ຫວຽດນາມ ເປັນປະທານກອງປະຊຸມ ຄັ້ງທີ 14 ຂອງຄະນະກຳມະການລົງທຶນ, ວິສາຫະກິດ ແລະພັດທະນາຂອງ UNCTAD
ກປ.ອອນໄລ - ຫວ່າງແລ້ວນີ້, ທີ່ນະຄອນ ເຈນີວາ, ປະເທດສະວິດ, ໄດ້ໄຂກອງປະຊຸມ ຄັ້ງທີ 14 ຂອງຄະນະກຳມະການລົງທຶນ, ວິສາຫະກິດ ແລະພັດທະນາໃນຂອບເຂດກອງປະຊຸມສະຫະປະຊາຊາດກ່ຽວກັບການຄ້າ ແລະການພັດທະນາ (UNCTAD), ດ້ວຍການເຂົ້າຮ່ວມ ຂອງຜູ້ຕາງໜ້າບັນດາປະເທດສະມາຊິກ, ອົງການວິຊາການ, ອົງການລະຫວ່າງລັດຖະບານ, ອົງການສົ່ງເສີມການລົງທຶນ ແລະອົງການຈັດຕັ້ງທີ່ບໍ່ຂຶ້ນກັບລັດຖະບານ.
    |
 |
|
ທ່ານເອກອັກຄະລັດຖະທູດ ມາຍຟານຢຸງ (ແຖວກາງ, ແຖວໜ້າ) ເປັນປະທານກອງປະຊຸມ ຄັ້ງທີ 14 ຂອງຄະນະກຳມະການລົງທຶນ, ວິສາຫະກິດ ແລະພັດທະນາໃນຂອບເຂດ UNCTAD. ພາບ: ສໍານັກຂ່າວສານຫວຽດນາມ |
ພາຍໃຕ້ການເປັນປະທານຂອງທ່ານເອກອັກຄະລັດຖະທູດ ມາຍຟານຢຸງ, ບັນດາຜູ້ແທນໄດ້ປຶກສາຫາລື ແລະສະເໜີຫຼາຍມາດຕະການລະອຽດ ດ້ວຍບັນດາເນື້ອໃນ, ຄື: ການພັດທະນາຫຼ້າສຸດກ່ຽວກັບທ່າອ່ຽງ ແລະນະໂຍບາຍໃນຂົງເຂດລົງທຶນ, ວິສາຫະກິດ ແລະວິທະຍາສາດເຕັກໂນໂລຢີໃຫ້ແກ່ການພັດທະນາ; ພຶດຕິກຳຕົວຈິງດີທີ່ສຸດໃນການປະຕິບັດນະໂຍບາຍໜູນຊ່ວຍການດຳເນີນທຸລະກິດ ແລະການລົງທຶນ ແນໃສ່ໜູນຊ່ວຍການພັດທະນາແບບຍືນຍົງ, ກໍ່ຄືທິດທາງພັດທະນາໃນການນໍາໃຊ້ເຄື່ອງມືໜູນຊ່ວຍການລົງທຶນ ແລະການດຳເນີນທຸລະກິດເຕັກນິກດີຈີຕອນ ເພື່ອພັດທະນາການເຄື່ອນໄຫວຂອງລັດຖະບານເອເລັກໂຕນິກ ຢ່າງກວ້າງຂວາງ...
ເລື່ອງ ຫວຽດນາມ ໄດ້ຮັບເລືອກຕັ້ງເປັນປະທານກອງປະຊຸມຄັ້ງທຳອິດໃນຂອບເຂດ UNCTAD ໄດ້ສະແດງໃຫ້ເຫັນການຕີລາຄາສູງຂອງອົງການນີ້ ແລະບັນດາປະເທດສະມາຊິກທີ່ມີຕໍ່ນະໂຍບາຍ ແລະຜົນງານໃນການດຶງດູດການລົງທຶນ, ພັດທະນາແບບຍືນຍົງຂອງຫວຽດນາມ ໃນຊຸມປີຜ່ານມາ, ພິເສດແມ່ນບັນດາຂົງເຂດບຸລິມະສິດຂອງຫວຽດນາມ, ຄື: ການຫັນປ່ຽນດີຈີຕອນ, ການຫັນປ່ຽນສີຂຽວ, ວິທະຍາສາດ-ເຕັກໂນໂລຢີ, ປັນຍາປະດິດ... ນີ້ກໍ່ແມ່ນໂອກາດເພື່ອໃຫ້ຫວຽດນາມ ສະແດງໃຫ້ເຫັນບົດບາດຕັ້ງໜ້າ, ເປັນເຈົ້າການຂອງຕົນ ທີ່ UNCTAD ເວົ້າສະເພາະ ແລະຢູ່ເວທີປາໄສສາກົນອື່ນໆຂອງສະຫະປະຊາຊາດ ເວົ້າລວມ.
ໂດຍ: ເຈິ່ນຮວ່ຽນ