ຊຸກຍູ້ການຮ່ວມມືຊາວໜຸ່ມສອງປະເທດ ຫວຽດນາມ-ລາວ

ບັນຍາກາດທີ່ການພົບປະສອງຝ່າຍ. ພາບ: nhandan.vn

ກ່າວຄຳເຫັນທີ່ການພົບປະສອງຝ່າຍ, ສະຫາຍ ບຸ່ຍກວາງຮຸຍ ຢືນຢັນວ່າ ສາຍພົວພັນ ຫວຽດນາມ-ລາວ ໂດຍທະຫານ ແລະປະຊາຊົນສອງປະເທດຫຼາຍລຸ້ນຄົນໄດ້ທຸ້ມເທເຫື່ອແຮງເພີ່ມພູນຄູນສ້າງ, ຮັກສາດ້ວຍເຫື່ອແຮງ ແລະເລືອດເນື້ອຂອງຕົນ, ປະຈຸບັນໄດ້ກາຍເປັນຊັບສົມບັດອັນລໍ້າຄ່າ, ມີໜຶ່ງບໍ່ມີສອງໃນປະຫວັດສາດໂລກ. ຊາວໜຸ່ມກອມມູນິດໂຮ່ຈີມິນ ທຸກຂັ້ນ ແລະຄົນຮຸ່ນໜຸ່ມຫວຽດນາມ ຍາມໃດກໍ່ມີສະຕິເສີມຂະຫຍາຍບົດບາດປະຈັນບານຂອງໄວໜຸ່ມໃນການປະກອບສ່ວນປັບປຸງ, ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານຜ່ານລາຍການ, ການເຄື່ອນໄຫວລະອຽດ, ແທດຈິງ. ພ້ອມທັງ, ສະເໜີສອງອົງການຊາວໜຸ່ມ ສືບຕໍ່ສົມທົບກັນຢ່າງແໜ້ນແຟ້ນ, ຮ່ວມແຮງຮ່ວມໃຈສຸມໃສ່ຜັນຂະຫຍາຍເນື້ອໃນຮ່ວມມືຢ່າງມີປະສິດທິຜົນ. ໃນນັ້ນ, ສຸມໃສ່ເພີ່ມທະວີການເຄື່ອນໄຫວໂຄສະນາ, ຍົກສູງຄວາມຮັບຮູ້ໃຫ້ຊາວໜຸ່ມ, ເຍົາວະຊົນອະນຸຊົນສອງປະເທດກ່ຽວກັບສາຍພົວພັນແບບພິເສດ ຫວຽດນາມ-ລາວ.

ສະຫາຍ ບຸ່ຍກວາງຮຸຍ ເລຂາຜູ້ທີໜຶ່ງຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈີມິນ  ມອບຂອງຂວັນເປັນທີ່ລະນຶກໃຫ້ສະຫາຍ ມອນໄຊ ລາວມົວຊົ່ງ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ. ພາບ: nhandan.vn

ສະຫາຍ ບຸ່ຍກວາງຮຸຍ ແລະສະຫາຍ ມອນໄຊ ລາວມົວຊົ່ງ ໄດ້ເຫັນດີເປັນເອກະພາບສືບຕໍ່ຊີ້ນຳຊາວໜຸ່ມທຸກຂັ້ນ, ພິເສດແມ່ນບັນດາທ້ອງຖິ່ນຕິດກັບຊາຍແດນ, ແຮກສ່ຽວຍົກສູງຄວາມຮັບຜິດຊອບ, ບົດບາດປະຈັນບານ ແລະເປັນເຈົ້າການໃນການຈັດຕັ້ງ, ສົມທົບກັນຜັນຂະຫຍາຍການເຄື່ອນໄຫວທີ່ມີຄວາມໝາຍ ແລະມີປະສິດທິຜົນ, ຊ່ວຍໃຫ້ໄວໜຸ່ມສອງປະເທດເພີ່ມທະວີຄວາມເຂົ້າໃຈເຊິ່ງກັນ ແລະກັນ. ພ້ອມກັນນັ້ນ, ສອງຝ່າຍຈະປະຕິບັດຫຼາຍກິດຈະກໍາເຄື່ອນໄຫວໜູນຊ່ວຍ, ຮ່ວມເດີນທາງກັບພໍ່ແມ່ປະຊາຊົນ, ຊາວໜຸ່ມລາວ ໃນການດໍາລົງຊີວິດ, ຊຸກຍູ້ການພົບປະແລກປ່ຽນ, ການຮ່ວມມືລະຫວ່າງສອງປະເທດ, ບໍ່ພຽງແຕ່ຢູ່ຂັ້ນສູນກາງເທົ່ານັ້ນ, ຫາກຍັງຢູ່ແຕ່ລະທ້ອງຖິ່ນ, ຫົວໜ່ວຍ.

ໂດຍ: ເຈິ່ນຮວ່ຽນ