ນັກຂ່າວ: ນີ້ແມ່ນຄັ້ງທີ 2 ຫວຽດນາມ ຈັດຕັ້ງງານວາງສະແດງປ້ອງກັນຊາດສາກົນ. ຕາມທ່ານແລ້ວ, ການຈັດຕັ້ງງານວາງສະແດງປ້ອງກັນຊາດສາກົນທີ່ມີຄວາມໝາຍຄຶແນວໃດຕໍ່ກັບ ຫວຽດນາມ?

ຜູ້ອຳນວຍການ FSMTC D.E. Shugaev: ຕາມຂ້າພະເຈົ້າ, ງານປ້ອງກັນຊາດສາກົນຫວຽດນາມ 2024 ບໍ່ພຽງແຕ່ແມ່ນເຫດການຂະໜາດໃຫຍ່ເພື່ອໃຫ້ບັນດາປະເທດ, ວິສາຫະກິດໃນຂົງເຂດປ້ອງກັນຊາດເທົ່ານັ້ນ ຫາກຍັງແມ່ນກາລະໂອກາດເພື່ອຫວຽດນາມ ສະແດງຄວາມສາມາດຈັດຕັ້ງ ແລະຢັ້ງຢືນບົດບາດນັບມື້ນັບເພີ່ມຂຶ້ນຂອງຕົນໃນເວທີສາກົນ.

ປີນີ້, ງານວາງສະແດງປ້ອງກັນຊາດສາກົນຫວຽດນາມ 2024 ໄດ້ຈັດຕັ້ງ ຄັ້ງທີ 2 ແລະແມ່ນໜຶ່ງໃນບັນດາເຫດການຫຼັກໃນບັນດາກິດຈະກຳສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 35 ປີແຫ່ງວັນບຸນທົ່ວປວງຊົນປ້ອງກັນຊາດ.

ຄືກັບບັນດາເຫດການຄ້າຍຄື, ສຳລັບປະເທດເຈົ້າພາບຈັດຕັ້ງ, ງານວາງສະແດງແມ່ນບ່ອນທີ່ບັນດານັກລົງທຶນຕ່າງປະເທດ, ຜູ້ຕາງໜ້າບັນດາກະຊວງ, ອົງການຈັດຕັ້ງ, ວິສາຫະກິດປ້ອງກັນຊາດ ສາມາດເພີ່ມທະວີການພົວພັນເພື່ອພ້ອມກັນຮ່ວມມືກັບບັນດາຄູ່ຮ່ວມມື ແລະປຶກສາຫາລືມາດຕະການຊຸກຍູ້ການຮ່ວມມືກວ່າອີກ.

ນີ້ແມ່ນກາລະໂອກາດທີ່ດີເພື່ອໃຫ້ບັນດານັກຊ່ຽວຊານໃນຂົງເຂດປ້ອງກັນຊາດ, ປ້ອງກັນຄວາມສະຫງົບພົບປະ ແລະແລກປ່ຽນທັດສະນະ. ນີ້ກໍ່ແມ່ນກາລະໂອກາດທີ່ດີເພື່ອຮັບຮູ້ການປະກອບສ່ວນອັນໃຫຍ່ຫຼວງຂອງກອງທັບໃນພາລະກິດປົກປັກຮັກສາປະເທດຊາດ, ພ້ອມທັງຢັ້ງຢືນບົດບາດສຳຄັນຂອງຫວຽດນາມ ໃນການຊຸກຍູ້ການຮ່ວມມືປ້ອງກັນຊາດສາກົນ.

leftcenterrightdel
ຜູ້ອຳນວຍການອົງການສະຫະພັນກ່ຽວກັບການຮ່ວມມືດ້ານເຕັກນິກ-ການທະຫານ (FSMTC) ຂອງລັດເຊຍ. ພາບ: FSMTC

ນັກຂ່າວ: ຄະນະຈັດຕັ້ງໃຫ້ຮູ້ວ່າ, ງານວາງສະແດງປ້ອງກັນຊາດສາກົນຫວຽດນາມ 2024 ຈະມີຂະໜາດໃຫຍ່ກວ່າເມື່ອທຽບໃສ່ກັບຄັ້ງທຳອິດທີ່ໄດ້ຈັດຕັ້ງໃນປີ 2022, ສິ່ງດັ່ງກ່າວພິສູດໃຫ້ເຫັນຄວາມດຶງດູດນັບມື້ນັບເພີ່ມຂຶ້ນຂອງເຫດການ. ທ່ານສາມາດແບ່ງປັນກ່ຽວກັບເຫດການນີ້ໄດ້ບໍ່?

