ທີ່ການຕ້ອນຮັບ, ທ່ານ ບຸ່ຍແທງເຊີນ ຢືນຢັນວ່າ ຫວຽດນາມ ຍາມໃດກໍ່ຖືເປັນສໍາຄັນການພົວພັນມິດຕະພາບ ແລະການຮ່ວມມືຫຼາຍດ້ານກັບແບນຊິກ; ຕີລາຄາສູງຄວາມໝາຍຂອງການຢ້ຽມຢາມຫວຽດນາມ ຂອງເຈົ້າຊີວິດ ແລະພະມະເຫສີ ແຫ່ງ ລາຊະອານາຈັກແບນຊິກ ແຕ່ວັນທີ 31 ມີນາ ຫາວັນທີ  4 ເມສາ. ນີ້ແມ່ນການແລກປ່ຽນຄະນະຜູ້ແທນຂັ້ນປະມຸກລັດທໍາອິດລະຫວ່າງສອງປະເທດໃນ 50 ກວ່າປີນັບແຕ່ເມື່ອຫວຽດນາມ ແລະ ແບນຊິກ ສ້າງຕັ້ງການພົວພັນທາງການທູດ.

ທ່ານ ບຸ່ຍແທງເຊີນ ສະແດງຄວາມຂອບໃຈຕໍ່ເລື່ອງແບນຊິກ ແມ່ນປະເທດທຳອິດທີ່ຮັບຮອງເອົາມະຕິສະໜັບສະໜູນຜູ້ປະສົບເຄາະຮ້າຍຈາກທາດພິດສີສົ້ມຢູ່ຫວຽດນາມ, ປະກອບສ່ວນຍົກສູງຄວາມຮັບຮູ້ຂອງປະຊາຄົມສາກົນກ່ຽວກັບໄພນາບຂູ່ຈາກອາວຸດເຄມີ.

leftcenterrightdel
ທ່ານ ບຸ່ຍແທງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຕ້ອນຮັບທ່ານ Maxime Prevot ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ, ບັນດາບັນຫາເອີລົບ ແລະການຮ່ວມມືພັດທະນາແບນຊິກ. ພາບ: mofa.gov.vn

ທ່ານ ບຸ່ຍແທງເຊີນ ເນັ້ນໜັກເຖິງຄວາມສຳຄັນຂອງການຜັນຂະຫຍາຍຢ່າງມີປະສິດທິຜົນ ແລະຍາດແຍ່ງກາລະໂອກາດອັນໃຫຍ່ຫຼວງຈາກສັນຍາການຄ້າເສລີຫວຽດນາມ - ອີຢູ (EVFTA); ສະເໜີຝ່າຍແບນຊິກ ໃຫ້ສັດຕະຍາບັນສັນຍາປົກປ້ອງການລົງທຶນຫວຽດນາມ - ອີຢູ (EVIPA) ໂດຍໄວ.

ສ່ວນທ່ານ Maxime Prevot ຢືນຢັນວ່າ ຫວຽດນາມ ເປັນຄູ່ຮ່ວມມືບຸລິມະສິດແຖວໜ້າຂອງແບນຊິກ ໃນພາກພື້ນ ອາຊີ - ປາຊີຟິກ; ເນັ້ນໜັກເຖິງຄວາມສຳຄັນຂອງການເພີ່ມທະວີການຮ່ວມມືລະຫວ່າງສອງປະເທດ, ພິເສດແມ່ນໃນສະພາບການໂລກມີການຫັນປ່ຽນຢ່າງວ່ອງໄວ; ຢືນຢັນຈະຮ່ວມເດີນທາງ ແລະໜູນຊ່ວຍຫວຽດນາມ ຜັນຂະຫຍາຍມະຕິໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມຢູ່ຫວຽດນາມ.

ສອງຝ່າຍກໍ່ເນັ້ນໜັກວ່າ ຄວນຊຸກຍູ້ການຮ່ວມມືບໍ່ພຽງແຕ່ໃນຂົງເຂດ, ຄື: ການຄ້າ, ການລົງທຶນ, ການສຶກສາ, ບຳລຸງສ້າງ... ຫາກຍັງໃນຂົງເຂດອື່ນໆ, ຄື: ການປ້ອງກັນຊາດ, ເຕັກໂນໂລຢີສູງ, ຈີບ ເຊມິຄອນດັກເຕີ, ນະວັດຕະກຳ, ການຫັນປ່ຽນພະລັງງານ, ການບຳລຸງສ້າງແຫຼ່ງຊັບພະຍາກອນມະນຸດໃນຂົງເຂດເຄິ່ງຊັກນໍາໄຟຟ້າ.

ໂດຍ: ທູຈາງ