ກຳປັ່ນສອງລຳ “ອອກທະເລ” ໃນຕົ້ນປີ
ຕອນເຊົ້າວັນທີ 1 ມັງກອນ 2025, ທ່າກໍາປັ່ນກອງພົນນ້ອຍ 129 ຂອງທະຫານເຮືອ ເຕັມໄປດ້ວຍຄວາມເບີກບານມ່ວນຊື່ນ. ພະນັກງານ, ນັກຮົບ ແລະ ຍາດຕິພີ່ນ້ອງນັບຫຼາຍຮ້ອຍຄົນ ໄດ້ມາອໍາລາກອງກໍາປັ່ນອອກເດີນທາງໄປອວຍພອນປີໃໝ່ບັນດາຮ້ານເວນຍາມ DK1. ນີ້ແມ່ນການເດີນທາງ “ອອກທະເລ" ຄັ້ງທຳອິດຂອງປີ, ນຳເອົາອາລົມຈິດຄວາມຮັກແພງ ແລະ ຄວາມອົບອຸ່ນຂອງເຂດດິນຕໍ່ແຜ່ນໄປໃຫ້ພະນັກງານ, ນັກຮົບຢູ່ເຂດໄຫຼ່ທະວີບພາກໃຕ້ຂອງປະເທດຊາດ.
ລະດົມກຳລັງໃຈພະນັກງານ, ນັກຮົບຂອງກຳປັ່ນ 2 ລໍາດັ່ງກ່າວ ແລະພະນັກງານ, ນັກຮົບທີ່ໄປຮັບໜ້າທີ່ຢູ່ຮ້ານເວນຍາມ DK1, ທ່ານພັນເອກພິເສດ ເຈີ່ນແມ້ັງຈ໊ຽນ, ຫົວໜ້າການເມືອງ ກອງບັນຊາການທະຫານເຮືອເຂດ 2 ໄດ້ມອບໜ້າທີ່ ແລະມອບຊໍ່ດອກໄມ້ໃຫ້ແກ່ຫົວໜ້າຄະນະ 2 ຄົນ ແລະ ເນັ້ນໜັກວ່າ: “ນີ້ແມ່ນກໍາປັ່ນຖ້ຽວທໍາອິດໃນລະດູບານໃໝ່ ເຊິ່ງນຳເອົາຄວາມອົບອຸ່ນ, ຂອງຂວັນຈາກກອງທັບ ແລະປະຊາຊົນທ່ົວປະເທດ, ພີ່ນ້ອງຮ່ວມຊາດຢູ່ຕ່າງປະເທດມອບໃຫ້ພະນັກງານ, ນັກຮົບທີ່ປະຕິບັດໜ້າທີ່ຢູ່ເຂດດ່ານໜ້າທີ່ປະເຊີນໜ້າກັບຄື້ນທະເລ, ພາຍຸລົມແດງ. ການເດີນທາງຄັ້ງນີ້ຈະປະສົບກັບຄວາມລຳບາກຫຼາຍ, ຄື້ນທະເລໃຫຍ່ ແລະມີລົມພັດແຮງ, ແຕ່ສິນຄ້າ ແລະຂອງຂວັນຕ້ອງສົ່ງໄປເຖິງພະນັກງານ, ນັກຮົບຢູ່ຮ້ານເວນຍາມ. ອວຍພອນໃຫ້ບັນດາສະຫາຍຈົ່ງເດີນທາງອອກສູ່ທະເລ ດ້ວຍສະຫວັດດີພາບ, ປະຕິບັດສໍາເລັດໜ້າທີ່ ແລະກັບຄືນສູ່ເຂດດິນຕໍ່ແຜ່ນຢ່າງປອດໄພ”.
    |
 |
|
ນັກຂ່າວ ມອບຜ້າພັນຄໍໃຫ້ນັກຮົບ ຮີ່ງມິງຍືດ ກ່ອນທີ່ກໍາປັ່ນຈະອອກເດີນທາງ. ພາບ: ນາມຖັ໊ງ |
ລະດົມກໍາລັງໃຈນັກຮົບໜຸ່ມ ເປັນຄັ້ງທໍາອິດທີ່ອອກເດີນທາງທະເລ ແລະຕ້ອນຮັບບຸນປີໃໝ່ປະຈຳຊາດຢູ່ທະເລ, ທ່ານພັນເອກພິເສດ ໂດ໊ຮົ່ງຢວຽນ, ຮອງຫົວໜ້າການເມືອງກອງບັນຊາທະຫານເຮືອເຂດ 2 ໄດ້ຈັບມືລະດົມກໍາລັງໃຈນັກຮົບແຕ່ລະຄົນ ຈົ່ງປະຕິບັດສໍາເລັດໜ້າທີ່ຂອງນັກຮົບຢູ່ຮ້ານເວນຍາມ DK1.
