່ງເປັນບ່ອນວາດພາບປະຫວັດສາດແຫ່ງການສ້າງສາ ແລະປົກປັກຮັກສາຂອງຊົນຊາດຫວຽດນາມ ກໍຄືວິວັດແຫ່ງການສ້າງສາ, ສູ້ຮົບ ແລະເຕີບໃຫຍ່ຂະຫຍາຍຕົວຂອງກອງທັບປະຊາຊົນຫວຽດນາມ ໃນພາລະກິດຕໍ່ສູ້ປົດປ່ອຍຊາດ, ສ້າງສາ ແລະປົກປັກຮັກສາປະເທດຊາດ.
|
|
 |
|
ຄະນະທູດທະຫານບັນດາປະເທດ ຢ້ຽມຊົມເຂດວາງສະແດງກ່ຽວກັບບັ້ນຮົບໂຮ່ຈີມິນ. ພາບ: qdnd.vn |
|
|
 |
|
ຄະນະທູດທະຫານບັນດາປະເທດ ຊົມບາງຮູບພາບກ່ຽວກັບການເຄື່ອນໄຫວພົວພັນຕ່າງປະເທດດ້ານການທະຫານ, ການປ້ອງກັນຊາດຂອງຫວຽດນາມ. ພາບ: qdnd.vn |
ໃນໄລຍະຜ່ານມາ, ຫໍພິພິທະພັນປະຫວັດສາດການທະຫານຫວຽດນາມ ໄດ້ເປີດບໍລິການຢ່າງເປັນທາງການ, ຕ້ອນຮັບແຂກພາຍໃນ ແລະຕ່າງປະເທດຫຼາຍຄະນະມາຢ້ຽມຊົມ. ການຢ້ຽມຊົມຂອງຄະນະທູດທະຫານບັນດາປະເທດ ປະກອບສ່ວນເພີ່ມທະວີການພົວພັນມິດຕະພາບ, ຄວາມເຂົ້າໃຈເຊິ່ງກັນແລະກັນລະຫວ່າງກອງທັບປະຊາຊົນຫວຽດນາມ ແລະກອງທັບບັນດາປະເທດ; ພ້ອມທັງຊ່ວຍໃຫ້ທູດທະຫານບັນດາປະເທດ ເຂົ້າໃຈແຈ້ງກວ່າກ່ຽວກັບປະເທດ, ວັດທະນະທໍາ, ຄົນຫວຽດນາມ ກໍຄື ປະຫວັດສາດ, ວິວັດແຫ່ງການກໍາເນີດ ແລະພັດທະນາຂອງກອງທັບປະຊາຊົນຫວຽດນາມ.
ໂດຍ: ໄຊຊະນະ