ໃນຍຸດທະສາດຊອກຫາຕະຫຼາດ, ການາດາ ໄດ້ຄັດເລືອກເອົາການຍູ້ແຮງການເຄື່ອນໄຫວຜະລິດ ແລະການຄ້າ ຢູ່ພາກພື້ນມະຫາສະໝຸດອິນເດຍ-ປາຊີຟິກ. ຍຸດທະສາດນີ້ແມ່ນອົງການພັດທະນາການສົ່ງອອກການາດາ (EDC) ພວມສຸມໃສ່ຜັນຂະຫຍາຍຢູ່ອາຊຽນ, ພິເສດແມ່ນຢູ່ບາງປະເທດ ທີ່ມີສັນຍາການຄ້າເສລີສອງຝ່າຍ ແລະຫຼາຍຝ່າຍກັບການາດາ, ໃນນັ້ນມີຫວຽດນາມ.

leftcenterrightdel
ການຜະລິດ, ຜະລິດສິ້ນສ່ວນເຫຼັກກ້າຂອງບໍລິສັດທີ່ມີເງິນລົງທຶນຂອງການາດາ ຢູ່ເຂດອຸດສາຫະກໍາ ດົງຊວຽນ, ແຂວງບ່າເຮ້ຍ-ຫວູງເຕົາ. ພາບປະກອບ: ສໍານັກຂ່າວສານຫວຽດນາມ.

ຫວຽດນາມ ແມ່ນໜຶ່ງໃນຫຼາຍປະເທດອາຊຽນທີ່ມີສັນຍາຄູ່ຮ່ວມມືຮອບດ້ານ ແລະກ້າວໜ້າຂ້າມປາຊີຟິກ (CPTPP) ກັບການາດາ ແລະພິເສດ, ຫວຽດນາມ ພວມໄດ້ຮັບຖືວ່າ ແມ່ນບ່ອນທີ່ສາມາດຮັບເອົາການລົງທຶນຜະລິດ ເພື່ອສົ່ງອອກຕໍ່ໄປຍັງຕະຫຼາດອື່ນຂອງການາດາ.

ໃຫ້ສໍາພາດຕໍ່ສື່ມວນຊົນ, ທ່ານນາງ ເຈິ່ນທູກວິ່ງ ທີ່ປຶກສາທູດດ້ານການຄ້າສະຖານທູດຫວຽດນາມ ປະຈໍາການາດາ ແບ່ງປັນວ່າ ບັນດາຜະລິດຕະພັນກະເສດຂອງຫວຽດນາມ ແລະການາດາ ມີການໜູນຊ່ວຍເພີ່ມເຕີມໃຫ້ກັນ, ບໍ່ມີລັກສະນະແກ່ງແຍ້ງກັນ ຍ້ອນມີການຮ່ວມສັນຍາການຄ້າເສລີກັບບັນດາປະເທດຫຼາຍສະບັບ ແລະພິເສດແມ່ນລະຫວ່າງສອງປະເທດມີສັນຍາ CPTPP. ນີ້ແມ່ນໂອກາດ ເພື່ອໃຫ້ວິສາຫະກິດສອງປະເທດ ສາມາດພ້ອມກັນຂຸດຄົ້ນຫຼັກການຕົ້ນກໍາເນີດສະສົມ, ຍົກສູງມູນຄ່າສ່ວນເກີນໃຫ້ແກ່ ການຜະລິດ ຜະລິດຕະພັນກະເສດ ໃນປັດຈຸບັນຂອງຫວຽດນາມ.

ໃນຂະນະນັ້ນ, ທ່ານ Nathan Adrew Nelson ຜູ້ອໍານວຍການນະວັດຕະກໍາມະຫາສະໝຸດອິນເດຍ-ປາຊີຟິກ ແລະເປັນຫົວໜ້າຜູ້ຕາງໜ້າຂອງ EDC ຢູ່ ຫວຽດນາມ ໃຫ້ຮູ້ວ່າ ໃນໄລຍະຈະມາເຖິງ, ການາດາ ຈະມີຫຼາຍບໍລິສັດມາລົງທຶນຢູ່ຫວຽດນາມ ຕື່ມອີກ ແລະນໍາໃຊ້ສະຖານທີ່ແຫ່ງນີ້ເປັນສູນຜະລິດ ແລະອາດຈະເປັນສູນປຸງແຕ່ງໃນຂົງເຂດສະບຽງອາຫານກະສິກໍາເພື່ອສົ່ງອອກໄປຍັງປະເທດທີສາມ.

ໂດຍ: ໄຊຊະນະ