ທ່ານຮ້ອຍເອກພິເສດ ຫງວຽນດັງເກື່ອງ, ກັບຕັນກໍາປັ່ນ ເຈື່ອງຊາ 02 ໃຫ້ຮູ້ວ່າ ທາງກໍາປັ່ນມີແຜນການສົ່ງສິນຄ້າ, ຂອງຂວັນບຸນເຕັດ ໃຫ້ຮ້ານເວນຍາມ DK1 ແຫ່ງຕ່າງໆ. ຖ້າປະສົບກັບຄື້ນທະເລໃຫຍ່ ຫຼື ລົມພັດແຮງ, ສິນຄ້າ ແລະຂອງຂວັນບຸນເຕັດ ຈະໃຊ້ເຊືອກມັດດຶງຂຶ້ນໄປ. ເຖິງວ່າຈະຫຍຸ້ງຍາກລໍາບາກປານໃດກໍຕາມ, ເຄື່ອງຂອງ ແລະຂອງຂວັນບຸນເຕັດກໍຕ້ອງໄດ້ມອບໃຫ້ເຖິງມືພະນັກງານ, ນັກຮົບ.
ນັກຮົບໜຸ່ມຕັດສິນໃຈປະຕິບັດໜ້າທີ່ໃຫ້ສໍາເລັດ
ໃນການເດີນທາງຂົນສ່ົງສິນຄ້າ, ຂອງຂວັນໄປໃຫ້ຮ້ານເວນຍາມ DK1 ໃນຄັ້ງນີ້, ມີນັກຮົບໜຸ່ມຫຼາຍຄົນທີ່ມາຈາກສູນຝຶກແອບທະຫານເຮືອເຂດ 2 ທີ່ຫາກໍ່ໄດ້ຮັບການບັນຈຸຂຶ້ນກັບກອງພັນ DK1.
ເປັນຄັ້ງທຳອິດທີ່ຕ້ອນຮັບລະດູບານໃໝ່ຢູ່ທະເລ, ນັກຮົບແຕ່ລະຄົນລ້ວນແຕ່ມີສະພາບຈິດໃຈ, ຄວາມຮູ້ສຶກຕື່ນເຕັ້ນທີ່ແຕກຕ່າງກັນ, ແຕ່ມີຈຸດປະສົງອັນດຽວກັນນັ້ນແມ່ນຕັດສິນໃຈຝຶກແອບກຽມພ້ອມສູ້ຮົບ, ເດັດດ່ຽວປົກປັກຮັກສາອະທິປະໄຕເຂດທະເລໝູ່ເກາະທີ່ຮັກແພງຂອງປະເທດຊາດ ໃນຊຸມວັນບຸນເຕັດ.
|
|
 |
|
ປຶ້ມບັນທຶກປະຈໍາວັນ “ດັ້ງຖຸ່ຍເຈິມ” ຈະໄດ້ມອບໃຫ້ບັນດານັກຮົບໜຸ່ມຢູ່ຮ້ານເວນຍາມ DK1. ພາບ: ນາມຖັ໊ງ |
ມາຈາກແຂວງດົ່ງນາຍ, ສິບຕີ ຮີ່ງມິງຍືດ ແບ່ງປັນວ່າ: “ຢູ່ຫ່າງໄກຈາກເຂດດິນຕໍ່ແຜ່ນ, ຂ້າພະເຈົ້າ ຄິດຮອດພໍ່ແມ່, ແຕ່ຈະມານະພະຍາຍາມປະຕິບັດໜ້າທີ່ທີ່ໄດ້ຮັບມອບໝາຍໃຫ້ສຳເລັດ. ນີ້ແມ່ນຄັ້ງທຳອິດທີ່ ນ້ອງຕ້ອນຮັບບຸນເຕັດຢູ່ທະເລ, ຫ່າງໄກກັບຄອບຄົວ, ຄິດຮອດຄອບຄົວຫຼາຍ. ຂ້າພະເຈົ້າ ຢາກສົ່ງຄໍາອວຍພອນປີໃໝ່ໄປໃຫ້ພໍ່ແມ່. ພໍ່ແມ່ຢູ່ເຮືອນ ອຸ່ນອ່ຽນໃຈເດີ, ລູກຈະປະຕິບັດສໍາເລັດໜ້າທີ່ໃຫ້ເປັນຢ່າງດີ ແລະກັບຄືນກົມກອງ".
