ລາຍການພົບປະແລກປ່ຽນດ້ານປ້ອງກັນຊາດລະຫວ່າງແຂວງແທງຮ໋ວາ - ຫົວພັນ

ຄະນະຜູ້ແທນແຂວງແທງຮວ໋າ ນໍາໂດຍສະຫາຍ ຫງວຽນກວາງຫາຍ, ຮອງປະທານສະພາປະຊາຊົນແຂວງ. ພາບ: qdnd.vn

ຄະນະຜູ້ແທນແຂວງຫົວພັນ ນໍາໂດຍສະຫາຍ ພຸດພັນ ແກ້ວວົງໄຊ, ຮອງເຈົ້າແຂວງຫົວພັນ. ພາບ: qdnd.vn

ໃນໄລຍະ 2 ວັນ ທີ່ດໍາເນີນລາຍການພົບປະ, ຖັນແຖວແພດທະຫານແຂວງແທງຮ໋ວາ ແລະກໍາລັງແພດທະຫານຂອງລາວ ໄດ້ກວດພະຍາດ ແລະແຈກຢາໃຫ້ແກ່ປະຊາຊົນ, ຜູ້ອາຍຸສູງ, ເດັກນ້ອຍ, ແມ່ຍິງທີ່ປະສົບກັບຄວາມຫຍຸ້ງຍາກ 450 ຄົນ ຢູ່ເຂດຊາຍແດນລະຫວ່າງສອງແຂວງ; ການນຳສອງ ແຂວງ ແລະ ກໍາລັງປະກອບອາວຸດແຂວງແທງຮ໋ວາ ໄດ້ມອບຂອງຂວັນ 70 ພູດ ໃຫ້ແກ່ນັກຮຽນທຸກຍາກຂອງໂຮງຮຽນປະຖົມບ້ານເດີຍ, ເມືອງວຽງໄຊ (ລາວ) ແລະ ໂຮງຮຽນມັດທະຍົມຕອນຕົ້ນນາແມ່ວ, ເມືອງກວານເຊີນ, ແຂວງແທງຮ໋ວາ (ຫວຽດນາມ); ຈັດຕັ້ງການປູກຕົ້ນໄມ້ເປັນທີ່ລະນຶກ ແລະທາສີໃສ່ຫຼັກໝາຍຊາຍແດນ.

ປູກຕົ້ນໄມ້ເປັນທີ່ລະນຶກຢູ່ດ່ານສາກົນນາແມ່ວ, ແມືອງກວານເຊີນ, ແຂວງແທງຮວ໋າ. ພາບ: qdnd.vn

ປູກຕົ້ນໄມ້ເປັນທີ່ລະນຶກ ຢູ່ເຂດຊາຍແດນນໍ້າຊອຍ, ແຂວງຫົວພັນ. ພາບ: qdnd.vn

ທີ່ການພົບປະສອງຝ່າຍໃນລາຍການພົບປະແລກປ່ຽນມິດຕະພາບດ້ານປ້ອງກັນຊາດລະຫວ່າງແຂວງແທງຮ໋ວາ-ຫົວພັນ, ສອງຝ່າຍໄດ້ຫວນຄືນສາຍພົວພັນທີ່ເປັນມູນເຊື້ອ, ຄວາມສະໜິດຕິດພັນລະຫວ່າງສອງປະເທດຫວຽດນາມ - ລາວ ແລະສອງແຂວງ ແທງຮ໋ວາ - ຫົວພັນ. ພິເສດ, ກຳລັງປະກອບອາວຸດສອງຝ່າຍຍາມໃດກໍຮັກສາ,  ເສີມຂະຫຍາຍມູນເຊື້ອອັນດີງາມ ແລະຈັດຕັ້ງການເຄື່ອນໄຫວແລກປ່ຽນຂໍ້ມູນຂ່າວສານຢ່າງເປັນປະຈຳ; ການພົບປະແລກປ່ຽນຄະນະຜູ້ແທນ; ລົງນາມໃນຂໍ້ຕົກລົງຮ່ວມມືດ້ານການທະຫານ, ການປ້ອງກັນຊາດ, ປ້ອງກັນຄວາມສະຫງົບ ຮັບປະກັນຢ່າງແໜ້ນແຟ້ນ ແລະມີປະສິດທິຜົນ, ຮ່ວມແຮງຮ່ວມໃຈກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະພັດທະນາ, ປະກອບສ່ວນເຮັດໃຫ້ການຮ່ວມມືດ້ານປ້ອງກັນຊາດສອງຝ່າຍຫວຽດນາມ - ລາວ ໃຫ້ນັບມື້ນັບເຂົ້າສູ່ລວງເລິກ ແລະມີປະສິດທິຜົນ.

ມອບຂອງຂວັນໃຫ້ແກ່ຄອບຄົວນະໂຍບາຍ ຢູ່ຕາແສງນາແມ່ວ, ເມືອງກວານເຊີນ. ພາບ: qdnd.vn

ປະຊາຊົນຢູ່ເຂດຊາຍແດນຕາແສງນາແມ່ວ, ເມືອງກວານເຊີນ ໄດ້ຮັບການກວດພະຍາດ, ແຈກຢາຍຢຸກຢາ. ພາບ: qdnd.vn

ລາຍການພົບປະແລກປ່ຽນປະກອບສ່ວນສະແດງໃຫ້ເຫັນຄວາມສາມັກຄີ, ການໜູນຊ່ວຍເຊິ່ງກັນ ແລະກັນ, ສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານການເມືອງ, ສ້າງພື້ນຖານອັນໜັກແໜ້ນ ເພື່ອໃຫ້ສາຍພົວພັນຫວຽດນາມ - ລາວ ພັດທະນາຢ່າງຮອບດ້ານ ແລະ ຍືນຍົງ. ບົນພື້ນຖານໝາກຜົນທີ່ບັນລຸໄດ້ໃນການຜັນຂະຫຍາຍຂໍ້ຕົກລົງຮ່ວມມື ປີ 2024 ລະຫວ່າງແຂວງແທງຮ໋ວາ-ຫົວພັນ, ກຳລັງປະກອບອາວຸດຂອງສອງແຂວງ ຈະສືບຕໍ່ເອົາໃຈໃສ່, ເພີ່ມທະວີການຮ່ວມມືໃນທຸກຂົງເຂດ; ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ-ລາວ.

ໂດຍ: ທູຈາງ