ປີ 2024, ຄະນະພັກທະຫານຊາຍແດນ ໄດ້ນຳພາ ແລະຊີ້ນຳປະຕິບັດໜ້າທີ່ຄົ້ນຄວ້າເປັນຢ່າງດີ, ກຳແໜ້ນ, ຕີລາຄາ ແລະຄາດຄະເນສະພາບການຢ່າງຖືກຕ້ອງ; ລາຍງານ ແລະສະເໜີໃຫ້ຄະນະພັກການທະຫານສູນກາງ, ການນຳກະຊວງປ້ອງກັນປະເທດ ເປັນເສນາທິການໃຫ້ພັກ, ລັດ ກ່ຽວກັບແຜນນະໂຍບາຍ, ມາດຕະການຄຸ້ມຄອງ, ປົກປັກຮັກສາອະທິປະໄຕຜືນແຜ່ນດິນ ແລະຊາຍແດນແຫ່ງຊາດຢ່າງໜັກແໜ້ນ.
    |
 |
|
ທ່ານພົນໂທ ຈິ້ງວັນກວຽດ ກ່າວຄໍາເຫັນທີ່ກອງປະຊຸມ. ພາບ: ຫວຽດຮ່າ |
ເສີມຂະຫຍາຍບົດບາດຫຼັກແຫຼ່ງ, ສະເພາະກິດໃຫ້ເປັນຢ່າງດີໃນການຄຸ້ມຄອງ, ປົກປັກຮັກສາ ແລະຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະຄວາມປອດໄພທາງສັງຄົມຢູ່ເຂດຊາຍແດນ; ຜັນຂະຫຍາຍມາດຕະການຕ້ານອາດຊະຍາກຳທຸກປະເພດຢ່າງມີປະສິດທິຜົນ, ໂດຍສະເພາະແມ່ນອາດຊະຍາກຳຢາເສບຕິດ, ການຄ້າມະນຸດ, ການຄ້າເຖື່ອນ, ການສໍ້ໂກງການຄ້າ. ສົມທົບກັບຄະນະພັກ, ອຳນາດການປົກຄອງ ແລະບັນດາກຳລັງປະຕິບັດວຽກງານປ້ອງກັນຊາຍແດນຢ່າງມີປະສິດທິຜົນ; ກໍ່ສ້າງລະບົບການເມືອງຮາກຖານ; ພັດທະນາເສດຖະກິດ-ສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ. ເປັນເຈົ້າການໃນການເປັນເສນາທິການ ແລະຜັນຂະຫຍາຍປະຕິບັດວຽກງານການຕ່າງປະເທດດ້ານປ້ອງກັນຊາດ, ການຕ່າງປະເທດດ້ານປ້ອງກັນຊາຍແດນ ແລະການທູດປະຊາຊົນຢ່າງມີປະສິດທິຜົນ.
ກ່າວຄຳເຫັນຊີ້ນຳກອງປະຊຸມ, ທ່ານພົນໂທ ຈິ້ງວັນກວຽດ ໄດ້ຍ້ອງຍໍຊົມເຊີຍບັນດາໝາກຜົນ ແລະຜົນງານທີ່ກອງບັນຊາການທະຫານຊາຍແດນ ບັນລຸໄດ້ໃນປີ 2024. ເນັ້ນໜັກວ່າ ປີ 2025 ແມ່ນປີທີ່ມີຄວາມໝາຍສຳຄັນເປັນພິເສດ, ແມ່ນປີທີ່ດຳເນີນກອງປະຊຸມໃຫຍ່ຂອງພັກທຸກຂັ້ນ ມຸ່ງໄປເຖິງກອງປະຊຸມໃຫຍ່ອົງຄະນະພັກກອງທັບຄັ້ງທີ XII, ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກ ແລະມີເຫດການສຳຄັນຕ່າງໆຂອງປະເທດ... ທ່ານພົນໂທ ຈິ້ງວັນກວຽດ ຫວັງວ່າ: ຄະນະພັກ ແລະກອງບັນຊາການທະຫານຊາຍແດນ ຈະສືບຕໍ່ຍົກສູງການຕັດສິນໃຈ, ເດັດດ່ຽວຂ້ຽວຂາດ, ເປັນເຈົ້າການແກ້ໄຂຄວາມຫຍຸ້ງຍາກ, ປະຕິບັດສຳເລັດທຸກໜ້າທີ່ວຽກງານທັງວຽກປົກກະຕິ ແລະກະທັນຫັນ. ປະຕິບັດວຽກງານເປັນເສນາທິການໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ ກ່ຽວກັບແຜນນະໂຍບາຍ, ມາດຕະການຄຸ້ມຄອງ, ປົກປັກຮັກສາອະທິປະໄຕຜືນແຜ່ນດິນ, ຮັກສາຄວາມສະຫງົບຢູ່ເຂດຊາຍແດນແຫ່ງຊາດ. ເສີມຂະຫຍາຍບົດບາດຫຼັກແຫຼ່ງໃຫ້ເປັນຢ່າງດີໃນການສ້າງພື້ນຖານປ້ອງກັນຊາຍແດນທົ່ວປວງຊົນ, ທ່າສະໜາມປ້ອງກັນຊາຍແດນທົ່ວປວງຊົນຢ່າງໝັ້ນຄົງເຂັ້ມແຂງ.
|
|
 |
|
ບັນຍາກາດທີ່ກອງປະຊຸມ. ພາບ: ຫວຽດຮ່າ |
ສືບຕໍ່ຕໍ່ສູ້ສະກັດກັ້ນ ແລະຕ້ານອາດຊະຍາກຳປະເພດຕ່າງໆຢ່າງມີປະສິດທິຜົນ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ; ຕັ້ງໜ້າເຂົ້າຮ່ວມການກໍ່ສ້າງ, ປັບປຸງລະບົບການເມືອງຮາກຖານ, ຂະບວນການ ແລະໂຄງການຊ່ວຍເຫຼືອປະຊາຊົນລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ພັດທະນາເສດຖະກິດ - ສັງຄົມຢູ່ເຂດຊາຍແດນ. ເປັນເຈົ້າການໃນການເປັນເສນາທິການໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດຜັນຂະຫຍາຍປະຕິບັດວຽກງານຮ່ວມມືສາກົນ, ການຕ່າງປະເທດດ້ານປ້ອງກັນຊາດ, ການຕ່າງປະເທດດ້ານປ້ອງກັນຊາຍແດນຢ່າງມີປະສິດທິຜົນ; ຮັກສາການປະຕິບັດກົດລະບຽບສົມທົບກັນຢ່າງມີປະສິດທິຜົນລະຫວ່າງຄະນະພັກທະຫານຊາຍແດນກັບຄະນະພັກແຂວງ, ນະຄອນໃນການຊີ້ນໍາ ນຳພາວຽກງານຊາຍແດນ... ປະກອບສ່ວນກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ການຮ່ວມມື ແລະພັດທະນາ. ສຸມໃສ່ກໍ່ສ້າງອົງຄະນະພັກໃຫ້ປອດໃສ, ໝັ້ນຄົງເຂັ້ມແຂງດ້ານການເມືອງ, ແນວຄິດ, ຄຸນສົມບັດ, ການຈັດຕັ້ງ ແລະພະນັກງານ. ປະຕິບັດຕາມຫຼັກການຈັດຕັ້ງ ແລະການເຄື່ອນໄຫວຂອງພັກຢ່າງເຂັ້ມງວດ; ຍົກສູງຄຸນນະພາບ ແລະປະສິດທິຜົນວຽກງານກວດກາ, ຕິດຕາມກວດກາ ແລະລະບຽບວິໄນຂອງພັກ. ຕັ້ງໜ້າກະກຽມ ແລະຈັດຕັ້ງກອງປະຊຸມໃຫຍ່ຂອງພັກທຸກຂັ້ນໄລຍະ 2025-2030 ໃຫ້ສຳເລັດຢ່າງຈົບງາມ...
ໂດຍ: ໄຊນີດາ