ໂດຍມີສະພາບຈິດໃຈດຽວກັນ ເປັນຄັ້ງທຳອິດທີ່ຕ້ອນຮັບບຸນເຕັດຫ່າງໄກຄອບຄົວ, ສິບໂທ ດິງໄທດຶກ ເລີ່ມທຳຄວາມລື້ງເຄີຍກັບກໍາປັ່ນ ແລະ ເພື່ອນຮ່ວມກົມກອງທີ່ລາວໄດ້ພົບກັນເປັນຄັ້ງທຳອິດ ແບ່ງປັນວ່າ: “ນີ້ແມ່ນການເດີນທາງໄປອອກທະເລຄັ້ງທໍາອິດຂອງນ້ອງ ແລະກໍເປັນຄັ້ງທຳອິດທີ່ ນ້ອງ ຈະໄດ້ຕ້ອນຮັບບຸນເຕັດຢູ່ທະເລ”. ນ້ອງ ຄິດຮອດຄອບຄົວ, ພໍ່ແມ່ ແລະຕື້ນຕັນໃຈ. ແຕ່ ນ້ອງ ຄິດວ່າ ໃນຊີວິດຂອງທະຫານເຮືອ, ບໍ່ມີຫຍັງທີ່ສວຍງາມໄປກວ່າການອຸທິດຊີວິດຊາວໜຸ່ມໃຫ້ແກ່ປະເທດຊາດ. ປົກປ້ອງເວນຍາມເຂດນ່ານຟ້າ, ນ່ານທະເລໃນຊຸມວັນບຸນເຕັດ ລະດູບານໃໝ່ວຽນມາ, ເຖິງວ່າຈະຫຍຸ້ງຍາກ, ແຕ່ນັ້ນກໍ່ແມ່ນຄວາມເປັນກຽດ”.
|
|
 |
|
ທ່ານພັນເອກພິເສດ ໂດ໊ຮົ່ງຢວຽນ, ຮອງຫົວໜ້າການເມືອງກອງບັນຊາການທະຫານເຮືອເຂດ 2 ລະດົມກຳລັງໃຈນັກຮົບໜຸ່ມກ່ອນທີ່ຈະອອກເດີນທາງ. ພາບ: ນາມຖັ໊ງ |
ຂອງຂວັນຂອງລະດູບານໃໝ່, ຈາກຄວາມຮັກແພງ ແລະຫົວໃຈ ຂອງກອງທັບ ແລະປະຊາຊົນທົ່ວປະເທດ ທີ່ສົ່ງມາໃຫ້ຈະເປັນກໍາລັງແຮງທາງດ້ານຈິດໃຈອັນໃຫຍ່ຫຼວງ, ລະດົມກໍາລັງໃຈໃຫ້ພະນັກງານ, ນັກຮົບຢູ່ເຂດດ່ານໜ້າທີ່ປະເຊີນໜ້າກັບຄື້ນທະເລ ແລະພາຍຸລົມແດງ ໃຫ້ມີຄວາມອຸ່ນອ່ຽນໃຈ, ເວນຍາມປົກປັກຮັກສາເຂດນ່ານຟ້າ, ນ່ານທະເລ ເພື່ອໃຫ້ປະຊາຊົນທົ່ວປະເທດໄດ້ຕ້ອນຮັບບຸນເຕັດຢ່າງສະຫງົບສຸກ.
ໂດຍ: ທູຈາງ