ວັນບຸນວັດທະນະທໍາບັນດາເຜົ່າຫວຽດນາມ ປີ 2019
ກປ.ອອນໄລ - ວັນທີ 19 ເມສາ, ຢູ່ໝູ່ບ້ານວັດທະນະທໍາ-ທ່ອງທ່ຽວບັນດາເຜົ່າຫວຽດນາມ, ນະຄອນຮ່າໂນ້ຍ ໄດ້ດໍາເນີນພິທີໄຂວັນບຸນວັດທະນະທໍາບັນດາເຜົ່າຫວຽດນາມ ປີ 2019 ດ້ວຍຫົວຂໍ້ “ດົນຕີປະສານສຽງ”.
ດ້ວຍແນວຄວາມຄິດຖືດົນຕີເປັນຫຼັກ, ບັນດາລາຍການສິລະປະທີ່ເປັນເອກະລັກສະເພາະຂອງບັນດານັກສິລະປິນໃນພິທີໄຂໄດ້ສ້າງສະພາບແວດລ້ອມທີ່ເຂັ້ມຂຸ້ນໄປດ້ວຍສີສັນວັດທະນະທໍາບັນດາເຜົ່າອ້າຍນ້ອງ. ພາຍຫຼັງພິທີໄຂ, ຢູ່ເຂດບ້ານຊົນເຜົ່າເອເດ, ບັນດານັກສິລະປິນໄດ້ວາດພາບງານບຸນຄ້ອງຂອງຊົນເຜົ່າເອເດ. ໃນວັນດຽວກັນກໍ່ດໍາເນີນກອງປະຊຸມພົບປະສັງສັນກັບນັກສິລະປິນ ແລະບັນດາຜູ້ທີ່ມີການປະກອບສ່ວນຫຼາຍຢ່າງໃນວຽກງານອະນຸລັກຮັກສາ, ເສີມຂະຫຍາຍວັດທະນະທໍາບັນດາເຜົ່າສ່ວນໜ້ອຍເຂດພາກເໜືອ ແລະພາກກາງ.
|
|
ບັນດານັກສິລະປິນສະແດງຢູ່ພິທີໄຂວັນບຸນວັດທະນະທໍາບັນດາເຜົ່າຫວຽດນາມ. ພາບ: qdnd.vn. |
ວັນບຸນວັດທະນະທໍາບັນດາເຜົ່າຫວຽດນາມ ປີ 2019 ໄດ້ດໍາເນີນແຕ່ວັນທີ 19 ຫາວັນທີ 21 ເມສາ ດ້ວຍຫຼາຍກິດຈະກຳ, ຄື: ງານບຸນຄ້ອງ ແລະສະແດງທຳນອງໄຕງວຽນ “ສຽງຄ້ອງດັງກ້ອງກັງວານໄປທົ່ວ”; ວາງສະແດງ ແລະສະແດງ “ເຄື່ອງດົນຕີພື້ນເມືອງບັນດາເຜົ່າຫວຽດນາມ”...
ໂດຍ: ຄໍາແພງ