ຜູ້ອຳນວຍການ FSMTC D.E. Shugaev: ຜູ້ຈັດຕັ້ງງານວາງສະແດງໃດກໍ່ມານະພະຍາຍາມຄິດເຖິງບົດຮຽນຂອງເຫດການກ່ອນ ແລະມານະພະຍາຍາມຈົນສຸດຄວາມສາມາດ ເພື່ອເຮັດໃຫ້ງານວາງສະແດງຄັ້ງຕໍ່ໄປມີຂະໜາດໃຫຍ່ກວ່າ ແລະມີຄວາມດຶງດູດຕໍ່ກັບຜູ້ເຂົ້າຮ່ວມ.

ງານວາງສະແດງປ້ອງກັນຊາດສາກົນຫວຽດນາມ 2024 ບໍ່ພຽງແຕ່ບ່ອນວາງສະແດງອາວຸດຍຸດໂທປະກອນເທົ່ານັ້ນ ຫາກຍັງແມ່ນກາລະໂອກາດໂຄສະນາເຜີຍແຜ່ຮູບພາບຂອງປະເທດ, ຊາວຫວຽດນາມ ໃນນາມແມ່ນຜູ້ຈັດຕັ້ງເຫດການໃຫຍ່. ງານວາງສະແດງຈະປະກອບສ່ວນເຂົ້າໃນການພັດທະນາການຮ່ວມມືລະຫວ່າງຫວຽດນາມ ແລະບັນດາປະເທດໃນຂົງເຂດປ້ອງກັນຊາດ.

ພວກຂ້າພະເຈົ້າ ຕີລາຄາຄວາມຕັ້ງໜ້າຂອງງານວາງສະແດງ. ລັກສະນະຫຼັກຂອງງານວາງສະແດງແມ່ນບັນດາກົມກອງ, ວິສາຫະກິດເຂົ້າຮ່ວມວາງສະແດງມີໂອກາດດີທີ່ສຸດເພື່ອປຶກສາຫາລືແງ່ມຸມເຕັກໂນໂລຢີໃນການຜະລິດ ແລະນຳໃຊ້ຜະລິດຕະພັນການທະຫານຢູ່ອາຊີຕາເວັນອອກສ່ຽງໃຕ້, ກໍ່ຄືໂຄສະນາບັນດາຜະລິດຕະພັນໃໝ່ຫຼ້າສຸດຂອງເຂົາເຈົ້າ ແລະການບໍລິການໃຫ້ທຸກປະເທດໃນພາກພື້ນ.

leftcenterrightdel
ບໍລິສັດ Rosoboronexport ວາງສະແດງອາວຸດທີ່ງານວາງສະແດງ. ພາບ: ຈູງແທັ່ງ

ທີ່ງານວາງສະແດງປ້ອງກັນຊາດສາກົນຫວຽດນາມ 2022, ຮ້ານວາງສະແດງຂອງລັດເຊຍ ກາຍເປັນໜຶ່ງໃນບັນດາບ່ອນວາງສະແດງທີ່ມີຂະໜາດໃຫຍ່ທີ່ສຸດ. ຮ້ານວາງສະແດງແນະນຳບັນດາຜະລິດຕະພັນປ່ຽນແປງໃໝ່ຂອງບັນດາບໍລິສັດລັດເຊຍ ໃນຂົງເຂດປ້ອງກັນຊາດ ແລະປ້ອງກັນຄວາມສະຫງົບ, ເໝາະສົມທີ່ສຸດເພື່ອແກ້ໄຂບັນຫາໃນປະຈຸບັນ ແລະອະນາຄົດຂອງພາກພື້ນ. ອາວຸດຍຸດໂທປະກອນການທະຫານນີ້ໄດ້ພັດທະນາອີງໃສ່ປະສົບການນຳໃຊ້ໃນເງື່ອນໄຂສູ້ຮົບທັນສະໄໝ.

ນັກຂ່າວ: ທ່ານຄິດຄືແນວໃດຕໍ່ກັບຄວາມສາມາດອຸດສາຫະກຳປ້ອງກັນຊາດຫວຽດນາມ ແລະການປະກອບສ່ວນຂອງຂະແໜງອຸດສາຫະກຳປ້ອງກັນຊາດ ເຂົ້າໃນກິດຈະການຫັນກອງທັບປະຊາຊົນຫວຽດນາມ ເປັນທັນສະໄໝ?

