ກອງປະຊຸມໃຫຍ່ ຄັ້ງທີ XIII ຂອງພັກກອມມູນິດຫວຽດນາມ ດໍາເນີນວາລະຈັດກຽມ
ກປ.ອອນໄລ - ຕອນເຊົ້າວັນທີ 25 ມັງກອນ, ທີ່ຫໍປະຊຸມແຫ່ງຊາດໝີ໊ດິ່ງ (ຮ່າໂນ້ຍ), ບັນດາຜູ້ແທນເຂົ້າຮ່ວມກອງປະຊຸມໃຫຍ່ ຄັ້ງທີ XIII ຂອງພັກກອມມູນິດຫວຽດນາມ ໄດ້ດໍາເນີນວາລະຈັດກຽມ.
ຈໍານວນຜູ້ແທນເຂົ້າຮ່ວມກອງປະຊຸມທັງໝົດແມ່ນ 1.587 ຄົນ ທີ່ຕາງໜ້າໃຫ້ສະມາຊິກພັກ 5,1 ຄົນໃນທົ່ວປະເທດ. ກອງປະຊຸມຈັດກຽມໄດ້ຮັບຮອງເອົາລາຍການເຮັດວຽກຂອງວາລະຈັດກຽມ, ກົດລະບຽບເຮັດວຽກ, ລາຍການເຮັດວຽກ, ກົດລະບຽບການເລືອກຕັ້ງກອງປະຊຸມໃຫຍ່ ຄັ້ງທີ XIII ແລະບົດລາຍງານກວດກາຖານະນາມຂອງຜູ້ແທນ; ດໍາເນີນການເລືອກຕັ້ງຄະນະປະທານ, ຄະນະເລຂາ, ຄະນະກວດກາຖານະນາມຂອງຜູ້ແທນ.
ພາຍຫຼັງວາລະຈັດກຽມ, ບັນດາຜູ້ແທນໄດ້ດໍາເນີນການຄົ້ນຄວ້າເອກະສານກອງປະຊຸມໃຫຍ່ ສະບັບຕ່າງໆ, ລວມມີບົດລາຍງານຂອງຄະນະບໍລິຫານງານສູນກາງພັກ ສະໄໝທີ XII ກ່ຽວກັບບັນດາເອກະສານກອງປະຊຸມໃຫຍ່ ຄັ້ງທີ XIII, ບົດລາຍງານທົບທວນຄືນການຊີ້ນໍານໍາພາຂອງສູນກາງພັກ ຊຸດທີ XII...
|
|
ບັນດາການນໍາພັກ, ລັດ ພ້ອມກັບຜູ້ແທນເຂົ້າຮ່ວມກອງປະຊຸມໃຫຍ່ ຄັ້ງທີ XIII ຂອງພັກວາງພວງມາລາ ແລະເຂົ້າສຸ້ສານໄວ້ອາໄລປະທານໂຮ່ຈີມິນ. ພາບ: qdnd.vn. |
|
|
ຄະນະຜູ້ແທນກອງທັບເຂົ້າຮ່ວມກອງປະຊຸມໃຫຍ່ ຄັ້ງທີ XIII ຂອງພັກ ວາງພວງມາລາ ແລະເຂົ້າສຸ້ສານໄວ້ອາໄລປະທານໂຮ່ຈີມິນ. ພາບ: qdnd.vn. |
ກ່ອນທີ່ໄຂວາລະຈັດກຽມ, ບັນດາການນໍາພັກ, ລັດ ແລະຜູ້ແທນເຂົ້າຮ່ວມກອງປະຊຸມໃຫຍ່ຜູ້ແທນທ່ົວປະເທດ ຄັ້ງທີ XIII ຂອງພັກ ໄດ້ວາງພວງມາລາ, ເຂົ້າສຸ້ສານໄວ້ອາໄລປະທານໂຮ່ຈີມິນ.
|
|
ບະບວນລົດຂອງຜູ້ແທນ ໄປສູ່ຫໍປະຊຸມແຫ່ງຊາດໝີ໊ດິ່ງ (ຮ່າໂນ້ຍ). |
ວັນທີ 26 ມັງກອນ, ກອງປະຊຸມໃຫຍ່ ຄັ້ງທີ XIII ຂອງພັກ ຈະໄຂຂຶ້ນຢ່າງເປັນທາງການ.
ໂດຍ: ທູຈາງ