ຜ່ານຮ້ານວາງສະແດງທີ່ງານວາງສະແດງຄັ້ງນີ້, ບໍລິສັດໃຫຍ່ກໍ່ສ້າງລຸງໂລ ຢາກແນະນຳເຖິງປະຊາຊົນ, ເພື່ອນມິດຢູ່ພາຍໃນ ແລະສາກົນກ່ຽວກັບຄວາມສາມາດ, ທ່າແຮງ ແລະຜະລິດຕະພັນກໍ່ສ້າງຂອງກົມກອງໃນການກໍ່ສ້າງບັນດາກິດຈະການຢູ່ໃຕ້ດິນ, ກິດຈະກຳທາງນ້ຳ ແລະມ້າງທຳລາຍລະເບີດທີ່ຍັງຕົກຄ້າງຫຼັງສົງຄາມ. ນີ້ແມ່ນທ່າໄດ້ປຽບທີ່ມີຢູ່ແລ້ວເຊິ່ງທາງບໍລິສັດໃຫຍ່ໄດ້ເສີມຂະຫຍາຍຈາກນັກຮົບຊ່າງແສງວິລະຊົນ.
    |
 |
|
ການນຳບໍລິສັດໃຫຍ່ກໍ່ສ້າງລຸງໂລ ກວດກາວຽກງານກໍ່ສ້າງຢູ່ໂຄງການຈຸດສຸມ. ພາບ: qdnd.vn |
ຄຽງຂ້າງການປະກອບສ່ວນໂຄສະນາເຜີຍແຜ່ເຄື່ອງໝາຍການຄ້າລຸງໂລ, ຮູບພາບ “ທະຫານຊ່າງແສງລຸງໂລ”, ງານວາງສະແດງປ້ອງກັນຊາດສາກົນຫວຽດນາມ 2024 ແມ່ນໂຄງການທີ່ມີຄວາມໝາຍສຳຄັນພິເສດໃນການຊຸກຍູ້ການຮ່ວມມືລະຫວ່າງບັນດາວິສາຫະກິດກອງທັບເວົ້າລວມ, ບໍລິສັດໃຫຍ່ກໍ່ສ້າງລຸງໂລ ເວົ້າສະເພາະກັບບັນດາຄູ່ຮ່ວມມື, ລູກຄ້າ, ກໍ່ຄືຊອກຫາມາດຕະການເພື່ອດັດແປງເຄື່ອງຈັກ, ອຸປະກອນ, ເຕັກໂນໂລຢີກ້າວໜ້າ, ຍົກສູງຄຸນນະພາບ, ສະມັດຕະພາບການອອກແຮງງານໃຫ້ກົມກອງ.
ພິເສດ, ງານວາງສະແດງປ້ອງກັນຊາດສາກົນ 2024 ແມ່ນໂອກາດເພື່ອບໍລິສັດໃຫຍ່ ກໍ່ສ້າງລຸງໂລ ພົບປະ, ປຶກສາຫາລື, ຜັນຂະຫຍາຍຍຸດທະສາດການຮ່ວມມືກັບບັນດາຄູ່ຮ່ວມມືສາກົນໃນການຖ່າຍຖອດເຕັກໂນໂລຢີ, ບຳລຸງສ້າງຊັບພະຍາກອນມະນຸດເພື່ອກໍ່ສ້າງບັນດາໂຄງການ, ລົດໄຟໃຕ້ດິນຢູ່ຮ່າໂນ້ຍ ແລະນະຄອນໂຮ່ຈີມິນ; ເຕັກໂນໂລຢີກໍ່ສ້າງອຸມົງ ແລະຂົວຂອງໂຄງການກໍ່ສ້າງເສັ້ນທາງລົດໄຟສາຍດ່ວນເໜືອ-ໃຕ້ ໃນໄລຍະຈະມາເຖິງ. ຜ່ານນັ້ນ, ສືບຕໍ່ຢັ້ງຢືນບົດບາດຂອງບໍລິສັດໃຫຍ່ໃນການກໍ່ສ້າງ ແລະພັດທະນາເສດຖະກິດຂອງປະເທດ.
