ກວາງບິ່ງ: ກອງທ້ອນໂຮມ 589 ພົບເຫັນ, ຂຸດຄົ້ນອັດຖິນັກຮົບເສຍສະຫຼະຊີວິດຢູ່ ລາວ ຈຳນວນ 2 ອັດຖິ

ທ່ານພັນເອກ ຮ່າຊວນນາມ, ຫພະນັກງານການເມືອງກອງທ້ອນໂຮມ 589, ກອງບັນຊາການທະຫານແຂວງກວາງບິ່ງ ແຈ້ງໃຫ້ຊາບວ່າ ລະດູແລ້ງ 2024-2025, ກົມກອງສືບຕໍ່ປະຕິບັດໜ້າທີ່ຊອກຫາ, ຂຸດຄົ້ນ, ທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດຢູ່ແຂວງຄຳມ່ວນ (ລາວ). ເຖິງວ່າອາກາດແດດກ້າອົບເອົ້າແກ່ຍາວ, ພູມສັນຖານພູຜາປ່າໄມ້ທຸລະກັນດານ, ການສັນຈອນໄປມາປະສົບກັບຄວາມຫຍຸ້ງຍາກກໍ່ຕາມ... ແຕ່ວ່າພະນັກງານ, ພາລະກອນຂອງກົມກອງ ໄດ້ມານະພະຍາຍາມຜ່ານຜ່າຄວາມຫຍຸ້ງຍາກ, ຕັ້ງໜ້າເກັບກຳຂໍ້ມູນ, ພົບປະພະຍານຫຼັກຖານ, ຈັດຕັ້ງກຳລັງ, ພາຫະນະໄປຊອກຫາ.

ກອງທ້ອນໂຮມ 589 ດຳເນີນການຊອກຫາ, ຂຸດຄົ້ນອັດຖິນັກຮົບເສຍສະຫຼະຊີວິດເພື່ອຊາດຢູ່ຖ້ຳລອງ, ບ້ານໜອງປິນ, ເມືອງບົວລະພາ. ພາບ: ຮ່ານາມ.

ໂດຍໄດ້ຮັບຄວາມເອົາໃຈໃສ່ຊ່ວຍເຫຼືອຈາກຄະນະພັກ, ອຳນາດການປົກຄອງ, ກຳລັງປະກອບອາວຸດ ແລະປະຊາຊົນແຂວງຄຳມ່ວນ, ໃນລະຫວ່າງວັນທີ 4-8 ພະຈິກ, ກອງທ້ອນໂຮມ 589 ໄດ້ພົບເຫັນ, ຂຸດຄົ້ນໄດ້ 2 ອັດຖິນັກຮົບເສຍສະຫຼະຊີວິດເພື່ອຊາດຢູ່ເຂດຖໍ້າລອງ, ບ້ານໜອງປິນ, ເມືອງບົວລະພາ ແລະຖໍ້າໝູນ້ອຍ, ບ້ານຜານາງ, ເມືອງມະຫາໄຊ, ແຂວງຄຳມ່ວນ.

ກອງທ້ອນໂຮມ 589 ມອບໂສ້ງເສື້ອ, ເຄື່ອງໃຊ້ທີ່ຈຳເປັນໃຫ້ແກ່ປະຊາຊົນບ້ານຜານາງ, ເມືອງມະຫາໄຊ. ພາບ: ຮ່ານາມ.

ພ້ອມກັບການສຳເລັດໜ້າທີ່ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວີດເພື່ອຊາດຕາມແຜນການແລ້ວ, ພະນັກງານ, ພະລາກອນກອງທ້ອນໂຮມ 589 ຍັງປະສານສົມທົບກັນຜັນຂະຫຍາຍວຽກງານຂົນຂວາຍປະຊາຊົນ, ຈັດຕັ້ງການກວດພະຍາດ, ແຈກຢາຍຢຸກຢາໃຫ້ແກ່ປະຊາຊົນໂດຍບໍ່ເສຍຄ່າ ແລະມອບຂອງຂວັນໃຫ້ແກ່ປະຊາຊົນ...

ໂດຍ: ແສງເດືອນ