ກະສັດແບນຊິກ ແລະພະມະເຫສີ ໄປຢ້ຽມຢາມ ແລະເຮັດວຽກຢູ່ ກວາງນິງ
ກວາງນິງ ແມ່ນທ້ອງຖິ່ນມີຄວາມສາມາດບົ່ມຊ້ອນຫຼາຍຢ່າງ, ມີທ່າແຮງຢ່າງໃຫຍ່ຫຼວງ, ສ້າງໂອກາດຮ່ວມມືໃໝ່ລະຫວ່າງບັນດາປະເທດເອີລົບ ເວົ້າລວມ ແລະແບນຊິກ ເວົ້າສະເພາະ.
    |
 |
|
ກະສັດ ແບນຊິກ Philippe ກ່າວຄຳເຫັນທີ່ການເຮັດວຽກ. ພາບ: ສໍານັກຂ່າວສານຫວຽດນາມ |
ວັນທີ 2 ເມສາ, ກະສັດ ແບນຊິກ Philippe ແລະພະມະເຫສີ Mathilde ພ້ອມກັບຄະນະຜູ້ແທນໄດ້ໄປຢ້ຽມຢາມ, ເຮັດວຽກຢູ່ແຂວງ ກວາງນິງ. ຢູ່ທີ່ນີ້, ກະສັດ ແບນຊິກ Philippe ຖືວ່າ, ກວາງນິງ ແມ່ນທ້ອງຖິ່ນທີ່ມີຄວາມສາມາດບົ່ມຊ້ອນຫຼາຍຢ່າງ, ມີທ່າແຮງຢ່າງໃຫຍ່ຫຼວງ, ສ້າງໂອກາດຮ່ວມມືໃໝ່ລະຫວ່າງບັນດາປະເທດເອີລົບ ເວົ້າລວມ ແລະແບນຊິກ ເວົ້າສະເພາະ. ກະສັດ ແບນຊິກ ສະເໜີໃຫ້ແຂວງກວາງນິງ ສ້າງເງື່ອນໄຂສະດວກເພື່ອໃຫ້ວິສາຫະກິດແບນຊິກ ມີໂອກາດຮ່ວມມື້, ລົງທຶນ, ໂດຍສະເພາະແມ່ນໃນການພັດທະນາ logistics ແລະທ່າກຳປັ່ນ.
ສ່ວນທ່ານເລຂາຄະນະພັກແຂວງກວາງນິງ ຫວູດ້າຍທັງ ໃຫ້ຮູ້ວ່າ, ທາງແຂວງຍາມໃດກໍ່ຖືເປັນສຳຄັນ ແລະປາດຖະໜາຢາກຊຸກຍູ້, ເປີດກວ້າງການພົວພັນຮ່ວມມືຢ່າງເລິກເຊິ່ງ, ກວ້າງຂວາງກັບບັນດາທ້ອງຖິ່ນ ແລະຄູ່ຮ່ວມມືແບນຊິກ, ໂດຍສະເພາະແມ່ນໃນຂົງເຂດທີ່ແບນຊິກ ມີທ່າແຮງ, ຄື: ອຸດສາຫະກຳປຸງແຕ່ງຜະລິດ, ອຸດສາຫະກຳການຢາ, ລົດໂອໂຕ, ການລົງທຶນພັດທະນາພື້ນຖານໂຄງລ່າງເຂດອຸດສາຫະກຳ…
ຂ່າວ: ວິທະຍຸກະຈາຍສຽງຫວຽດນາມ