ກະຊວງປ້ອງກັນປະເທດລາວ ສືບຕໍ່ມານະພະຍາຍາມເພີ່ມພູນຄູນສ້າງສາຍພົວພັນແບບພິເສດ ຫວຽດນາມ-ລາວ
ກປ.ອອນໄລ - ຕອນບ່າຍວັນທີ 5 ທັນວາ, ຢູ່ສຳນັກງານກະຊວງປ້ອງກັນປະເທດລາວ, ທີ່ນະຄອນຫຼວງວຽງຈັນ, ສະຫາຍ ຄຳລຽນ ອຸທະໄກສອນ, ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດລາວ ໄດ້ໃຫ້ການຕ້ອນຮັບສະຫາຍ ຫງວຽນມິງເຕິມ ເອກອັກຄະລັດຖະທູດຫວຽດນາມ ປະຈໍາ ລາວ ພ້ອມດ້ວຍຄະນະພະນັກງານສະຖານທູດ ແລະທີ່ປຶກສາທູດປ້ອງກັນຊາດ ເຂົ້າອວຍພອນເນື່ອງໃນໂອກາດທີ່ສະຫາຍໄດ້ຮັບການແຕ່ງຕັ້ງເປັນລັດຖະມົນຕີກະຊວງປ້ອງກັນປະເທດຈາກພັກ, ລັດລາວ ແລະອວຍພອນ 49 ປີແຫ່ງວັນຊາດລາວ (2-12-1975 / 2-12-2024).
    |
 |
|
ສະຫາຍ ຄຳລຽນ ອຸທະໄກສອນ, ລັດຖະມົນຕີກະຊວງປ້ອງກັນປະເທດລາວ ຕ້ອນຮັບສະຫາຍ ຫງວຽນມິງເຕິມ ເອກອັກຄະລັດຖະທູດຫວຽດນາມ ປະຈໍາ ລາວ. ພາບ: ສໍານັກຂ່າວສານຫວຽດນາມ |
ທີ່ການຕ້ອນຮັບ, ສະຫາຍ ຄຳລຽນ ອຸທະໄກສອນ ໄດ້ສະແດງຄວາມຂອບອົກຂອບໃຈຕໍ່ຄຳອວຍພອນອັນດີງາມຂອງສະຫາຍ ຫງວຽນມິງເຕິມ ທີ່ມີຕໍ່ຕົນເອງ, ກໍ່ຄືຕີລາຄາຜົນງານເຊິ່ງລາວບັນລຸໄດ້ໃນ 49 ປີຜ່ານມາ. ສະຫາຍ ຢືນຢັນວ່າຈະມານະພະຍາຍາມເຮັດຈົນສຸດຄວາມສາມາດຂອງຕົນເພື່ອພ້ອມກັບພັກ, ລັດ, ກອງທັບ ແລະປະຊາຊົນລາວ ສືບຕໍ່ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ລາວ-ຫວຽດນາມ ໃຫ້ນັບມື້ນັບພັດທະນາເຂົ້າສູ່ລວງເລິກ, ແທດຈິງ ແລະມີປະສິດທິຜົນ. ພ້ອມທັງໄດ້ແຈ້ງໃຫ້ສະຫາຍ ຫງວຽນມິງເຕິມ ຮັບຊາບກ່ຽວກັບບາງທິດທາງການຮ່ວມມືລະຫວ່າງສອງກະຊວງປ້ອງກັນປະເທດ ລາວ-ຫວຽດນາມ ໃນໄລຍະຈະມາເຖິງ ແລະຢືນຢັນວ່າຈະສົມທົບກັນຢ່າງແໜ້ນແຟ້ນກັບສະຖານທູດ, ທີ່ປຶກສາທູດປ້ອງກັນຊາດ ຜັນຂະຫຍາຍປະຕິບັດຂໍ້ຕົກລົງລະຫວ່າງການນຳຂັ້ນສູງສອງພັກ, ສອງລັດ ແລະອະນຸສັນຍາ, ແຜນການຮ່ວມມືລະຫວ່າງສອງກະຊວງປ້ອງກັນປະເທດຢ່າງມີປະສິດທິຜົນ.
|
|
 |
|
ສະຫາຍ ຫງວຽນມິງເຕິມ ເອກອັກຄະລັດຖະທູດຫວຽດນາມ ປະຈໍາ ລາວ ແລະຄະນະປະຕິບັດງານ ມອບດອກໄມ້ອວຍພອນສະຫາຍ ຄຳລຽນ ອຸທະໄກສອນ, ລັດຖະມົນຕີກະຊວງປ້ອງກັນປະເທດລາວ. ພາບ: ສໍານັກຂ່າວສານຫວຽດນາມ |
ສ່ວນສະຫາຍ ຫງວຽນມິງເຕິມ ອວຍພອນສະຫາຍ ຄຳລຽນ ອຸທະໄກສອນ ທີ່ໄດ້ຮັບຄວາມເຊື່ອໝັ້ນຈາກພັກ, ລັດລາວ ໃຫ້ດຳລົງຕຳແໜ່ງເປັນລັດຖະມົນຕີກະຊວງປ້ອງກັນປະເທດ; ສະແດງຄວາມເຊື່ອໝັ້ນວ່າ ດ້ວຍກໍາລັງຄວາມສາມາດ, ອິດທິພົນຊື່ສຽງ ແລະການປະກອບສ່ວນຂອງຕົນໃນໄລຍະຜ່ານມາ, ສະຫາຍຈະປະຕິບັດສຳເລັດໜ້າທີ່ເຊິ່ງພັກ, ລັດ ແລະກອງທັບມອບໝາຍໃຫ້ເປັນຢ່າງດີ. ພ້ອມທັງຫວັງວ່າ ໃນໄລຍະຈະມາເຖິງ, ສອງກະຊວງປ້ອງກັນປະເທດ ຫວຽດນາມ-ລາວ ຈະສືບຕໍ່ຜັນຂະຫຍາຍປະຕິບັດຂໍ້ຕົກລົງ, ແຜນການຮ່ວມມືລະຫວ່າງສອງຝ່າຍຢ່າງມີປະສິດທິຜົນ, ໃນນັ້ນມີການເພີ່ມທະວີການແລກປ່ຽນຂໍ້ມູນຂ່າວສານ, ແບ່ງປັນປະສົບການ, ສົມທົບກັນສະກັດກັ້ນອາດຊະຍາກຳຂ້າມຊາດປະເພດຕ່າງໆ...
ໂດຍ: ເຈິ່ນຮວ່ຽນ