ເນື່ອງໃນໂອກາດນີ້, ທ່ານ ເລືອງເກື່ອງ ປະທານປະເທດຫວຽດນາມ ໄດ້ສົ່ງຈົດໝາຍອວຍພອນມາຍັງສະມາຄົມມິດຕະພາບ ຫວຽດນາມ - ລາວ. ໃນຈົດໝາຍ, ທ່ານປະທານປະເທດ ໄດ້ຍ້ອງຍໍຊົມເຊີຍບັນດາຜົນງານທີ່ສະມາຄົມ ບັນລຸໄດ້ ແລະເຊື່ອໝັ້ນວ່າ ໃນໄລຍະຈະມາເຖິງ, ສະມາຄົມມິດຕະພາບ ຫວຽດນາມ - ລາວ ຈະເປັນເຈົ້າການສົມທົບກັນຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງ, ພິເສດແມ່ນສະມາຄົມມິດຕະພາບ ລາວ-ຫວຽດນາມ ສືບຕໍ່ໂຄສະນາກ່ຽວກັບການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ ໃຫ້ແກ່ລຸ້ນໜຸ່ມຂອງສອງປະເທດ; ຊຸກຍູ້ການເຄື່ອນໄຫວປະກອບສ່ວນເຂົ້າໃນການປະຕິບັດເປົ້າໝາຍພັດທະນາຂອງແຕ່ລະປະເທດ; ຈັດຕັ້ງການເຄື່ອນໄຫວແທດຈິງ, ມີປະສິດທິຜົນ ແລະມີຄວາມໝາຍ ເນື່ອງໃນໂອກາດສະເຫຼີມສະຫຼອງວັນບຸນໃຫຍ່ຂອງສອງປະເທດໃນປີ 2025, ປະກອບສ່ວນຊຸກຍູ້ການພົວພັນ ຫວຽດນາມ - ລາວ.

leftcenterrightdel
ບັນດາຜູ້ແທນເຂົ້າຮ່ວມການພົບປະສັງສັນສະເຫຼີມສະຫຼອງ 50 ປີແຫ່ງວັນສ້າງຕັ້ງສະມາຄົມມິດຕະພາບ ຫວຽດນາມ - ລາວ. ພາບ: qdnd.vn

ທີ່ການພົບປະສັງສັນ, ສະຫາຍ ໂດວັນຈ໊ຽນ, ກຳມະການກົມການເມືອງ, ເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຢືນຢັນວ່າ: 50 ປີຜ່ານມາ, ສະມາຄົມມິດຕະພາບຫວຽດນາມ - ລາວ ໄດ້ມີບາດກ້າວພັດທະນາໃໝ່ທັງດ້ານຂອບຂະໜາດ, ອົງການຈັດຕັ້ງສະມາຄົມຢູ່ບັນດາແຂວງ, ນະຄອນ, ໂດຍສະເພາະແມ່ນຢູ່ແຂວງຊາຍແດນຫວຽດນາມ - ລາວ. ການເຄື່ອນໄຫວຂອງສະມາຄົມ ນັບມື້ນັບອຸດົມສົມບູນ, ຫຼາຍຮູບຫຼາຍແບບ, ມີລວງເລິກ ແລະ ມີການແຜ່ຂະຫຍາຍອັນໃຫຍ່ຫຼວງໃນສັງຄົມ, ໂດຍສະເພາະແມ່ນການໂຄສະນາເຜີຍແຜ່, ສຶກສາອົບຮົມມູນເຊື້ອໃຫ້ແກ່ລຸ້ນໜຸ່ມ; ປະກອບສ່ວນປັບປຸງ ແລະເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ - ລາວ, ລາວ - ຫວຽດນາມ ໃຫ້ຂຽວສົດງົດງາມໝັ້ນຄົງທະໜົງແກ່ນໄປຊົ່ວກາລະນານ.

* ເພື່ອຊົມເຊີຍ ແລະຮັບຮູ້ການປະກອບສ່ວນຂອງບັນດາພະນັກງານ, ສະມາຊິກສະມາຄົມມິດຕະພາບ ຫວຽດນາມ - ລາວ ລຸ້ນຕ່າງໆ, ສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ປະດັບຫຼຽນກາລະນຶກ “ເພື່ອສັນຕິພາບ, ມິດຕະພາບລະຫວ່າງປະຊາຊາດ” ໃຫ້ແກ່ສະມາຊິກ ສະມາຄົມມິດຕະພາບຫວຽດນາມ-ລາວ 14 ຄົນ. ຄຽງຂ້າງນັ້ນ, ສະມາຄົມມິດຕະພາບ ຫວຽດນາມ-ລາວ ຍັງໄດ້ມອບໃບຍ້ອງຍໍໃຫ້ແກ່ 20 ກົມກອງລວມໝູ່ ແລະ 9 ບຸກຄົນ ທີ່ມີຜົນງານດີເດັ່ນໃນການເຄື່ອນໄຫວຂອງສະມາຄົມ ໃນໄລຍະທີ່ຜ່ານມາ.

leftcenterrightdel
ທ່ານ ຟານແອງເຊີນ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ປະດັບຫຼຽນກາລະນຶກ “ເພື່ອສັນຕິພາບ, ມິດຕະພາບລະຫວ່າງປະຊາຊາດ” ໃຫ້ແກ່ສະມາຊິກສະມາຄົມມິດຕະພາບຫວຽດນາມ-ລາວ. ພາບ: qdnd.vn

ກ່ອນໜ້ານັ້ນ, ໃນວັນດຽວກັນ, ສະມາຄົມມິດຕະພາບຫວຽດນາມ - ລາວ ໄດ້ຈັດຕັ້ງກອງປະຊຸມຄະນະບໍລິຫານງານ ຄັ້ງທີ 2, ຊຸດທີ V ເພື່ອສະຫຼຸບວຽກງານປີ 2024 ແລະວາງອອກທິດທາງໜ້າທີ່ປີ 2025.

ໂດຍ: ຫງວຽນກຸກ