ຜູ້ອຳນວຍການ FSMTC D.E. Shugaev: ຫວຽດນາມ ໄດ້ຖືວ່າແມ່ນໜຶ່ງໃນບັນດາປະ ເທດພັດທະນາຢ່າງວ່ອງໄວທີ່ສຸດ ແລະສຳຄັນທີ່ສຸດ, ມີປະສິດທິຜົນທີ່ສຸດໃນໂລກ. ຍຸດທະສາດປ້ອງກັນຊາດຫວຽດນາມ ມຸ່ງໄປເຖິງການສ້າງຕັ້ງ ແລະເພີ່ມທະວີການພົວພັນທີ່ມີປະສິດທິຜົນ, ໄວ້ເນື້ອເຊື່ອໃຈເຊິ່ງກັນ ແລະກັນກັບບັນດາປະເທດ, ພິເສດແມ່ນບັນດາຄູ່ຮ່ວມມືຍຸດທະສາດ, ດ້ວຍເປົ້າໝາຍກໍ່ສ້າງກຳລັງປະກອບອາວຸດແຂງແຮງ ແລະທັນສະໄໝ. ພວກຂ້າພະເຈົ້າ ເຫັນວ່າ ຫວຽດນາມ ຕັດສິນໃຈພັດທະນາຂະແໜງອຸດສາຫະກຳປ້ອງກັນຊາດ ເພື່ອຕອບສະໜອງຄວາມຮຽກຮ້ອງກຸ້ມຕົນເອງ, ເພີ່ມທະວີບົດບາດໃນການພັດທະນາອຸດສາຫະກຳແຫ່ງຊາດເປັນເທື່ອລະກ້າວ.

leftcenterrightdel
ລະບົບລູກສອນໄຟຕ້ານລົດຕັງ Kornet-EM ວາງສະແດງຢູ່ງານວາງສະແດງ. ພາບ: ຈູງແທັ່ງ.

ກ່ຽວຂ້ອງເຖິງບັນຫາຫັນອຸດສາຫະກຳເປັນທັນສະໄໝ, ບຸລິມະສິດແຖວໜ້າແມ່ນບັນດາຜົນງານກ້າວໜ້າຂອງວິທະຍາສາດການທະຫານ ແລະເຕັກໂນໂລຢີທັນສະໄໝ, ພິເສດຄືປັນຍາປະດິດ, ຄວາມປອດໄພດ້ານໄຊເບີ ແລະລະບົບບໍ່ມີຄົນຂັບ, ກໍ່ຄືຄົ້ນຄວ້າ, ອອກແບບ, ຜະລິດ, ບຳລຸງຮັກສາ ແລະຫັນບັນດາອາວຸດຍຸດໂທປະກອນການທະຫານເຕັກໂນໂລຢີສູງເປັນທັນສະໄໝ.

ໃນເງື່ອນໄຂທັນສະໄໝ, ຄວາມໄວ້ເນື້ອເຊື່ອໃຈສູງ ແລະເຄົາລົບຜົນປະໂຫຍດຂອງກັນແມ່ນພື້ນຖານໜ້າໄວ້ເນື້ອເຊື່ອໃຈສຳລັບການພົວພັນຄູ່ຮ່ວມມືຍາວນານລະຫວ່າງ ລັດເຊຍ ແລະຫວຽດນາມ ໃນຂົງເຂດການຮ່ວມມືເຕັກນິກການທະຫານ.

leftcenterrightdel
ລົດສູ້ຮົບທາງບົກ BMP-3 ໄດ້ວາງສະແດງທີ່ງານວາງສະແດງປ້ອງກັນຊາດສາກົນຫວຽດນາມ 2024. ພາບ: ຈູງແທັ່ງ.

ການຮ່ວມມືເຕັກໂນໂລຢີ ເລີ່ມສວມບົດບາດສຳຄັນໃນເງື່ອນໄຂປະຈຸບັນ. ໃນສອງປີຜ່ານມາ, ລັດເຊຍ ແລະຫວຽດນາມ ໄດ້ລົງນາມເອກະສານຮ່ວມມືຈຳນວນໜຶ່ງ ແລະເລີ່ມຈັດຕັ້ງປະຕິບັດໃນຂົງເຂດເຕັກໂນໂລຢີທີ່ມີຄວາມສາມາດບົ່ມຊ້ອນນີ້.

ນັກຂ່າວ: ຂໍຮຽນທ່ານ, ຄະນະການນຳ FSMTC ຂອງລັດເຊຍ ມີແຜນການເຂົ້າຮ່ວມງານວາງສະແດງປ້ອງກັນຊາດສາກົນຫວຽດນາມ 2024 ບໍ່? ທ່ານສາມາດໃຫ້ຮູ້ຂະໜາດເຂົ້າຮ່ວມຂອງລັດເຊຍ ທີ່ງານວາງສະແດງປີນີ້ຄືແນວໃດ?

