ກອງປະຊຸມລັດຖະມົນຕີການຕ່າງປະເທດອາຊຽນ ກັບ 3 ປະເທດອາຊີຕາເວັນອອກສ່ຽງເໜືອ
ກປ.ອອນໄລ - ໃນຂອບເຂດກອງປະຊຸມລັດຖະມົນຕີການຕ່າງປະເທດອາຊຽນ ຄັ້ງທີ 53 (AMM 53) ແລະບັນດາກອງປະຊຸມທີ່ກ່ຽວຂ້ອງ, ຕອນບ່າຍວັນທີ 9 ກັນຍາ, ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ເປັນປະທານຮ່ວມກອງປະຊຸມລັດຖະມົນຕີການຕ່າງປະເທດອາຊຽນ+3 (ກັບ ສ. ເກົາຫຼີ, ຈີນ ແລະຍີ່ປຸ່ນ) ຄັ້ງທີ 21.
ທີ່ກອງປະຊຸມລັດຖະມົນຕີການຕ່າງປະເທດອາຊຽນ+3 ຄັ້ງທີ 21, ດ້ວຍບົດບາດເປັນປະທານຮ່ວມພ້ອມກັບລັດຖະມົນຕີການຕ່າງປະເທດຈີນ, ຍີ່ປຸ່ນ ແລະ ສ. ເກົາຫຼີ, ທ່ານ ຟ້າມບິ່ງມິງ ໄດ້ແບ່ງປັນການຕີລາຄາລວມຂອງອາຊຽນ ກ່ຽວກັບການປະກອບສ່ວນຢ່າງຕັ້ງໜ້າຂອງກົນໄກຮ່ວມມືອາຊຽນ+3 ໃນໄລຍະຜ່ານມາ, ພິເສດແມ່ນໃນການນໍາປະເທດຕ່າງໆຜ່ານຜ່າວິກິດການໃນປະຫວັດສາດ; ທ່ານໃຫ້ຂໍ້ສັງເກດວ່າ ໄລຍະນີ້ແມ່ນຈຸດເວລາເພື່ອໃຫ້ກົນໄກອາຊຽນ+3 ໄດ້ພິສູດໃຫ້ເຫັນຄຸນຄ່າ ແລະກຳລັງຄວາມສາມາດໃນການຮັບມືກັບພະຍາດໂຄວິດ-19.
|
|
ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ເປັນປະທານກອງປະຊຸມລັດຖະມົນຕີການຕ່າງປະເທດອາຊຽນ+3 ຄັ້ງທີ 21. ພາບ: ສໍານັກຂ່າວສານຫວຽດນາມ. |
ທ່ານ ຟ້າມບິ່ງມິງ ສະເໜີໃຫ້ບັນດາປະເທດຈີນ, ຍີ່ປຸ່ນ, ສ. ເກົາຫຼີ ສືບຕໍ່ສົມທົບກັນພ້ອມກັບອາຊຽນ ໃນທ່າຮ່ວມມືທີ່ມີຢູ່ແລ້ວ, ຊຸກຍູ້ການຮ່ວມມືຢ່າງມີປະສິດທິຜົນໃນການຄວບຄຸມ ແລະຕ້ານພະຍາດ, ຫຼຸດຜ່ອນຜົນກະທົບ ແລະນໍາພາກພື້ນໃຫ້ຟື້ນຕົວແບບຍືນຍົງ.
ລັດຖະມົນຕີການຕ່າງປະເທດບັນດາປະເທດອາຊຽນ+3 ເຫັນດີເປັນເອກະພາບສືບຕໍ່ຜັນຂະຫຍາຍບັນດາຂໍ້ຕົກລົງຂອງການນໍາ ທີ່ກອງປະຊຸມສຸດຍອດສະໄໝພິເສດອາຊຽນ+3 ກ່ຽວກັບການຮັບມືກັບພະຍາດໂຄວິດ-19. ບັນດາລັດຖະມົນຕີກໍ່ໃຫ້ຄໍາໝັ້ນສັນຍາເພີ່ມທະວີການຮ່ວມມືໃນຂົງເຂດຄວາມໝັ້ນຄົງດ້ານສະບຽງອາຫານ ຜ່ານກອງທຶນສະສົມເຂົ້າສານສຸກເສີນອາຊຽນ+3 (APTERR), ຫັນປ່ຽນດີຈີຕອນ, ເຮັດໃຫ້ການເງິນ ແລະເສດຖະກິດໃນພາກພື້ນມີສະຖຽນລະພາບຜ່ານການຫັນຂໍ້ລິເລີ່ມຊຽງໃໝ່ (CMIM), ການແພດເປັນຫຼາຍຝ່າຍ… ບັນດາປະເທດຢັ້ງຢືນວ່າຈະຕັດສິນໃຈສິ້ນສຸດການເຈລະຈາສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ໂດຍໄວ, ເພີ່ມທະວີໜູນຊ່ວຍພັດທະນາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະກາງ.
ໂດຍ: ຈາງຫງວຽນ