ກອງບັນຊາການ ກປສ ແຂວງບໍລິຄໍາໄຊ ອວຍພອນບຸນເຕັດກອງບັນຊາການທະຫານຊາຍແດນແຂວງເງະອານ
ກປ.ອອນໄລ - ວັນທີ 10 ມັງກອນ, ຄະນະປະຕິບັດງານກອງບັນຊາການປ້ອງກັນຄວາມສະຫງົບແຂວງບໍລິຄໍາໄຊ ນໍາໂດຍ ທ່ານພັນເອກ ເຄນວອນ ລໍວັນໄຊ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງບໍລິ ຄໍາໄຊ ໄດ້ໄປຢ້ຽມຢາມ, ອວຍພອນບຸນປີໃໝ່ປະຈໍາຊາດ ປີມະເສັງ 2025 ທີ່ກອງບັນຊາການທະຫານຊາຍແດນແຂວງເງະອານ. ສະຫາຍ ພັນເອກພິເສດ ຫງວຽນກົງລືກ ຫົວໜ້າການທະຫານກອງບັນຊາການທະຫານຊາຍແດນແຂວງເງະອານ ເປັນປະທານພິທີຕ້ອນຮັບ.
    |
 |
|
ສະຫາຍ ພັນເອກ ເຄນວອນ ລໍວັນໄຊ ແລກປ່ຽນສະພາບການກັບສະຫາຍ ພັນເອກພິເສດ ຫງວຽນກົງລືກ. ພາບ: qdnd.vn |
ໃນທ່າມກາງບັນຍາກາດທີ່ເຕັມໄປດ້ວຍໄມຕີຈິດມິດຕະພາບ, ຈິງໃຈ, ສາມັກຄີ, ສະຫາຍ ພັນເອກ ເຄນວອນ ລໍວັນໄຊ ແລະສະຫາຍ ຫງວຽນກົງລືກ ໄດ້ແຈ້ງໃຫ້ກັນຊາບ, ແລກປ່ຽນສະພາບການ, ຜົນການປະຕິບັດງານຂອງສອງກົມກອງ ທີ່ບັນລຸໄດ້ໃນໄລຍະຜ່ານມາ; ພ້ອມທັງປາດຖະໜາວ່າ ໃນໄລຍະຈະມາເຖິງ, ສອງກົມກອງຈະສືບຕໍ່ເພີ່ມທະວີວຽກງານສົມທົບກັນໃນການຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍໃນສັງຄົມ ຢູ່ເຂດຊາຍແດນ, ຕໍ່ສູ້ສະກັດກັ້ນ ແລະຕ້ານອາດຊະຍາກໍາປະເພດຕ່າງໆ.
|
|
 |
|
ບັນຍາກາດທີ່ການພົບປະ. ພາບ: qdnd.vn |
ເນື່ອງໃນໂອກາດບຸນປີໃໝ່ປະຈໍາຊາດຂອງຊາດຫວຽດນາມ, ຕາງໜ້າການນໍາ, ພະນັກງານ, ນັກຮົບກອງບັນຊາການປ້ອງກັນຄວາມສະຫງົບແຂວງບໍລິຄໍາໄຊ ໄດ້ອວຍພອນ, ມອບຂອງຂວັນ, ສົ່ງຄໍາອວຍພອນປີໃໝ່ອັນດີງາມທີ່ສຸດ, ພ້ອມທັງຂອບໃຈອາລົມຈິດ, ການເອົາໃຈໃສ່, ຊ່ວຍເຫຼືອຂອງທະຫານຊາຍແດນແຂວງເງະອານ ໃນໄລຍະຜ່ານມາ.
ຕາງໜ້າພະນັກງານ, ນັກຮົບທະຫານຊາຍແດນແຂວງເງະອານ, ສະຫາຍພັນເອກພິເສດ ຫງວຽນກົງລືກ ຂອບໃຈອາລົມຈິດອັນດີງາມຂອງພະນັກງານ, ນັກຮົບ, ການນໍາກອງບັນຊາການ ປກສ ແຂວງບໍລິຄໍາໄຊ ທີ່ສະຫງວນໃຫ້ພະນັກງານ, ນັກຮົບທະຫານຊາຍແດນແຂວງເງະອານ, ອວຍພອນໃຫ້ການພົວພັນສາມັກຄີລະຫວ່າງສອງກົມກອງ ນັບມື້ນັບພັດທະນາ, ປະກອບສ່ວນເສີມສ້າງການພົວພັນສາມັກຄີ, ສະໜິດຕິດພັນລະຫວ່າງສອງປະເທດ ຫວຽດນາມ-ລາວ.
ໂດຍ: ໄຊຊະນະ