ຜູ້ອຳນວຍການ FSMTC D.E. Shugaev: ໂດຍ, ແນ່ນອນແລ້ວ. ຄະນະປະຕິບັດງານຈາກ FSMTC ຂອງລັດເຊຍ ໂດຍຮອງຜູ້ອໍານວຍການ M.V. Babich ນໍາໜ້າຈະເຂົ້າຮ່ວມງານວາງສະແດງ. ຂະໜາດເຂົ້າຮ່ວມງານວາງສະແດງຂອງລັດເຊຍ ກໍ່ມີຄວາມປະທັບໃຈ. ໃນຮ້ານວາງສະແດງ ແລະເຂດທີ່ມີເນື້ອທີ່ກວ່າ 700m2 (ທົບ 3 ເທົ່າເມື່ອທຽບໃສ່ກັບປີ 2022), 38 ກົມກອງຂອງລັດເຊຍ ມີແຜນການແນະນຳຜະລິດຕະພັນຂອງເຂົາເຈົ້າ, ລວມມີບັນດາບໍລິສັດສົ່ງອອກ ແລະຜະລິດອາວຸດຍຸດໂທປະກອນສຳລັບທະຫານບົກ, ທະຫານອາກາດ, ທະຫານເຮືອ, ກຳລັງປ້ອງກັນອາກາດ, ກໍ່ຄືບັນດາກຳລັງພິເສດ ແລະອົງການປະຕິບັດກົດໝາຍ. ໃນຈຳນວນດັ່ງກ່າວມີບັນດາບໍລິສັດ Rosoboronexport, High precision systems, ກຸ່ມບໍລິສັດ Almaz-Antey, ກຸ່ມບໍລິສັດ Kalashnikov ແລະກົມກອງຕ່າງໆ.

ສ່ວນຫຼາຍບັນດາຜະລິດຕະພັນການທະຫານຂອງລັດເຊຍ ວາງສະແດງທີ່ງານວາງສະແດງ ລ້ວນແຕ່ຢັ້ງຢືນລັກສະນະສະເພາະຂອງມັນໃນເງື່ອນໄຂສູ້ຮົບທັນສະໄໝ. ເປັນຄັ້ງທຳອິດ, ລົດຫຸ້ມເກາະ Typhoon-K ຈະໄດ້ວາງສະແດງຢູ່ຕ່າງປະເທດ. ນອກຈາກນັ້ນ, ລັດເຊຍ ຈະວາງສະແດງລະບົບ UAV ສອດແນມ Orlan-10E ແລະOrlan-30...

ນອກຈາກນັ້ນ, ໃນເວລາດຳເນີນງານວາງສະແດງ, ບັນດາກຸ່ມບໍລິສັດອຸດສາຫະກຳລັດເຊຍ ມີແຜນການວາງສະແດງອາວຸດຍຸດໂທປະກອນຈຳນວນກວ່າ 800 ຢ່າງ, ລວມມີອຸປະກອນຂອງທະຫານອາກາດ, ປ້ອງກັນອາກາດ, ກຳລັງທະຫານເຮືອ, ອາວຸດຂະໜາດນ້ອຍ ແລະອາວຸດສູ້ຮົບເອເລັກໂຕນິກດ້ວຍຮູບຈຳລອງ ແລະຮູບແບບໂຄສະນາອື່ນໆ.

ນັກຂ່າວ: ລັດເຊຍ ມີຄວາມຫວັງແນວໃດເມື່ອເຂົ້າຮ່ວມງານວາງສະແດງປ້ອງກັນຊາດສາກົນຫວຽດນາມ 2024, ຂໍຮຽນທ່ານ?

ຜູ້ອຳນວຍການ FSMTC D.E. Shugaev: ຂໍຢໍ້າຄືນວ່າພວກຂ້າພະເຈົ້າຕີລາຄາຢ່າງຕັ້ງໜ້າກ່ຽວກັບງານວາງສະແດງປ້ອງກັນຊາດສາກົນຫວຽດນາມ 2024 ແລະພວກຂ້າພະເຈົ້າ ຫວັງວ່າ ຮ້ານວາງສະແດງຂອງລັດເຊຍ ກໍ່ຄືອາວຸດຍຸດໂທປະກອນການທະຫານທີ່ໄດ້ວາງສະແດງຈະດຶງດູດຄວາມສົນໃຈຂອງວົງການນັກວິຊາການ ແລະແຂກຢ້ຽມຊົມ.

ນັກຂ່າວ: ຂໍຂອບໃຈທ່ານ!

ໂດຍ: ແສງເດືອນ