ຫວຽດນາມ - ກໍາປູເຈຍ ເພີ່ມທະວີການປະສານສົມທົບໃນການສະກັດກັ້ນ ແລະຕ້ານອາດຊະຍາກຳຢາເສບຕິດ
ກປ.ອອນໄລ - ວັນທີ 18 ກັນຍາ, ກົມສະກັດກັ້ນ ແລະຕ້ານຢາເສບຕິດ ແລະອາດຊະຍາກຳ (ກອງບັນຊາການທະຫານຊາຍແດນ) ສົມທົບກັບກົມຕຳຫຼວດສືບສວນ-ສອບສວນອາດຊະຍາກຳຢາເສບຕິດ (ກະຊວງຕຳຫຼວດ) ແລະກົມຕ້ານຢາເສບຕິດ, ກົມໃຫຍ່ຕຳຫຼວດແຫ່ງຊາດ, ກະຊວງພາຍໃນແຫ່ງລາຊະອານາຈັກກຳປູເຈຍ ຈັດຕັ້ງກອງປະຊຸມແລກປ່ຽນວຽກງານ 3 ຝ່າຍ ຄັ້ງທີ IV.
ໃນໄລຍະຜ່ານມາ, ບັນດາກົມກອງທະຫານຊາຍແດນ, ຕຳຫຼວດຫວຽດນາມ ແລະຕຳຫຼວດກຳປູເຈຍ ໄດ້ປະສານສົມທົບຢ່າງມີປະສິດທິຜົນໃນການສືບສວນ-ສອບສວນ, ກຳນົດຂໍ້ມູນສຳລັບເປົ້າໝາຍທີ່ສົງໄສວ່າກ່ຽວຂ້ອງເຖິງອາດຊະຍາກຳຢາເສບຕິດ. ພິເສດ, ຢູ່ບັນດາບໍລິເວນຈຸດສຸມຕິດຈອດກັນ, ບັນດາກຳລັງໄດ້ໜູນຊ່ວຍ, ອຳນວຍຄວາມສະດວກໃຫ້ກັນໃນການເກັບກຳຂໍ້ມູນ ແລະເອກະສານທີ່ກ່ຽວຂ້ອງເຖິງການຄ້າຂາຍ, ຂົນສົ່ງຢາເສບຕິດ, ຈັດຕັ້ງການຕ້ານອາດຊະຍາກຳຢ່າງມີປະສິດທິຜົນ.
    |
 |
|
ຜູ້ແທນເຂົ້າຮ່ວມກອງປະຊຸມ. ພາບ: ຕ໊ວນນາມ |
ໃນໄລຍະຈະມາເຖິງ, ອົງການກ່ຽວຂ້ອງຂອງສອງປະເທດ ຈະເພີ່ມທະວີການສົມທົບກັນຜັນຂະຫຍາຍວຽກງານວິຊາການຢູ່ບໍລິເວນຈຸດສຸມ; ກຳນົດ, ມ້າງຄະດີລວມ, ສຸມໃສ່ໃນການຄ້າຂາຍ ແລະຂົນສົ່ງຢາເສບຕິດຂ້າມຊາດ. ອົງການກ່ຽວຂ້ອງຂອງສອງປະເທດ ຈະຈັດຕັ້ງກອງປະຊຸມແລກປ່ຽນວຽກງານເປັນປະຈຳ, ປະສານສົມທົບໃນວຽກງານວິຊາການ, ຜ່ານນັ້ນປັບປຸງບົດຮຽນປະສົບການກ່ຽວກັບການສະກັດກັ້ນ ແລະຕ້ານອາດຊະຍາກຳຢາເສບຕິດ; ຍົກສູງຄວາມສາມາດໃນການສືບສວນ-ສອບສວນ, ປາບປາມອາດຊະຍາກຳຂ້າມຊາດ.
ໂດຍ: ແສງເດືອນ