ຈີນ, ອັງກິດ, ຝລັ່ງ ແລະ EC ຄັດຄ້ານນະໂຍບາຍພາສີອາກອນຂອງ ອາເມລິກາ
ໃນບົດກ່າວປາໄສທີ່ການຖະແຫຼງຂ່າວນັດສາມັນໃນວັນທີ 27 ມີນາ, ທ່ານ He Yadong ໂຄສົກກະຊວງການຄ້າ ຈີນ ຊີ້ແຈ້ງວ່າ ປັກກິ່ງ ຈະດຳເນີນການປະຕິບັດບັນດາລະບຽບການຕໍ່ໄປໃນເຫດຮ້ອງຟ້ອງອາເມລິກາ ຂຶ້ນອົງການການຄ້າໂລກ (WTO) ທີ່ກ່ຽວຂ້ອງເຖິງບັນດາລະດັບພາສີອາກອນເພີ່ມເຕີມ ຂອງອຳນາດການປົກຄອງທ່ານປະທານາທິບໍດີ Donald Trump ຕໍ່ສິນຄ້າຈີນ.
    |
 |
|
ພາບປະກອບ: THX/ສໍານັກຂ່າວສານຫວຽດນາມ |
ແລະກໍ່ໃນວັນດຽວກັນ, ຄະນະກຳມະການເອີລົບ (EC) ໃຫ້ຮູ້ວ່າ ອີຢູ ຈະກະກຽມການໂຕ້ຕອບຕໍ່ລະດັບພາສີໃໝ່ຂອງອາເມລິກາ ສຳລັບລົດໂອໂຕ ແລະເຄື່ອງອາໄຫຼ່ລົດໂອໂຕທີ່ນຳເຂົ້າ ໂດຍທ່ານປະທານາທິບໍດີ Trump ຫາກໍ່ປະກາດ. ທ່ານ Olof Gill ໂຄສົກຂອງ ອີຢູ ເນັ້ນໜັກວ່າ ເຖິງວ່າຍັງບໍ່ທັນຍົກອອກເວລາຢ່າງລະອຽດໃຫ້ແກ່ປະຕິກິລິຍາໂຕ້ຕອບຂອງ ອີຢູ ແຕ່ແນ່ນອນວ່າບັນດາມາດຕະການນີ້ຈະໄດ້ຍົກອອກມາຢ່າງທັນການ, ມີປະສິດທິຜົນ ແລະໄດ້ຮັບການຊັ່ງຊາຢ່າງລະອຽດເພື່ອແນໃສ່ບັນລຸໄດ້ຜົນກະທົບທີ່ ອີຢູ ປາດຖະໜາ.
ຢູ່ເອີລົບ, ທ່ານລັດຖະມົນຕີການເງິນຝລັ່ງ Eric Lombard ຖືນະໂຍບາຍພາສີອາກອນຂອງ ອາເມລິກາ ແມ່ນການຜັນແປທີ່ບໍດີທີ່ສຸດ. ທ່ານສະເໜີສະຫະພາບເອີລົບ (ອີຢູ) ຍົກລະດັບພາສີສຳລັບສິນຄ້ານຳເຂົ້າຈາກອາເມລິກາ ເພື່ອປົກປ້ອງຜົນປະໂຫຍດດ້ານເສດຖະກິດຂອງຕົນ.
ໃນຂະນະນັ້ນ, ທ່ານນາງ Rachel Reeves ລັດຖະມົນຕີກະຊວງການເງິນອັງກິດ ຢັ້ງຢືນວ່າ ປະເທດນີ້ບໍ່ຢາກມີບໍ່ວ່າການກະທຳໃດທີ່ຈະເຮັດໃຫ້ຄວາມເຄັ່ງຕຶງດ້ານການຄ້າເພີ່ມຂຶ້ນ. ທ່ານນາງ ເນັ້ນໜັກວ່າ ສົງຄາມການຄ້າບໍ່ມີຜົນປະໂຫຍດໃຫ້ບໍ່ວ່າຝ່າຍໃດ, ພ້ອມທັງກ່າວເຕືອນການເພີ່ມທະວີພາສີອາກອນ ຈະກໍ່ຜົນກະທົບຢ່າງຫຍໍ້ທໍ້ເຖິງທັງອັງກິດເທົ່ານັ້ນ ຫາກຍັງອາເມລິກາ ອີກດ້ວຍ.
ແຫຼ່ງຄັດຈາກ: vovworld.vn