ກຳລັງປະກອບອາວຸດລາວ ຢ້ຽມຢາມ, ອວຍພອນບຸນເຕັດກອງບັນຊາການທະຫານຊາຍແດນແຂວງກວາງບິ່ງ

ຕາງໜ້າພະນັກງານ, ນັກຮົບທະຫານຊາຍແດນແຂວງກວາງບິ່ງ, ທ່ານພັນເອກພິເສດ ໂງມິງດ່ຽນ, ຫົວໜ້າການເມືອງກອງບັນຊາການທະຫານຊາຍແດນແຂວງກວາງບິ່ງ; ທ່ານພັນເອກພິເສດ ດັ້ງວັນຮວ່າງ, ຮອງຫົວໜ້າການທະຫານ ພ້ອມດ້ວຍຫົວໜ້າບັນດາຫ້ອງ, ຄະນະ, ອົງການໄດ້ຕ້ອນຮັບ, ສະແດງຄວາມຂອບອົກຂອບໃຈຕໍ່ນ້ຳໃຈອັນລ້ຳຄ່າເຊິ່ງບັນດາກົມກອງໃນກຳລັງປະກອບອາວຸດລາວ ສະຫງວນໃຫ້ແກ່ທະຫານຊາຍແດນແຂວງກວາງບິ່ງ.

ຄະນະປະຕິບັດງານກອງບັນຊາການທະຫານແຂວງສະຫວັນນະເຂດ ມອບດອກໄມ້ອວຍພອນພະນັກງານ, ນັກຮົບທະຫານຊາຍແດນແຂວງກວາງບິ່ງ ເນື່ອງໃນໂອກາດບຸນປີໃໝ່ປະຈໍາຊາດປີມະເສັງ 2025. ພາບ: ຮວ່າຍນາມ.

ການນຳບັນດາຄະນະ ກໍ່ໄດ້ແຈ້ງໃຫ້ກັນຮັບຊາບກ່ຽວກັບສະພາບການເສດຖະກິດ, ການເມືອງ, ບັນດາໝາກຜົນທີ່ບັນລຸໄດ້ໃນປີ 2024 ຂອງອຳນາດການປົກຄອງ, ກຳລັງປະກອບອາວຸດ ແລະປະຊາຊົນ 3 ແຂວງກວາງບິ່ງ-ຄຳມ່ວນ-ສະຫວັນນະເຂດ; ໝາກຜົນການປະສານສົມທົບກັນປະຕິບັດການຄຸ້ມຄອງ, ປົກປັກຮັກສາຊາຍແດນ, ຕໍ່ສູ້ຕ້ານອາດຊະຍາກຳປະເພດຕ່າງໆ; ສະພາບການປະຊາຊົນຢູ່ສອງຟາກຊາຍແດນ; ວຽກງານໜູນຊ່ວຍຊ່ວຍເຫຼືອປະຊາຊົນພັດທະນາເສດຖະກິດ, ສັງຄົມ, ຍົກສູງຊີວິດການເປັນຢູ່ດ້ານຈິດໃຈ ກໍ່ຄືສະຕິຮັບຜິດຊອບຂອງປະຊາຊົນຢູ່ສອງຝ່າຍໃນການປົກປັກຮັກສາຊາຍແດນ, ຫຼັກໝາຍຊາຍແດນ.

ທ່ານພັນເອກ ຄໍາສິງ ນົນທະສອນ ຮອງຫົວໜ້າກອງບັນຊາການ ປກສ ແຂວງຄຳມ່ວນ ກ່າວຄຳເຫັນອວຍພອນທະຫານຊາຍແດນແຂວງກວາງບິ່ງ ເນື່ອງໃນໂອກາດບຸນປີໃໝ່ປະຈໍາຊາດປີມະເສັງ 2025. ພາບ: ຮວ່າຍນາມ.

ອວຍພອນພະນັກງານ, ນັກຮົບກອງບັນຊາການທະຫານຊາຍແດນແຂວງກວາງບິ່ງ ເນື່ອງໃນໂອກາດບຸນປີໃໝ່ປະຈໍາຊາດປີມະເສັງ 2025, ການນຳບັນດາຄະນະປະຕິບັດງານຂອງລາວ ໄດ້ສະແດງຄວາມເບີກບານມ່ວນຊື່ນ, ຄວາມປິຕິຊົມຊື່ນ, ມອບດອກໄມ້, ຂອງຂວັນ, ຝາກຄຳອວຍພອນປີໃໝ່ອັນປະເສີດ; ພ້ອມທັງຂອບໃຈຕໍ່ນ້ຳໃຈ, ຄວາມເອົາໃຈໃສ່, ການຊ່ວຍເຫຼືອ, ໜູນຊ່ວຍຂອງທະຫານຊາຍແດນແຂວງກວາງບິ່ງ ໃນໄລຍະຜ່ານມາ; ອວຍພອນການພົວພັນສາມັກຄີລະຫວ່າງສອງກົມກອງໃຫ້ນັບມື້ນັບສະໜິດຕິດພັນ, ປະກອບສ່ວນສ້າງຊາຍແດນແຫ່ງສັນຕິພາບ, ສະຖຽນລະພາບ ແລະພັດທະນາ.

ໂດຍ: ແສງເດືອນ