ສ້າງເງື່ອນໄຂສະດວກເພື່ອໃຫ້ຊາວໜຸ່ມຫວຽດນາມ-ລາວ ເພີ່ມທະວີຄວາມເຂົ້າໃຈເຊິ່ງກັນ ແລະກັນ
ກປ.ອອນໄລ - ຕອນເຊົ້າວັນທີ 5 ທັນວາ, ຢູ່ສໍານັກງານສູນກາງພັກ, ທ່ານ ເຈິ່ນເກິ໋ມຕູ, ກໍາມະການກົມການເມືອງ, ຜູ້ປະຈຳການຄະນະເລຂາທິການ, ຫົວໜ້າຄະນະກຳມະການກວດກາສູນກາງ ໄດ້ໃຫ້ການຕ້ອນຮັບຄະນະຜູ້ແທນສູນກາງຄະນະຊາວໜຸ່ມປະຊາຊົນປະຕິວັດລາວ ໂດຍທ່ານ ມອນໄຊ ລາວມົວຊົ່ງ, ກໍາມະການສໍາຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຊາຊົນປະຕິວັດລາວ, ເປັນຫົວໜ້າຄະນະ, ພວມຢ້ຽມຢາມ ແລະເຮັດວຽກຢູ່ຫວຽດນາມ.
ທີ່ການຕ້ອນຮັບ, ທ່ານ ເຈິ່ນເກິມຕູ ຢັ້ງຢືນວ່າ ພັກ, ລັດ ແລະປະຊາຊົນຫວຽດນາມ ຍາມໃດກໍ່ສະໜັບສະໜູນພາລະກິດແຫ່ງການປ່ຽນແປງໃໝ່, ປົກປັກຮັກສາ ແລະສ້າງສາພັດທະນາຂອງປະເທດລາວ ຢ່າງແຂງແຮງ ແລະຮອບດ້ານ, ຖືເປັນສຳຄັນ ແລະພະຍາຍາມຈົນສຸດຄວາມສາມາດຂອງຕົນເພື່ອປັບປຸງ, ເພີ່ມພູນຄູນສ້າງການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານຫວຽດນາມ - ລາວ. ທ່ານ ເຈິ່ນເກິມຕູ ເນັ້ນໜັກວ່າ ການນຳສອງພັກ, ສອງລັດຍາມໃດກໍ່ສະຫງວນຄວາມເອົາໃຈໃສ່ເປັນພິເສດ ແລະສ້າງເງື່ອນໄຂສະດວກທີ່ສຸດເພື່ອໃຫ້ຊາວໜຸ່ມສອງປະເທດຫວຽດນາມ - ລາວ ມີໂອກາດພົບປະແລກປ່ຽນມິດຕະພາບ, ເພີ່ມທະວີຄວາມເຂົ້າໃຈ, ຮ່ຳຮຽນເຊິ່ງກັນແລະກັນ, ພ້ອມກັນອຸທິດຕົນ ແລະພັດທະນາ.
    |
 |
|
ທ່ານ ເຈິ່ນເກິມຕູ, ກໍາມະການກົມການເມືອງ, ຜູ້ປະຈຳການຄະນະເລຂາທິການ, ຫົວໜ້າຄະນະກຳມະການກວດກາສູນກາງ ຕ້ອນຮັບທ່ານ ມອນໄຊ ລາວມົວຊົ່ງ, ກໍາມະການສໍາຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຊາຊົນປະຕິວັດລາວ. ພາບ: qdnd.vn |
ໃນນັ້ນ, ທ່ານ ມອນໄຊ ລາວມົວຊົ່ງ ໄດ້ລາຍງານກ່ຽວກັບໝາກຜົນການເຄື່ອນໄຫວຂອງຄະນະຢູ່ຫວຽດນາມ, ໃນນັ້ນມີການພົບປະເຈລະຈາລະຫວ່າງຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈີມິນ ແລະຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ; ຢືນຢັນວ່າ: ລຸ້ນໜຸ່ມຂອງສອງປະເທດຈະສືບຕໍ່ສືບທອດນໍ້າໃຈສາມັກຄີ, ສະໜິດຕິດພັນລະຫວ່າງປະຊາຊົນສອງປະເທດ.
ໂດຍ: ທະນາພອນ