ຫວຽດນາມ-ລາວ ສືບຕໍ່ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່ຄວາມສາມັກຄີແບບພິເສດ

ທີ່ການຕ້ອນຮັບ, ທ່ານ ເລຕ໊ຽນເຈົາ ເລຂາພັກນະຄອນຫາຍຟ່ອງ ໃຫ້ຮູ້ວ່າ: ສຳລັບນະຄອນຫາຍຟ່ອງ, ການພົວພັນຮ່ວມມືລະຫວ່າງນະຄອນກັບແຂວງວຽງຈັນ ແລະແຂວງອຸດົມໄຊ ຂອງລາວ ໃນຊຸມປີຜ່ານມາບັນລຸໄດ້ບັນດາໝາກຜົນອັນດີງາມຫຼາຍຢ່າງໃນຂົງເຂດກໍ່ສ້າງພັກ, ອໍານາດການປົກຄອງ, ການສຶກສາ ແລະກໍ່ສ້າງ, ສາທາລະນະສຸກ, ການທ່ອງທ່ຽວ, ການຮ່ວມມືດ້ານການລົງທຶນ, ການຄ້າ ...

ບັນຍາກາດທີ່ການເຮັດວຽກ. ພາບ: ສໍານັກຂ່າວສານຫວຽດນາມ

ກ່ຽວກັບການເຄື່ອນໄຫວການທູດປະຊາຊົນ, ສະມາຄົມມິດຕະພາບຫວຽດນາມ - ລາວ ນະຄອນຫາຍຟ່ອງ ແມ່ນໜຶ່ງໃນບັນດາສະມາຄົມທີ່ມີຂະໜາດໃຫຍ່ທີ່ສຸດ ແລະເຄື່ອນໄຫວຢ່າງເປັນປະຈໍາ ດ້ວຍການເຄື່ອນໄຫວທີ່ມີຄວາມໝາຍຫຼາຍຢ່າງ ໄດ້ຮັບການຈັດຕັ້ງຢ່າງເປັນປະຈຳ, ປະກອບສ່ວນເຂົ້າໃນການຮັດແໜ້ນນໍ້າໃຈລະຫວ່າງປະຊາຊົນສອງປະເທດ.

ສະຫາຍ ບຸນທອງ ຈິດມະນີ, ຜູ້ປະຈໍາການຄະນະເລຂາທິການ, ຮອງປະທານປະເທດລາວ ກ່າວຄໍາເຫັນທີ່ການເຮັດວຽກ. ພາບ: ສໍານັກຂ່າວສານຫວຽດນາມ

ສ່ວນສະຫາຍ ບຸນທອງ ຈິດມະນີ ຕີລາຄາສູງສາຍພົວພັນແຮກສ່ຽວ, ຄວາມສາມັກຄີ, ການຮ່ວມມືຮອບດ້ານລະຫວ່າງນະຄອນຫາຍຟ່ອງ ກັບທ້ອງຖິ່ນຕ່າງໆຂອງລາວ; ຢືນຢັນວ່າ ພັກ, ລັດ ແລະປະຊາຊົນລາວ ຈະມານະພະຍາຍາມເຮັດຈົນສຸດຄວາມສາມາດຂອງຕົນ ເພື່ອພ້ອມກັບຫວຽດນາມ ຮັກສາ ແລະເພີ່ມພູນຄູນສ້າງສາຍພົວພັນສາມັກຄີແບບພິເສດ ລາວ-ຫວຽດນາມ ໃຫ້ນັບມື້ນັບພັດທະນາ, ຍູ້ແຮງກິດຈະການປ່ຽນແປງໃໝ່, ເປັນເຈົ້າການ ແລະຕັ້ງໜ້າເຊື່ອມໂຍງເຂົ້າກັບສາກົນ, ພ້ອມກັນສູ້ຊົນສ້າງສາປະເທດຊາດໃຫ້ຮັ່ງມີເຂັ້ມແຂງ, ປະຊາຊົນມີຊີວິດທີ່ອີ່ມໜໍາສໍາລານ, ມີເສລີພາບ, ມີຄວາມຜາສຸກ.

ໂດຍ: ທູຈາງ