ຕົກລົງຕໍ່ແຜນການຝຶກຊ້ອມຮ່ວມກັບກໍາລັງປ້ອງກັນຝັ່ງທະເລອິນເດຍ
ກປ.ອອນໄລ - ເພື່ອແນໃສ່ຮັບປະກັນປະສິດທິຜົນ ແລະຄວາມປອດໄພຂອງການເຄື່ອນໄຫວຝຶກຊ້ອມຮ່ວມລະຫວ່າງຕໍາຫຼວດທະເລຫວຽດນາມ ແລະກໍາລັງປ້ອງກັນຝັ່ງທະເລອິນເດຍ ກ່ຽວກັບການຄົ້ນຫາ, ຊ່ວຍເຫຼືອ ແລະຮັບມືກັບອຸບັດຕິເຫດຢູ່ທະເລ, ວັນທີ 17 ທັນວາ, ຄະນະປະຕິບັດງານສອງຝ່າຍໄດ້ດຳເນີນກອງປະຊຸມແລກປ່ຽນ ແລະຕົກລົງຕໍ່ແຜນການຝຶກຊ້ອມ.
    |
 |
|
ຄະນະປະຕິບັດງານກໍາລັງປ້ອງກັນຝັ່ງທະເລອິນເດຍ ຢ້ຽມຊົມກໍາປັ່ນ CSB 8005. ພາບ: qdnd.vn |
ການເຄື່ອນໄຫວຝຶກຊ້ອມຮ່ວມເພື່ອແນໃສ່ແບ່ງປັນປະສົບການ ແລະຍົກສູງຄວາມສາມາດສົມທົບກັນລະຫວ່າງຕໍາຫຼວດທະເລຫວຽດນາມ ແລະກໍາລັງປ້ອງກັນຝັ່ງທະເລອິນເດຍ ໃນກໍລະນີສຸກເສີນຢູ່ທະເລ, ຈຸດສຸມແມ່ນການຜັນຂະຫຍາຍພາຫະນະ, ກໍາລັງເຂົ້າຮ່ວມການຄົ້ນຫາ, ຊ່ວຍເຫຼືອ ແລະຮັບມືກັບອຸບັດຕິເຫດທີ່ຮ້າຍແຮງຄືໄຟໄໝ້, ລະເບີດ ຫຼື ນ້ຳມັນຮົ່ວໄຫຼຢູ່ທະເລຢ່າງທັນການ, ປອດໄພ ແລະມີປະສິດທິຜົນ. ເນື້ອໃນການຝຶກຊ້ອມຈະປະກອບສ່ວນຊ່ວຍໃຫ້ພະນັກງານ, ນັກຮົບຂອງສອງຝ່າຍປັບປຸງຂັ້ນຕອນການສົມທົບກັນຢູ່ພື້ນທີ່ຕົວຈິງ, ເພີ່ມທະວີຄວາມສາມາດຕິດຕໍ່ສື່ສານ, ປະສານງານກຳລັງ ແລະນຳໃຊ້ອຸປະກອນວິຊາສະເພາະໃຫ້ມີປະສິດທິຜົນ.
|
|
 |
|
ຄະນະປະຕິບັດງານກໍາລັງປ້ອງກັນຝັ່ງທະເລອິນເດຍ ແລະຄະນະປະຕິບັດງານຕໍາຫຼວດທະເລຫວຽດນາມ. ພາບ: qdnd.vn |
ທີ່ການເຮັດວຽກ, ສອງຝ່າຍໄດ້ແລກປ່ຽນ ແລະປັບປຸງແຜນການຝຶກຊ້ອມໃຫ້ສົມບູນ, ລວມມີຫຼາຍເນື້ອໃນ, ຄື: ເວລາເຄື່ອນທີ່, ສັນຍານໝາກຫວີດ, ໄລຍະຫ່າງລະຫວ່າງກຳປັ່ນລໍາຕ່າງໆໃນຂັ້ນຕອນການເຄື່ອນທີ່ຕາມແຖວຕັ້ງ ແລະແຖວນອນ; ຕຳແໜ່ງເຂົ້າທຽບທ່າກໍາປັ່ນ, ຄວາມໄວເຄື່ອນທີ່, ຂັ້ນຕອນແກ້ໄຂກໍລະນີຄົ້ນຫາ, ຊ່ວຍເຫຼືອ, ຄາດຄະເນກໍລະນີສຸກເສີນ; ຂັ້ນຕອນການຜັນຂະຫຍາຍແຜນການຮັບມືກັບ ອຸບັດຕິເຫດໄຟໄໝ້ລະເບີດ ແລະນ້ຳມັນຮົ່ວຢູ່ທະເລ; ສົມທົບກັນຕໍ່ສູ້ ແລະສະກັດກັ້ນອາດຊະຍາກຳທີ່ລະເມີດຢູ່ທະເລ; ວິທີການນໍາໃຊ້ເຮລີຄອບເຕີຂອງກໍາລັງປ້ອງກັນຝັ່ງທະເລອິນເດຍ ເຂົ້າຮ່ວມການຄົ້ນຫາ, ຊ່ວຍເຫຼືອ; ວຽກງານຮັບປະກັນການຕິດຕໍ່ສື່ສານ, ຈໍານວນຜູ້ເຂົ້າຮ່ວມໂດຍກົງ ...
ກ່ອນໜ້ານັ້ນ, ຄະນະປະຕິບັດງານ ກໍາລັງປ້ອງກັນຝັ່ງທະເລອິນເດຍ ນຳໂດຍທ່ານພັນເອກ Krishna Kumar, ຮອງຜູ້ບັນຊາການກໍາລັງປ້ອງກັນຝັ່ງທະເລອິນເດຍ ເຂດ 4 ໄດ້ໄປຢ້ຽມຊົມ ແລະໂອ້ລົມກັບພະນັກງານ, ນັກຮົບຕໍາຫຼວດທະເລຫວຽດນາມ ຢູ່ໃນກຳປັ່ນ CSB 8005.
ໂດຍ: ທູຈາງ