|
|
 |
|
ພະນັກງານ, ພາລະກອນບໍລິສັດໃຫຍ່ກໍ່ສ້າງລຸງໂລ ເຮັດວຽກຢູ່ໂຄງການໄຟຟ້ານ້ຳຕົກ ອີອາລີ ເປີດກວ້າງ. ພາບ: qdnd.vn |
|
|
 |
|
ບໍລິສັດໃຫຍ່ກໍ່ສ້າງ ລຸງໂລ ກໍ່ສ້າງເສົາໄຟຟ້າຢູ່ກຽນບິ່ງ, ຝູກ໊ວກ, ກຽນຢາງ. ພາບ: qdnd.vn |
ທ່ານພັນເອກພິເສດ ຕັງວັນຈີ, ຜູ້ອຳນວຍການບໍລິສັດໃຫຍ່ກໍ່ສ້າງລຸງໂລ ແບ່ງປັນວ່າ ຜ່ານ 35 ປີແຫ່ງການກໍ່ສ້າງ, ສາມັກຄີ ແລະມານະພະຍາຍາມຢ່າງບໍ່ຢຸດຢັ້ງ, ບັນດາທະຫານຊ່າງແສງ ລຸງໂລ ໄດ້ສ້າງຜົນງານມະຫັດສະຈັນດ້ວຍບັນດາກິດຈະການຮັບໃຊ້ການປ້ອງກັນຊາດ ແລະເສດຖະກິດສຳຄັນຂອງປະເທດ. ປະຈຸບັນບໍລິສັດໃຫຍ່ກຳລັງຜັນຂະຫຍາຍການກໍ່ສ້າງໂຄງການພົ້ນເດັ່ນຈຳນວນໜຶ່ງ, ຄື: ອຸມົງໂຮງງານໄຟຟ້ານ້ຳຕົກ ອີອາລີ ເປີດກວ້າງ, ອຸມົງທາງບົກຕຸຍອານຂອງໂຄງການເສັ້ນທາງດ່ວນ ເໜືອ-ໃຕ້...
ພ້ອມກັນນັ້ນ, ບໍລິສັດໃຫຍ່ກໍ່ສ້າງລຸງໂລ ກໍ່ສືບຕໍ່ເປີດກວ້າງການຮ່ວມມື, ຮ່ວມທຸລະກິດກັບບັນດາວິສາຫະກິດຢູ່ພາຍໃນ ແລະຕ່າງປະເທດ, ຄື: ບໍລິສັດໃຫຍ່ ຊົງດ່າ, ບໍລິສັດໃຫຍ່ຫຸ້ນສ່ວນສົ່ງອອກ-ນຳເຂົ້າ ແລະກໍ່ສ້າງຫວຽດນາມ, ບໍລິສັດຫຸ້ນສ່ວນ SCI; ບັນດາກຸ່ມບໍລິສັດໃຫຍ່ຂອງ ຍີ່ປຸ່ນ, ສ. ເກົາຫຼີ, ຈີນ, ລັດເຊຍ... ເພື່ອກໍ່ສ້າງບັນດາໂຄງການທີ່ມີຄວາມຮຽກຮ້ອງຕ້ອງການດ້ານເຕັກນິກສູງ.
ທ່ານພັນເອກພິເສດ ຕັງວັນຈີ ເນັ້ນໜັກວ່າ “ບັນດາກິດຈະການ, ໂຄງການເຊິ່ງບໍລິສັດໃຫຍ່ກໍ່ສ້າງລຸງໂລ ເຂົ້າຮ່ວມການກໍ່ສ້າງປະກອບສ່ວນຍົກສູງຮູບພາບຂອງ “ກອງທະຫານອອກແຮງງານທຳການຜະລິດ”, ໜ້າທີ່ປ້ອງກັນຊາດຕິດພັນກັບເສດຖະກິດ, ເສດຖະກິດຕິດພັນກັບການປ້ອງກັນຊາດຂອງວິສາຫະກິດກອງທັບ, ຮັບໃຊ້ກິດຈະການກໍ່ສ້າງພື້ນຖານປ້ອງກັນຊາດໃຫ້ໝັ້ນຄົງແຂງແຮງ, ພັດທະນາເສດຖະກິດ-ສັງຄົມຂອງປະເທດ”.
ໃນໄລຍະຜ່ານມາ, ນອກຈາກປະຕິບັດບັນດາໜ້າທີ່ການເມືອງສຳຄັນເຊິ່ງກະຊວງປ້ອງກັນປະເທດ, ເຈົ້າຂອງໂຄງການມອບໝາຍໃຫ້, ບໍລິສັດໃຫຍ່ກໍ່ສ້າງລຸງໂລ ຍັງສືບຕໍ່ລົງທຶນ, ຮັກສາການເຄື່ອນໄຫວຂອງບັນດາອຸປະກອນທັນສະໄໝ ແລະປ່ຽນແປງໃໝ່ເຕັກໂນໂລຢີໃນການກໍ່ສ້າງອຸມົງ, ມ້າງທຳລາຍລະເບີດທີ່ຍັງຕົກຄ້າງຢູ່ທະເລ, ປະກອບສ່ວນຢັ້ງຢືນຖານະບົດບາດຂອງລັດວິສາຫະກິດໃນກອງທັບ, ສ້າງຄຸນຄ່າສູງຫຼາຍກວ່າໃຫ້ແກ່ການປ້ອງກັນຊາດ ແລະພື້ນຖານເສດຖະກິດຂອງປະເທດ.
ໂດຍ: ແສງເດືອນ