ທ່ານພົນໂທ ຮວ່າງຊວນຈຽນ, ກໍາມະການສູນກາງພັກ, ຄະນະປະຈໍາຄະນະພັກການທະຫານສູນກາງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະປະຕິບັດງານລະຫວ່າງຂະແໜງການ, ຫົວໜ້າຄະນະຊີ້ນໍາກະຊວງປ້ອງກັນປະເທດກ່ຽວກັບການເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ, ເປັນປະທານພິທີ. 

ບັນດານາຍທະຫານ ທີ່ຈະໄປປະຕິບັດໜ້າທີ່ໃນຄັ້ງນີ້ແມ່ນພະນັກງານ, ນາຍທະຫານທີ່ດີເດັ່ນ, ໄດ້ຮັບການຄັດເລືອກຈາກເຫຼົ່າທັບເຮືອ, ເຫຼົ່າທັບປ້ອງກັນອາກາດ-ທະຫານອາກາດ, ເຫຼົ່າຮົບສື່ສານ, ກອງບັນຊາການທະຫານນະຄອນຫຼວງຮ່າໂນ້ຍ, ວິທະຍາຄານການເມືອງ ແລະໂຮງຮຽນນາຍທະຫານບົກ. ນາຍທະຫານ 8 ຄົນ ລ້ວນແຕ່ໄດ້ຮັບການຝຶກຊ້ອມຢ່າງມີແບບມີແຜນ, ຮັບປະກັນຕອບສະໜອງໄດ້ຕາມຄວາມຮຽກຮ້ອງຕ້ອງການຂອງ ສປຊ ກໍ່ຄືກະຊວງປ້ອງກັນປະເທດ ເພື່ອປະຕິບັດໜ້າທີ່ຮັກສາສັນຕິພາບ.

leftcenterrightdel
ທ່ານພົນໂທ ຮວ່າງຊວນຈຽນ ມອບຂໍ້ຕົກລົງຂອງປະທານປະເທດ ໃຫ້ບັນດານາຍທະຫານ. ພາບ: ຕວນຮຸຍ.

ຊົມເຊີຍບັນດາພະນັກງານທີ່ກຽມໄປປະຕິບັດໜ້າທີ່, ທ່ານພົນໂທ ຮວ່າງຊວນຈຽນ ຖືວ່າ, ບໍ່ວ່າດຳລົງຕໍາແໜ່ງໃດ, ພະນັກງານຕ້ອງປະຕິບັດໜ້າທີ່ຂອງຕົນ, ສົມເປັນທູດສັນຕິພາບຂອງຫວຽດນາມ; ປະກອບສ່ວນໂຄສະນາເຜີຍແຜ່ຄຸນສົມບັດ, ທາດແທ້ອັນດີງາມຂອງທະຫານລຸງໂຮ່ ກໍຄືພາບພົດຂອງປະເທດຊາດ, ປະຊາຊົນຫວຽດນາມ; ຮຽກຮ້ອງໃຫ້ນາຍທະຫານຮັບປະກັນຄວາມປອດໄພຢ່າງເດັດຂາດໃນຂະນະທີ່ປະຕິບັດໜ້າທີ່ໃນບໍລິເວນ, ເພາະວ່າສະພາບຄວາມໝັ້ນຄົງແມ່ນສັບສົນທີ່ສຸດ, ບໍ່ສາມາດຄາດຄະເນໄດ້; ສະແດງໃຫ້ເຫັນທາດແທ້, ກໍາລັງຄວາມສາມາດດ້ານວິຊາສະເພາະຕໍ່ໜ້າເພື່ອນຮ່ວມງານສາກົນດ້ວຍຄວາມໝັ້ນໃຈ.

ແບ່ງປັນ, ລະດົມກຳລັງໃຈນາຍທະຫານທີ່ໄດ້ຮັບຂໍ້ຕົກລົງໃນຄັ້ງນີ້ ເພື່ອໄປປະຕິບັດງານໃນບໍລິເວນກ່ອນບຸນເຕັດ, ທ່ານພົນໂທ ຮວ່າງຊວນຈຽນ ຮຽກຮ້ອງບັນດາອົງການ, ກົມກອງປະຕິບັດໜ້າທີ່ເປັນຢ່າງດີໃນການກະກຽມງານບຸນລະດູບານໃໝ່, ຕ້ອນຮັບບຸນເຕັດໃຫ້ແກ່ກຳລັງຮັກສາສັນຕິພາບທີ່ຈະໄປປະຕິບັດໜ້າທີ່ຢູ່ຫ່າງໄກຈາກປະເທດຊາດ; ກະກຽມລາຍການໂທລະພາບເຊື່ອມຕໍ່ພາຍໃນປະເທດກັບບັນດາທ້ອງຖິ່ນ ກໍ່ຄືການເຄື່ອນໄຫວຕ້ອນຮັບບຸນປີໃໝ່ປະຈຳຊາດຢູ່ບັນດາຄະນະປະຕິບັດງານ.

ໂດຍ: ຈາງຫງວຽນ