ການຝຶກຊ້ອມສົມທົບກັນກູ້ໄພ, ກູ້ຊີບລະຫວ່າງກອງທັບສາມປະເທດລາວ-ກໍາປູເຈຍ-ຫວຽດນາມ

ນີ້ແມ່ນເນື້ອໃນໄດ້ຈັດຕັ້ງປະຈຳປີຕາມຂໍ້ຕົກລົງຂອງບັນດາລັດຖະມົນຕີກະຊວງປ້ອງກັນປະເທດກໍາປູເຈຍ-ລາວ-ຫວຽດນາມ ເພື່ອຍົກສູງວຽກງານປະສານສົມທົບກັນກູ້ໄພ-ກູ້ຊີບ, ກິດຈະການລົ້ມທະລາຍ, ຈຳກັດຄວາມເສຍຫາຍກ່ຽວກັບຄົນ ແລະຊັບສິນໃຫ້ຢູ່ໃນລະຕ່ຳສຸດເມື່ອໄພທໍາມະຊາດ, ໄພພິບັດ​ເກີດຂຶ້ນ.

ກໍາລັງເສນາຮັກສາມປະເທດຂົນສົ່ງຜູ້ຖືກເຄາະຮ້າຍໜັກຂຶ້ນລົດສຸກເສີນ. ພາບ: ເຈິ່ນຕ໊ວານ

ພາຍຫຼັງພິທີໄຂ, ກໍາລັງກູ້ໄພ, ກູ້ຊີບຂອງກອງທັບສາມປະເທດສຸມໃສ່ເຂົ້າສອງເນື້ອໃນຫຼັກ, ລວມມີ: ວຽກງານຊອກຫາກູ້ໄພ-ກູ້ຊີບຢູ່ເຂດມີ ກິດຈະການລົ້ມທະລາຍ; ກະທໍາພະຍາບານສຸກເສີນຜູ້ຖືກເຄາະຮ້າຍຢູ່ສະຖານທີ່ເກີດເຫດ; ພະຍາບານສຸກເສີນ, ປິ່ນປົວ ແລະຂົນສົ່ງບັນດາຜູ້ຖືກເຄາະຮ້າຍໄປໂຮງໝໍສະໜາມຂັ້ນ I, II, III.

ຕາມກໍລະນີຕົວຢ່າງ, ໄພພິບັດໄພທໍາມະຊາດເຮັດໃຫ້ຕຶກອາຄານຢູ່ເຂດຊາຍແດນຖືກລ້ົມທະລາຍ,  ໃນນັ້ນມີ 30 ຄົນຖືກຄ້າງໄວ້. ຄະນະບັນຊາຊອກຫາກູ້ໄພ-ກູ້ຊີບສາມປະເທດໄດ້ຮັບການສ້າງຕັ້ງເພື່ອບໍລິຫານບັນດາກໍາລັງປະຕິບັດໜ້າທີ່ຢ່າງວ່ອງໄວ. ພະນັກງານ, ນັກຮົບທະຫານຊ່າງແສນັບຮ້ອຍຄົນ, ພ້ອມກັບກໍາລັງເສນາຮັກ ແລະພາຫະນະທີ່ທັນສະໄໝໄດ້ສົ່ງມາສະຖານທີ່ເກີດເຫດ. ຕໍ່ຈາກນັ້ນ ກໍາລັງເສນາຮັກສາມປະເທດສົມທົບກັນປະຕິບັດການກູ້ຊີບຜູ້ຖືກເຄາະຮ້າຍ.

ເຮລີກັອບແຕລົງຈອດນໍາສົ່ງຜູ້ຖືກເຄາະຮ້າຍໜັກໄປພະຍາບານສຸກເສີນ. ພາບ: ເຈິ່ນຕ໊ວານ

ຜ່ານການຝຶກຊ້ອມ, ກໍາລັງກູ້ໄພ, ກູ້ຊີບຂອງກອງທັບສາມປະເທດເປັນເຈົ້າການກວ່າໃນການສົມທົບ, ໜູນຊ່ວຍເຊິ່ງກັນ ແລະກັນເມື່ອເກີດໄພທໍາມະຊາດ, ປະກອບສ່ວນຮັບປະກັນຊີວິດສະຫງົບສຸກໃຫ້ປະຊາຊົນກໍ່ຄືືເພີ່ມທະວີຄວາມສະໜິດຕິດພັນ ແລະການຊ່ວຍເຫຼືອເຊິ່ງກັນ ແລະກັນໃນວຽກງານປ້ອງກັນ, ຕ້ານໄພທໍາມະຊາດ. ນີ້ແມ່ນກາລະໂອກາດເພື່ອໃຫ້ກໍາລັງຊ່າງແສງ, ເສນາຮັກສາມປະເທດມີໂອກາດພົບປະແລກປ່ຽນ, ແລກປ່ຽນບົດຮຽນວິຊາສະເພາະ, ຍົກສູງຄຸນນະພາບ, ປະສິດທິຜົນວຽກງານເບິ່ງແຍງດູແລ, ປົກປັກຮັກສາສຸຂະພາບໃຫ້ທະຫານ, ປະຊາຊົນແຕ່ລະປະເທດ ແລະເຄື່ອນໄຫວສາກົນກ່ຽວກັບການໜູນຊ່ວຍມະນຸດສະທໍາ, ຊອຫາກູ້ໄພ-ກູ້ຊີບ, ແກ້ໄຂຜົນຮ້າຍຢ້ອນຫຼັງຈາກໄພທໍາມະຊາດ ແລະໄພພິບັດ.

ໂດຍ: ໄຊນີດາ