ລາຍການ “ລະດູບານໃໝ່ເຂດຊາຍແດນ ສ້າງຄວາມອົບອຸ່ນໃຫ້ປະຊາຊົນ” ຢູ່ດັກນົງ

ທີ່ລາຍການ, ປະຊາຊົນໄດ້ຮັບຊົມລາຍການສະແດງສິລະປະທີ່ເຕັມໄປດ້ວນສີສັນວັດທະນະທໍາຊົນເຜົ່າ, ຍ້ອງຍໍສັນລະເສີນນໍ້າໃຈຮັກບ້ານເກີດເມືອງນອນ, ປະເທດຊາດທີ່ປ່ຽນແປງໃໝ່, ສ້າງບັນຍາກາດອັນເບີກບານມ່ວນຊື່ນຕ້ອນຮັບລະດູບານໃໝ່.

ປະຊາຊົນຈໍານວນຫຼວງຫຼາຍເຂົ້າຮ່ວມລາຍການ “ລະດູບານໃໝ່ເຂດຊາຍແດນສ້າງຄວາມອົບອຸ່ນໃຫ້ປະຊາຊົນ”. ພາບ: ວັນຮວ່ານ.

ບັນດາກົມກອງໃນກອງບັນຊາການທະຫານຊາຍແດນແຂວງດັກນົງ ມອບຂອງຂວັນໃຫ້ພວກນ້ອງນັກຮຽນ. ພາບ: ວັນຮວ່ານ.

ມອບຂອງຂວັນໃຫ້ປະຊາຊົນ. ພາບ: ວັນຮວ່ານ.

ໂອກາດນີ້, ຄະນະຈັດຕັ້ງໄດ້ມອບຂອງຂວັນຈໍານວນ 250 ພູດໃຫ້ຄອບຄົວທຸກຍາກ, ຄອບຄົວປະສົບກັບຄວາມຫຍຸ້ງຍາກ ແລະຄອບຄົວນະໂຍບາຍ, ນັກຮຽນທຸກຍາກ ລວມມູນຄ່າ 150 ລ້ານດົ່ງ; ມອບເຮືອນແຫ່ງຄວາມສາມັກຄີ 3 ຫຼັງ ໃຫ້ຄອບຄົວປະສົບກັບຄວາມຫຍຸ້ງຍາກພິເສດກ່ຽວກັບເຮືອນຢູ່, ດ້ວຍມູນຄ່າ 50 ລ້ານດົ່ງຕໍ່ຫຼັງ.

ໃນວັນດຽວກັນ ກໍໄດ້ດໍາເນີນຫຼາຍກິດຈະກໍາທີ່ແທດຈິງ, ມີຄວາມໝາຍ, ຄື: ກວດ, ໃຫ້ຄໍາປຶກສາສຸຂະພາບ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນ; ຈັດຕັ້ງວັນບຸນຫໍ່ເຂົ້າຕົ້ມ; ການລະຫຼິ້ນພື້ນເມືອງ, ຄື: ເຕັ້ນກະສອບ, ຕີໝູດິນ, ດຶງເຊືອກ...  ລວມມູນຄ່າທັງໝົດ ແມ່ນ 300 ກວ່າລ້ານດົ່ງ.

ກວດພະຍາດ, ແຈກຢາຍຢາໂດຍບໍ່ເສຍຄ່າໃຫ້ປະຊາຊົນ. ພາບ: ວັນຮວ່ານ.

ວັນບຸນຫໍ່ເຂົ້າຕົ້ມ. ພາບ: ວັນຮວ່ານ.

ຕາມທ່ານພັນເອກພິເສດ ບຸ່ຍດຶກຈິ້ງ ຮອງຫົວໜ້າການເມືອງທະຫານຊາຍແດນແຂວງດັກນົງ, ລາຍການ “ລະດູບານໃໝ່ເຂດຊາຍແດນ ສ້າງຄວາມອົບອຸ່ນໃຫ້ປະຊາຊົນ” ປີ 2025 ຈະເລີ່ມຈັດຕັ້ງຢູ່ຕາແສງຖ້ວນແຮ້ງ, ຫຼັງຈາກນັ້ນຈະຈັດຕັ້ງຢູ່ບັນດາຕາແສງຊາຍແດນຂອງແຂວງດັກນົງ ຕາມລໍາດັບເພື່ອນໍາເອົາເງື່ອນໄຂດີທີ່ສຸດມາໃຫ້ປະຊາຊົນຕ້ອນຮັບບຸນເຕັດຢ່າງອົບອຸ່ນ ແລະເບີກບານມ່ວນຊື່ນ.

ພະນັກງານ, ນັກຮົບ ແລະປະຊາຊົນ ເຂົ້າຮ່ວມການລະຫຼິ້ນພື້ນເມືອງ ເປັນຈໍານວນຫຼວງຫຼາຍ. ພາບ: ວັນຮວ່ານ.

ພ້ອມກັນນັ້ນ, ລາຍການຍັງສະແດງໃຫ້ເຫັນອາລົມຈິດ, ສະແດງຄວາມຮູ້ບຸນຄຸນຂອງທະຫານຊາຍແດນ, ປະກອບສ່ວນສ້າງຄວາມອຸ່ນອ່ຽງໃຈໃຫ້ປະຊາຊົນເຂດຊາຍແດນ, ເພື່ອໃຫ້ເຂົາເຈົ້າສະໜິດຕິດພັນກັບຄະນະພັກ, ອໍານາດການປົກຄອງທ້ອງຖິ່ນ, ບັນດາກໍາລັງ ແລະທະຫານຊາຍແດນ ປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງແຫ່ງຊາດ ໄວ້ຢ່າງໝັ້ນຄົງ.

ໂດຍ: ໄຊຊະນະ