ຫວຽດນາມ - ຈີນ ສືບຕໍ່ຜັນຂະຫຍາຍບັນດາເນື້ອໃນການຮ່ວມມືດ້ານປ້ອງກັນຊາດ
ກປ.ອອນໄລ - ຕອນບ່າຍວັນທີ 26 ພະຈິກ, ຢູ່ສໍານັກງານກະຊວງປ້ອງກັນປະເທດ, ທ່ານພົນໂທ ຮວ່າງຊວນຈ໊ຽນ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ໄດ້ໃຫ້ການຕ້ອນຮັບ ແລະເຮັດວຽກກັບທ່ານພັນເອກພິເສດ Jiangbo, ທີ່ປຶກສາທູດປ້ອງກັນຊາດຈີນ ປະຈໍາ ຫວຽດນາມ.
ທີ່ການຕ້ອນຮັບ, ທ່ານພົນໂທ ຮວ່າງຊວນຈ໊ຽນ ຢືນຢັນວ່າ ການຮ່ວມມືດ້ານປ້ອງກັນຊາດສອງຝ່າຍສືບຕໍ່ຮັກສາທ່າພັດທະນາທີ່ດີ, ນັບມື້ນັບແທດຈິງ ແລະແໜ້ນແຟ້ນກ່ວາເກົ່າ. ທ່ານພົນໂທ ຮວ່າງຊວນຈ໊ຽນ ຕີລາຄາວ່າ ໃນໄລຍະຜ່ານມາກໍາລັງຄຸ້ມຄອງ ແລະປົກປັກຮັກສາຊາຍແດນທາງບົກ, ທະຫານເຮືອ, ຕໍາຫຼວດທະເລສອງປະເທດ ໄດ້ຮັກສາການຮ່ວມມືຢ່າງມີປະສິດທິຜົນຜ່ານກົນໄກທີ່ມີຢູ່ແລ້ວ, ຄື: ການລາດຕະເວນຮ່ວມ, ລາດຕະເວນສອງຝ່າຍ, ການລາດຕະເວນຮ່ວມທາງບົກ ແລະທາງທະເລ...
    |
 |
|
ທ່ານພົນໂທ ຮວ່າງຊວນຈ໊ຽນ ແລກປ່ຽນກັບທ່ານພັນເອກພິເສດ Jiangbo. ພາບ:qdnd.vn |
ສອງຝ່າຍສືບຕໍ່ເອົາໃຈໃສ່, ຊຸກຍູ້ການຮ່ວມມືໃນບັນດາຂົງເຂດ, ຄື: ວຽກງານພັກ, ວຽກງານການເມືອງ; ອຸດສາຫະກໍາປ້ອງກັນຊາດ; ການປ້ອງກັນອາກາດ-ທະຫານອາກາດ; ການຄົ້ນຄວ້າວິທະຍາສາດ; ການສຶກສາ-ບໍາລຸງສ້າງ; ການພົບປະແລກປ່ຽນນາຍທະຫານໜຸ່ມ; ການພົບປະແລກປ່ຽນລະຫວ່າງບັນດາວິທະຍາຄານ, ໂຮງຮຽນໃນກອງທັບ... ໃນໄລຍະຈະມາເຖິງ, ທ່ານພົນໂທ ຮ່ວາງຊວນຈ໊ຽນ ສະເໜີສອງຝ່າຍສຸມໃສ່ເພີ່ມທະວີການຮ່ວມມື, ໂດຍສຸມໃສ່ເນື້ອໃນ, ຄື: ແລກປ່ຽນຄະນະຜູ້ແທນ, ການພົບປະລະຫວ່າງທຸກຂັ້ນ, ພິເສດແມ່ນຂັ້ນສູງ; ຊຸກຍູ້ການຈັດຕັ້ງງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນຫວຽດນາມ - ຈີນ ຄັ້ງທີ 9; ຈັດຕັ້ງກອງປະຊຸມສົນທະນາຍຸດທະສາດຂັ້ນຮອງລັດຖະມົນຕີກະຊວງປ້ອງກັນປະເທດ ຄັ້ງທີ 8.
|
|
 |
|
ບັນຍາກາດທີ່ການຕ້ອນຮັບ. ພາບ:qdnd.vn |
ສ່ວນທ່ານພັນເອກພິເສດ Jiangbo ໄດ້ຂອບໃຈທ່ານພົນໂທ ຮ່ວາງຊວນຈ໊ຽນ ທີ່ໄດ້ສະຫຼະເວລາຕ້ອນຮັບ ແລະແລກປ່ຽນ; ຢືນຢັນວ່າ ຈະສົມທົບຢ່າງແໜ້ນແຟ້ນກັບບັນດາອົງການກ່ຽວຂ້ອງຂອງຫວຽດນາມ ເພື່ອຜັນຂະຫຍາຍເນື້ອໃນການຮ່ວມມືດ້ານປ້ອງກັນຊາດສອງຝ່າຍໃນໄລຍະຈະມາເຖິງ, ປະກອບສ່ວນຊຸກຍູ້ການພົວພັນອັນດີງາມລະຫວ່າງສອງພັກ ແລະສອງກອງທັບ.
ໂດຍ: ທູຈາງ