ຫວຽດນາມ ເປັນຜູ້ປະສານງານຮ່ວມໃນວິວັດການຈັດຕັ້ງກອງປະຊຸມຂັ້ນສູງຂອງ ສປຊ ກ່ຽວກັບການກຽມພ້ອມ, ຮັບມື ແລະປ້ອງກັນ, ຕ້ານໂລກລະບາດໃນປີ 2026
ວັນທີ 27 ມັງກອນ, ທ່ານ Philemon Yang ປະທານສະມັດຊາໃຫຍ່ ສປຊ ຊຸດທີ 79 ໄດ້ແຕ່ງຕັ້ງທ່ານ ດັ້ງຮ່ວາງຢາງ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ແລະທ່ານ Maurizio Massari ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າອີຕາລີ ປະຈຳ ສປຊ ເປັນຜູ້ປະສານງານຮ່ວມເພື່ອກະກຽມຈັດຕັ້ງກອງປະຊຸມຂັ້ນສູງຂອງ ສປຊ ກ່ຽວກັບການກຽມພ້ອມ, ຮັບມື ແລະປ້ອງກັນ, ຕ້ານໂລກລະບາດໃນປີ 2026.
    |
 |
|
ຫວຽດນາມ ເປັນຜູ້ປະສານງານຮ່ວມໃນວິວັດການຈັດຕັ້ງກອງປະຊຸມຂັ້ນສູງຂອງ ສປຊ ກ່ຽວກັບການກຽມພ້ອມ, ຮັບມື ແລະປ້ອງກັນ, ຕ້ານໂລກລະບາດໃນປີ 2026. ພາບ: vov.vn |
ທ່ານປະທານສະມັດຊາໃຫຍ່ ສປຊ ເຊື່ອໝັ້ນວ່າ ເອກອັກຄະລັດຖະທູດສອງທ່ານ ຈະສົມທົບກັນຢ່າງມີປະສິດທິຜົນກັບບັນດາປະເທດສະມາຊິກຂອງສປຊ ແລະຊຸກຍູ້ເພື່ອບັນລຸໄດ້ຄວາມເຫັນດີເຫັນພ້ອມ ໃນການຈັດຕັ້ງກອງປະຊຸມຂັ້ນສູງນີ້ ກໍ່ຄືການຊຸກຍູ້ການປະຕິບັດບັນດາຄຳໝັ້ນສັນຍາສາກົນດ້ານສາທາລະນະສຸກ ແລະ ສຸຂະພາບ, ໃນນັ້ນມີເອກະສານກ່ຽວກັບລຸ້ນຄົນໃນອະນາຄົດ.
ນີ້ແມ່ນຄັ້ງທຳອິດທີ່ຫວຽດນາມ ໄດ້ຮັບການແຕ່ງຕັ້ງດຳລົງຕຳແໜ່ງເປັນຜູ້ປະສານງານກະກຽມໃຫ້ແກ່ກອງປະຊຸມໃຫຍ່ຂອງ ສປຊ, ເປັນການສະແດງໃຫ້ເຫັນທ່ານປະທານສະມັດຊາໃຫຍ່ ແລະປະຊາຄົມສາກົນຖືເປັນສຳຄັນອິດທິພົນຊື່ສຽງ, ບົດບາດ ແລະບັນດາການປະກອບສ່ວນຢ່າງຕັ້ງໜ້າຂອງ ຫວຽດນາມ ໃນວຽກງານລວມຂອງອົງການຫຼາຍຝ່າຍໃຫຍ່ທີ່ສຸດໃນໜ່ວຍໂລກນີ້ ເພື່ອແກ້ໄຂບັນດາບັນຫາທົ່ວໂລກ, ໃນນັ້ນມີບັນຫາປ້ອງກັນ, ຕ້ານໂລກລະບາດ.
ຂ່າວ: ວິທະຍຸກະຈາຍສຽງຫວຽດນາມ